سندھ حکومت کی جانب سے خواتین میں پنک اسکوٹیز تقسیم
اشاعت کی تاریخ: 25th, September 2025 GMT
سندھ حکومت خواتین کے لیے پنک اسکوٹیز کی مفت تقسیم کا آغاز کردیا گیا ہے.
اس موقع پر منعقدہ تقریب سے خطاب کرتے ہوئے وزیراعلیٰ سندھ سید مراد علی شاہ نے کہا کہ پیپلز پارٹی نے ہمیشہ خواتین کو بااختیار بنانے کو اپنی اولین ترجیحات میں شامل رکھا ہے، اور آج کا یہ اقدام بھی اسی سلسلے کی ایک اہم کڑی ہے۔
یہ بھی پڑھیں: طلبا و طالبات اور ملازمت پیشہ خواتین کو اسکوٹیز دینے کا فیصلہ
وزیراعلیٰ نے کہا کہ خواتین کو اسکوٹیز فراہم کرنا صرف سواری مہیا کرنا نہیں، بلکہ یہ انہیں خودمختاری، آزادی اور اعتماد دینے کا عمل ہے تاکہ وہ تعلیم، روزگار اور دیگر شعبوں میں بھرپور انداز میں شریک ہو سکیں۔
انہوں نے کہا کہ ہم دیکھ رہے ہیں کہ آج کی پاکستانی خواتین ملک کی ترقی میں بھرپور کردار ادا کر رہی ہیں، اور اس طرح کے اقدامات سے ان کی شرکت مزید مؤثر اور نمایاں ہوگی۔
یہ بھی پڑھیں: سندھ حکومت کی طرف سے خواتین کے لیے مفت الیکٹرک اسکوٹی اسکیم، اہلیت کی شرائط کیا ہیں؟
مراد علی شاہ نے اپنے خطاب میں شہید محترمہ بینظیر بھٹو کی خواتین کے لیے خدمات کو یاد کرتے ہوئے کہا کہ بی بی شہید بینظیر بھٹو نے پاکستان میں ویمن پولیس اسٹیشنز اور فرسٹ ویمن بینک جیسے ادارے قائم کیے، جن کا مقصد خواتین کو مضبوط بنانا تھا۔ بعد ازاں صدر آصف علی زرداری نے بے زمین ہاریوں کو زمین دینے کا آغاز کیا اور شرط رکھی گئی کہ زمین خاندان کی خاتون کے نام پر ہو۔
انہوں نے مزید کہا کہ سیلاب زدگان کے لیے جو مکانات تعمیر کیے گئے ہیں، ان کی ملکیت بھی خواتین کے نام منتقل کی جا رہی ہے تاکہ خواتین کو معاشرتی طور پر مزید مضبوط کیا جاسکے۔
یہ بھی پڑھیں: پنجاب: طلبہ کو بِلا سود اور آسان اقساط پر بائیکس فراہمی کی بیلٹنگ مکمل
وزیراعلیٰ نے کہا کہ وہ وزیر ٹرانسپورٹ کو ہدایت کریں گے کہ وہ محکمہ ایکسائز سے مل کر ان اسکوٹیز کو باقاعدہ رجسٹرڈ کروائیں اور خواتین کو ڈرائیونگ لائسنس جاری کیے جائیں۔ انہوں نے خواتین کو تلقین کی کہ وہ اسکوٹیز احتیاط سے چلائیں اور قوانین کی پابندی کریں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسکوٹیز خواتین سندھ مراد علی شاہ.
ذریعہ
ذریعہ: WE News
کلیدی لفظ: اسکوٹیز خواتین مراد علی شاہ خواتین کو خواتین کے نے کہا کہ کے لیے
پڑھیں:
کراچی، ہل پارک کے اطراف میں غیر قانونی تعمیرات کے خلاف آپریشن، پلاٹس مسمار
کراچی:شہر قائد میں ہل پارک کے اطراف پہاڑی علاقے کو کاٹ کر کی جانے والی غیرقانونی تعمیرات کے خلاف رات گئے بڑا آپریشن کیا گیا جس میں ہیوی مشینری کی مدد سے متعدد تعمیرات کو مسمار کر دیا گیا۔
میئر کراچی بیرسٹر مرتضیٰ وہاب کی ہدایت پر شروع ہونے والی اس کارروائی کے دوران متنازعہ پلاٹ پر بنی باؤنڈری وال سمیت کئی غیرقانونی ڈھانچے گرا دیے گئے۔ کارروائی ڈائریکٹر انکروچمنٹ شیر علی کی نگرانی میں محکمہ لینڈ کے عملے نے انجام دی۔
ترجمان کے ایم سی کے مطابق ہل پارک کے اطراف سے تمام غیرقانونی تعمیرات کا خاتمہ کر دیا گیا ہے اور علاقے کو تجاوزات سے مکمل طور پر صاف کر دیا گیا ہے۔
دوسری جانب میئر کراچی نے سیکریٹری وزارت ہاؤسنگ اینڈ ورکس کو خط لکھ کر پلاٹ نمبر 39 جی فور بلاک 6 کا مکمل ریکارڈ طلب کر لیا ہے۔
ذرائع کے مطابق مذکورہ پلاٹ کے حوالے سے پی ای سی ایچ ایس کی جانب سے لیز دینے کے دعوے سامنے آ رہے ہیں جس پر مزید جانچ پڑتال جاری ہے۔
انتظامیہ کا کہنا ہے کہ شہر میں غیرقانونی تعمیرات کے خلاف بلاامتیاز کارروائی جاری رہے گی تاکہ سرکاری و محفوظ علاقوں پر قبضے کی کسی بھی کوشش کو روکا جا سکے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ