روس اور یوکرین میں ڈرون حملے، چھ ہلاکتیں اور درجنوں زخمی
اشاعت کی تاریخ: 22nd, September 2025 GMT
data-id="863a0a8" data-element_type="widget" data-widget_type="theme-post-content.default">
ماسکو/کیف: روس اور یوکرین کے درمیان جاری جنگ میں ڈرون حملوں کا سلسلہ پیر کو بھی شدت اختیار کر گیا، جس کے نتیجے میں کم از کم چھ افراد ہلاک اور متعدد زخمی ہو گئے۔ دونوں ممالک نے ایک دوسرے پر تازہ ترین حملوں کے الزامات عائد کیے ہیں۔
عالمی میڈیا رپورٹس کےمطابق روس کے زیر انتظام کریمیا کے سربراہ سرگئی اکسیونوف نے کہا کہ یوکرینی ڈرون حملے کے باعث بحیرہ اسود کے کنارے واقع سیاحتی مقام فوروس میں ایک سینیٹوریم اور اسکول کو نقصان پہنچا، جبکہ ملبہ گرنے سے آگ بھڑک اٹھی۔ ان کے مطابق اس حملے میں تین افراد ہلاک اور 16 زخمی ہوئے۔
روسی وزارت دفاع نے دعویٰ کیا کہ اس کی فضائی دفاعی نظام نے رات کے دوران 114 یوکرینی ڈرونز کو مار گرایا، جن میں سے 10 کو کریمیا کے اوپر تباہ کیا گیا۔ وزارت کے مطابق فوروس میں ہونے والا حملہ مقامی وقت کے مطابق شام 7 بج کر 30 منٹ پر ہوا اور وہاں کوئی فوجی تنصیب موجود نہیں تھی۔ اسے ماسکو نے “دہشت گردانہ کارروائی” قرار دیا۔
دوسری جانب یوکرین کے جنوب مشرقی علاقے زاپوریزژیا کے گورنر ایوان فیڈوروف نے بتایا کہ روسی بمباری میں تین افراد ہلاک اور دو زخمی ہوئے۔
فیڈوروف نے کہا کہ یہ حملہ مکمل طور پر شہریوں کو نشانہ بنانے کے لیے کیا گیا اور اس کا فوجی تنصیبات سے کوئی تعلق نہیں تھا۔
یوکرینی صدر ولادیمیر زیلنسکی نے سوشل میڈیا پلیٹ فارم ایکس پر کہا کہ زاپوریزژیا میں ریسکیو آپریشن جاری ہے اور متاثرہ خاندانوں سے تعزیت کی۔
یوکرینی فضائیہ نے دعویٰ کیا کہ اس نے رات کے دوران روس کے داغے گئے 141 ڈرونز میں سے 132 کو تباہ کیا۔ اس نے مزید کہا کہ زاپوریزژیا پر حملے کے دوران ماسکو کے زیر قبضہ شہر توکماک کے قریب فضائی بم گرانے کی بھی نشاندہی کی گئی۔
وہاج فاروقی
ذریعہ: Jasarat News
کلیدی لفظ: کہا کہ
پڑھیں:
سلمان خان چین مخالف فلم کی شوٹنگ کے دوران زخمی
بولی وڈ کے دبنگ اسٹار سلمان خان اپنی آنے والی ایکشن ڈرامہ فلم ”بیٹل آف گلوان“ کی شوٹنگ کے دوران زخمی ہوگئے۔ فلم کا پہلا مرحلہ لداخ کے برفیلے علاقوں میں فلمایا گیا، جس کے بعد اداکار ممبئی واپس پہنچ گئے ہیں جہاں وہ آئندہ شیڈول کی تیاری کریں گے۔
بھارتی میڈیا کے مطابق شوٹنگ کا پہلا شیڈول تقریباً 45 دن پر محیط تھا، جس دوران فلم کی ٹیم نے حقیقی مقامات پر مناظر عکس بند کیے۔ جبکہ سلمان خان خود 15 دن سیٹ پر موجود رہے۔ اس دوران درجہ حرارت منفی 10 ڈگری تک پہنچ جاتا تھا اور آکسیجن کی کمی کے باعث عملے کو شدید مشکلات کا سامنا کرنا پڑا۔
لداخ شوٹنگ کے ذرائع کے مطابق سلمان خان کو شوٹنگ کے دوران معمولی چوٹیں بھی آئیں، لیکن انہوں نے سخت موسمی حالات کے باوجود کام جاری رکھا۔ شوٹنگ مکمل کرنے کے بعد وہ مختصر آرام کر رہے ہیں تاکہ ممبئی شوٹنگ کے اگلے مرحلے میں بھرپور توانائی کے ساتھ شامل ہو سکیں۔
رپورٹ کے مطابق فلم کا دوسرا شیڈول اگلے ہفتے ممبئی میں شروع ہوگا، جو کہ فلم کی کہانی کا سب سے اہم حصہ تصور کیا جا رہا ہے۔ اس مرحلے میں جہاں ایکشن مناظر شامل ہوں گے، وہیں ہدایتکار اپوروا لکھیا کئی گہرے جذباتی اور ڈرامائی مناظر بھی فلم بند کریں گے۔
اداکار نے لداخ کا شیڈول مکمل کرنے کے بعد ممبئی واپسی پر اپنی ٹی وی مصروفیات بھی دوبارہ شروع کر دی ہیں۔ انہیں آج بگ باس 19 کے ویک اینڈ کا وار ایپی سوڈ میں دیکھا جائے گا۔
ہدایتکار اپوروا لکھیا کی ڈائریکشن میں بننے والی یہ فلم 2020 میں بھارت اور چین کے درمیان گلوان وادی میں ہونے والی جھڑپ پر مبنی ہے۔ فلم کی ریلیز کی تاریخ تاحال سامنے نہیں آئی، تاہم قریبی ذرائع کا کہنا ہے کہ پروڈکشن ٹیم جلد ہی اس حوالے سے باضابطہ اعلان کرے گی۔
Post Views: 1
وزیر مواصلات عبدالعلیم خان سے قازقستان کے سفیرکی ملاقات