عافیہ کو لائو یا گھر جائو
اشاعت کی تاریخ: 24th, September 2025 GMT
data-id="863a0a8" data-element_type="widget" data-widget_type="theme-post-content.default">
250924-03-4
مظفر اعجاز
پاکستانی حکمرانوں کے بارے میں ہمارا پرانا تجزیہ ہے کہ جب یہ اپوزیشن میں ہوتے ہیں تو عوام کے مسائل حل کرنے کے لیے حکومت سے مطالبات کرتے رہتے ہیں، لیکن جوں ہی حکومت میں آتے ہیں ان کو یا تو مسائل نظر ہی نہیں آتے یا یہ دعویٰ کرنے لگتے ہیں کہ سارے مسائل حل کردیے ہیں، اور ملک ترقی کی شاہراہ پر تیزی سے دوڑ رہا ہے۔ اگرچہ یہ رویہ تو سارے ہی حکمرانوں کا ہے لیکن آج کل اتفاق سے وزیر اعظم بھی میاں شہباز شریف ہیں اور صدر بھی وہی ہیں یعنی آصف علی زرداری جن سے آج سے ٹھیک پندرہ سال قبل 2010 میں اس وقت کے وزیر اعلیٰ پنجاب میاں شہباز شریف یہ مطالبہ کررہے تھے کہ قوم کی بیٹی ڈاکٹر عافیہ صدیقی کو سزا انسانیت کے خلاف جرم ہے، حکومت منسوخی کے لیے کردار ادا کرے، اور اب بھی یہ کہہ رہے ہیں کہ ڈاکٹر عافیہ کوسزا دلوانے میں اپنے اور پرائے دونوں شامل ہیں، حسب روایت وہ اور ان کے بھائی میاں نواز شریف اقتدار میں آکر ڈاکٹر عافیہ صدیقی کو بھول گئے، یہی نہیں کہ عافیہ کی سزا کے بعد وہ ایک ہی مرتبہ اقتدار میں آئے ہیں، وہ تو صرف ساڑھے تین برس کی عمران خان حکومت کو الگ کرکے حکومت ہی میں ہیں اور پنجاب میں بھی ایساہی ہوا ہے کہ یہی پارٹی اقتدار کا تسلسل ہے۔
آج جبکہ ڈاکٹر عافیہ کی قید کو 22 برس مکمل ہوچکے ہیں اور سزا سنائے جانے کو بھی15 برس ہوچکے ہیں میاں شہباز شریف وزیر اعظم ہیں اور زرداری صاحب صدر اب انہیں مطالبہ کرنے کے بجائے عملی اقدام کرنا ہوگا، اسے اتفاق کہیں یا وزیر اعظم کا ایک اور امتحان کہ عین اسی موقع پر وہ امریکا جارہے ہیں، جب ڈاکٹر عافیہ کی سزاکو پندرہواں برس مکمل ہورہا ہے، اور ان کی صدر ٹرمپ سے ملاقات بھی ہونے والی ہے، سماجی ذرائع ابلاغ پر تو وزیر اعظم کو یاد دہانی کرائی جارہی ہے کہ اس ملاقات میں قوم کی بیٹی، جسے آپ اور آپ کے بھائی اپنی بیٹی قرار دیتے رہے ہیں، کو بھول نہ جائیں۔ لیکن ایسا لگتا ہے کہ یہ محاورہ ایسے ہی لوگوں کے لیے کہا گیا ہے، کہ: ’’کلام نرم و نازک بے اثر‘‘۔
اگر قوم کوئی نتیجہ حاصل کرنا چاہتی ہے تو میاں شہباز شریف کو نہایت گرم جوشی کے ساتھ امریکا کے لیے رخصت کرے اور واپسی میں وہ اچھی خبر لائیں تو ان کا اس سے بھی زیادہ زوردار استقبال کیا جائے، اور اگر ایک بار پھر ٹرمپ کی بارگاہ میں صم بکم عمی کی عملی تفسیر بن کر آئے تو پوری گرم جوشی کے ساتھ انہیں ایوان اقتدار سے رخصت کردیا جائے۔ یہ محض علامتی باتیں نہیں بلکہ اب پڑوس کے ممالک میں جھوٹے وعدے اور جھوٹے دعوے کرنے والوں کا تختہ پلٹا جارہا ہے، انہیں گھروں اور اقتدار سے نکالا جارہا ہے۔ تو کیا عجب کہ پاکستان میں بھی ایسا کچھ ہو جائے، کہیں صرف رجاکار (رضاکار) کہنے پر طلبہ کی تحریک رُخ بدل لیتی ہے اور کہیں سوشل میڈیا پر پابندی کا نتیجہ یہ نکلتا ہے، عافیہ کا معاملہ تو بہت سنگین ہے، اس بنیاد پر تو اب تک عوام کو گھروں سے نکل کھڑا ہونا چاہیے۔ وزیر اعظم کی امریکا روانگی کے وقت ان کے ماضی کے بیانات کی نقل پر مشتمل بینرز ملک بھر میں لگادیے جائیں، ہر سڑک پر یہ نظر آنا چاہیے کہ اور یاد دلانا چاہیے کہ عافیہ کو سزا دلوانے میں اپنے اور پرائے دونوں شامل تھے۔ اور اب تو عافیہ کی رہائی میں رکاوٹ پرائے لوگوں سے زیادہ اپنے ہی بنے ہوئے ہیں۔
کبھی عافیہ کو ڈالر کے عوض فروخت کرکے، کبھی اسے امریکی شہری قرار دیکر، کبھی اس کی بہن ڈاکٹر فوزیہ کی جانب سے عدالت میں دی گئی درخواست کی راہ میں روڑے اٹکاکر، کبھی، بہت کچھ کرلیا کہہ کر کیس لپیٹنے کی درخواست کرکے، اور کبھی عدالتوں میں بنچ تشکیل دینے اور توڑنے کا کھیل کرکے رکاوٹ ڈالی جاتی ہے اور یہ سارے تو ’’اپنے‘‘ ہی کہلائے جاتے ہیں، پھر یہ کیوں نہ کہا جائے کہ
دیکھا جو کھا کے تیر کمیں گاہ کی طرف
اپنے ہی دوستوں سے ملاقات ہوگئی
ویسے اتنی بے ہودگی اور بے غیرتی کا مظاہرہ کیا جاچکا ہے کہ ’’کمیں گاہ‘‘ کی جگہ ’’کمین گاہ‘‘ لکھنے کا دل چاہتا ہے۔ بہر حال میاں شہباز شریف کے لیے ایک اور امتحان کے ساتھ موقع بھی ہے وہ اس ایک کام کے ذریعہ اپنے بہت سے سیاسی عزائم کی تکمیل بھی کرسکتے ہیں اور اپنے سر پر اقتدار کے خاتمے کی لٹکتی تلوار کو بھی ہٹا سکتے ہیں، اور اگر عافیہ کو نہ لاسکے تو اب ان کے سر پر دوسری تلوار لٹک رہی ہے، اب ان کے سامنے ایک ہی راستہ ہے، عافیہ کو لائیں یا گھر جائیں۔
ویسے ہمارے حکمران اپنے پرانے بیانات اور اس کیس میں بار بار اپنے یوٹرن دیکھ لیں تو شاید شرمندگی کے مارے خود ہی گھر چلے جائیں، لیکن یہاں خود ہی گھر جانے کی روایت ہی نہیں ہے، ہمارے حکمران تو زبردستی مسلط کیے جاتے ہیں اور ضرورت پوری ہونے پر زبردستی اُتارے بھی جاتے ہیں، اب فیصلہ ان ہی کو کرنا ہے کہ کون سا راستہ اختیار کرتے ہیں، خود فیصلہ کرلیں، قبل اس کے کہ عوام فیصلہ کریں۔
ذریعہ: Jasarat News
کلیدی لفظ: میاں شہباز شریف ڈاکٹر عافیہ عافیہ کی عافیہ کو ہیں اور کے لیے
پڑھیں:
وزیراعظم شہباز شریف سے ترک وزیر داخلہ کی ملاقات;دیرینہ و مضبوط برادرانہ تعلقات کا اعادہ
سٹی 42: وزیراعظم محمد شہباز شریف سے ترک وزیر داخلہ کی ملاقات ہوئی ۔ پاکستان اورترکیہ کے دیرینہ و مضبوط برادرانہ تعلقات کا اعادہ کیا گیا ۔
جمہوریہ ترکیہ کے وزیر داخلہ علی یرلیکایا، جو اس وقت پاکستان کے سرکاری دورے پر ہیں، کی آج وزیراعظم ہاؤس اسلام آباد میں وزیراعظم محمد شہباز شریف سے ملاقات ہوئی۔وزیراعظم نے ترک وزیر اور ان کے وفد کا خیرمقدم کرتے ہوئے کہا کہ انکا یہ دورہ پاکستان اور ترکیہ کے درمیان مضبوط برادرانہ تعلقات کی عکاسی کرتا ہے۔ وزیر اعظم نے ملاقات میں ترک صدر رجب طیب ایردوان کیلئے تہنیتی پیغام دیا۔ وزیر اعظم نے سیکیورٹی، انسداد دہشت گردی، انسداد منشیات، پولیس کی تربیت، ڈیزاسٹر مینجمنٹ، تجارت اور اقتصادی ترقی کے شعبوں میں دوطرفہ تعاون کو مزید مضبوط کرنے کے عزم کا اعادہ کیا۔
واٹس ایپ صارفین کیلئے خوشخبری ,اب بغیر فون نکالے ایپ استعمال کرنا ممکن
وزیراعظم نے اہم امور پر پاکستان کے موقف کے لیے ترکیہ کی مضبوط اور غیر متزلزل حمایت کو سراہا۔ وزیرِ اعظم نے استنبول میں پاکستان اور افغانستان کے درمیان جاری امن مذاکرات میں سہولت کاری میں کردار ادا کرنے پر ترکیہ کی قیادت کا خصوصی طور پر شکریہ ادا کیا۔
ترک وزیر داخلہ نے ان کی اور ترک وفد کی بہترین مہمان نوازی پر وزیراعظم کا شکریہ ادا کرتے ہوئے صدر ایردوان کی جانب سے وزیراعظم کے لیے تہنیتی پیغام پہنچایا۔ انہوں نے قانون نافذ کرنے والے اداروں، انٹیلی جنس کے اشتراک اور ڈیزاسٹر مینجمنٹ میں تعاون مزید بڑھانے کی خواہش کا اظہار کیا۔
یوٹیوبرڈکی بھائی کےمقدمہ میں مبینہ رشوت لینےوالےافسران نےاستعفے دیدیئے
ملاقات میں نائب وزیراعظم و وزیر خارجہ سینیٹر محمد اسحاق ڈار، وزیر داخلہ سید محسن رضا نقوی، وزیر مملکت برائے داخلہ طلال چوہدری، معاون خصوصی طارق فاطمی، چیئرمین این ڈی ایم اے، سیکرٹری داخلہ اور سیکرٹری خارجہ بھی موجود تھے.
غزہ کی جنگ بندی اور انسانی بحران پر استنبول میں اعلیٰ سطح اجلاس، مسلم وزرائے خارجہ کی شرکت متوقع