صدر زرداری کے حالیہ دورۂ چین نے دونوں ممالک کی دوستی کو نئے باب دیے، چینی سفیر
اشاعت کی تاریخ: 25th, September 2025 GMT
چینی سفیر جیانگ ژائی ڈونگ نے کہا ہے کہ چین پاکستان کے ساتھ مل کر صدر آصف علی زرداری کے دورۂ چین کے اہم نتائج کو عملی جامہ پہنانے اور مشترکہ ایکشن پلان 2025-29 کو آگے بڑھانے کے لیے تیار ہے تاکہ چین پاکستان برادری کو مزید قریب لایا جا سکے۔
اپنے آرٹیکل میں چینی سفیر نے کہا کہ صدر زرداری کے حالیہ دورۂ چین نے دونوں ممالک کی تاریخی دوستی کو نئے باب دیے، عملی تعاون کو مزید آگے بڑھایا اور عوامی تعلقات کو گہرا کیا۔
یہ بھی پڑھیں: چینی سفیر کا ایئر ہیڈکوارٹر کا دورہ، چینی ساختہ ٹیکنالوجی کے مؤثر استعمال پر فضائیہ کی پیشہ ورانہ مہارت کو سراہا
صدر آصف علی زرداری کو 12 سے 21 ستمبر تک 2025 گولڈن پانڈا انٹرنیشنل کلچرل فورم کی افتتاحی تقریب میں مدعو کیا گیا تھا، جس کے بعد انہوں نے سچوان، شنگھائی اور سنکیانگ کا دورہ کیا۔ یہ ان کا رواں سال چین کا دوسرا دورہ تھا۔
چینی سفیر کے مطابق صدر زرداری کا دورہ ان کی چین کے عوام سے گہری محبت اور پاک چین تعلقات کو غیر معمولی اہمیت دینے کا مظہر ہے۔ انہوں نے صدر زرداری کے اس جملے کو بھی یاد دلایا کہ چین ان کے لیے ہوم اوے فرام ہوم ہے۔
جیانگ ژائی ڈونگ نے کہا کہ صدر زرداری نے 3 صوبائی سطح کے خطوں اور 4 مختلف مقامات کا دورہ کیا، مقامی حکومتوں کے سربراہوں سے ملاقات کی اور عام شہریوں سے بھی روابط قائم کیے۔ انہوں نے اس سفر کو تہذیب اور جدت کا سفر قرار دیا جو باہمی عزم کی عکاسی کرتا ہے۔
یہ بھی پڑھیں: صدر آصف زرداری کا دورہ چین: ڈیجیٹل طرز حکمرانی کے ماڈل میں گہری دلچسپی کا اظہار
چنگدو میں گولڈن پانڈا فورم سے خطاب کرتے ہوئے صدر زرداری نے کہا کہ یہ فورم آرٹ کے عالمی زبان کے ذریعے فاصلے مٹانے اور قوموں کو جوڑنے میں اہم کردار ادا کر رہا ہے۔
چینی سفیر نے بتایا کہ حالیہ برسوں میں عوامی اور ثقافتی سطح پر تعلقات میں بڑی پیشرفت ہوئی ہے، جس میں باٹیے گرل فلم کا دونوں ممالک میں ریلیز ہونا، گندھارا آرٹ نمائش کا بیجنگ میں انعقاد، پاکستانی آموں کی مقبولیت، چینی جامعات میں اردو پروگرامز، اسٹڈی ان چائنا رجحان، سی پیک کنسورشیم آف یونیورسٹیز کا قیام اور فرسٹ لیڈی آصفہ بھٹو زرداری کی پانڈا سے ملاقات جیسے اقدامات شامل ہیں۔
انہوں نے کہا کہ صدر زرداری نے ہائی اسپیڈ ٹرین کا سفر کر کے چین کی جدید ریلوے کا تجربہ کیا اور دونوں ملکوں کے درمیان سائنس و ٹیکنالوجی میں تعاون بڑھانے کی خواہش ظاہر کی۔
چینی سفیر نے کہا کہ دونوں ممالک توانائی، زراعت، صنعت، کان کنی، تعلیم، مالیات اور ثقافتی تعاون سمیت کئی شعبوں میں تعلقات کو مزید مستحکم کرنے کے لیے پرعزم ہیں۔
یہ بھی پڑھیں: پاک چین دوستی نسل در نسل آگے بڑھے گی، صدر مملکت آصف زرداری کی شنگھائی میں اعلیٰ سطح ملاقاتیں
ان کے مطابق صدر زرداری نے شنگھائی الیکٹرک گروپ کا بھی دورہ کیا جہاں توانائی منصوبوں پر اہم معاہدے ہوئے، جبکہ سنکیانگ کے دورے کے موقع پر انہوں نے علاقے کی ترقی کو سراہتے ہوئے کہا کہ مزید پاکستانی شہریوں کو یہاں آنے کی ترغیب دیں گے۔
جیانگ ژائی ڈونگ نے کہا کہ پاکستان اور چین ہمہ موسمی اسٹریٹجک شراکت دار اور آہنی بھائی ہیں، اور صدر زرداری کا یہ دورہ پاک چین دوستی کی تاریخ میں ایک نیا باب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آصف علی زرداری چین چینی سفیر.ذریعہ: WE News
کلیدی لفظ: ا صف علی زرداری چین چینی سفیر دونوں ممالک زرداری کے چینی سفیر نے کہا کہ انہوں نے کا دورہ کے لیے
پڑھیں:
ایران میکسیکو میں اسرائیل کے سفیر کو قتل کرنے کی سازش کر رہا تھا، امریکا کا الزام
ایران میکسیکو میں اسرائیل کے سفیر کو قتل کرنے کی سازش کر رہا تھا، امریکا کا الزام WhatsAppFacebookTwitter 0 8 November, 2025 سب نیوز
پیرس(آئی پی ایس )امریکا نے ایران پر الزام عائد کیا ہے کہ وہ میکسیکو میں اسرائیل کے سفیر کو قتل کرنے کی سازش کر رہا تھا، جو دونوں ممالک کے تنازع کو کسی اور خطے تک لے جانے کی تازہ کوشش ہو سکتی تھی۔ فرانسیسی خبر رساں ادارے اے ایف پی کی رپورٹ کے مطابق ایک امریکی اہلکار نے کہا کہ انقلابی گارڈز کی خصوصی القدس فورس نے پچھلے سال کے آخر میں اس سازش کا آغاز کیا اور اسے اس سال ناکام بنا دیا گیا ہے۔امریکی اہلکار نے کہا کہ سازش کو ناکام بنا دیا گیا اور اس وقت کوئی خطرہ نہیں ہے۔
امریکی اہلکار نے تفصیلی شواہد فراہم نہیں کیے اور یہ نہیں بتایا کہ سازش کو کس طرح ناکام بنایا گیا، اقوام متحدہ میں ایرانی مشن نے تبصرہ کرنے سے انکار کر دیا۔امریکی اہلکار کے مطابق مبینہ سازش پر یکم اپریل پچھلے سال کے بعد عمل کیا جانا تھا، جب اسرائیل نے دمشق میں ایرانی سفارت خانے کے کمپلیکس پر حملہ کیا، جس میں انقلابی گارڈز کے کئی اعلی افسران ہلاک ہو گئے تھے۔ اسرائیل نے اس سال ایران میں کہیں زیادہ وسیع بمباری مہم چلائی تھی، جس میں ایک ہزار سے زیادہ افراد ہلاک ہوئے تھے۔امریکا نے اہم جوہری مقامات پر بمباری میں شمولیت کرلی تھی، ایران حماس کا اہم حامی رہا ہے، جو 2007 میں انتخابات جیتنے کے بعد سے غزہ پٹی پر حکومت کر رہی ہے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرایشیاکپ ٹرافی کا معاملہ: پاکستان اور بھارت میں برف پگھلنے لگی، اہم شخصیات کی ملاقات ہوگئی،بی سی سی آئی کی تصدیق ایشیاکپ ٹرافی کا معاملہ: پاکستان اور بھارت میں برف پگھلنے لگی، اہم شخصیات کی ملاقات ہوگئی،بی سی سی آئی کی تصدیق بڑے ہوائی اڈے نجکاری کیلئے پیش، پی آئی اے کے خریداروں میں اضافہ این اے 66 ضمنی الیکشن ،وفاقی وزیر اطلاعات عطاء تارڑ کے بھائی ن لیگی امیدوار بلامقابلہ کامیاب چیف جسٹس آف پاکستان آئندہ ہفتے بیرون ملک جائیں گے آذری یوم فتح: پاکستان اور ترکیہ کا ساتھ کبھی فراموش نہیں کیا جا سکے گا: صدر آذربائیجان اسرائیلی آرمی چیف کا فوج کو غزہ میں تمام سرنگوں کو فوری تباہ کرنےکا حکمCopyright © 2025, All Rights Reserved
رابطہ کریں ہماری ٹیم
شاہ رخ خان اپنے بچوں کو فلمی کیریئر پر مشورہ کیوں نہیں دیتے؛ اداکار نے بتادیا