بینکاک: میٹرو کی کھدائی کے دوران زمین دھنسنے سے خوفناک گڑھا پڑ گیا
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
تھائی لینڈ کے دارالحکومت بینکاک میں ایک ایسا غیر معمولی واقعہ پیش آیا جس نے پورے شہر کو حیران کرکے رکھ دیا۔
میڈیا ذرائع کے مطابق سام سین روڈ پر اچانک زمین بیٹھ گئی اور چند لمحوں میں 160 فٹ گہرا اور تقریباً 98 فٹ چوڑا گڑھا بن گیا، جس میں 3 گاڑیاں دھنس گئیں۔ یہ واقعہ واجیرا اسپتال کے سامنے اور سام سین میٹروپولیٹن پولیس اسٹیشن کے قریب پیش آیا، جس کے باعث ٹریفک بری طرح متاثر ہوئی اور قریبی گھروں کے مکینوں کو فوری طور پر محفوظ مقامات پر منتقل کر دیا گیا۔
رائل تھائی پولیس کی رپورٹ کے مطابق گڑھے کے باعث نہ صرف ایک پولیس اسٹیشن کی پارکنگ متاثر ہوئی بلکہ 2 بجلی کے کھمبے بھی اندر جا گرے۔ پولیس کی کار اور ایک ٹو ٹرک سمیت 3 گاڑیاں بھی زمین میں دھنسنے سے شدید نقصان کا شکار ہوئیں۔
سوشل میڈیا پر وائرل ہونے والی ویڈیوز میں دیکھا جا سکتا ہے کہ کس طرح اچانک زمین بیٹھ جانے سے اردگرد موجود گاڑیاں اور لوگ خوفزدہ ہو کر بھاگنے لگے۔
بینکاک کے گورنر چڈچارٹ ستیپنٹ کا کہنا ہے کہ یہ حادثہ دراصل زیرِ زمین میٹرو اسٹیشن کی تعمیراتی سرگرمیوں کی وجہ سے پیش آیا۔ حالیہ دنوں کی مسلسل بارش اور خراب موسم نے بھی زمین کو مزید کمزور کر دیا تھا، تاہم خوش قسمتی سے اب تک کسی جانی نقصان کی اطلاع نہیں ملی۔
مقامی میڈیا کے مطابق اس واقعے کے بعد واجیرا اسپتال اور قریبی رہائشی علاقوں کو خالی کرا لیا گیا ہے۔ پولیس کمشنر نے فوری طور پر بینکاک میٹروپولیٹن ایڈمنسٹریشن اور دیگر اداروں کو ہدایت دی ہے کہ وہ مل کر پانی کی بڑی پائپ لائنوں اور زیر زمین انفرا اسٹرکچر کی مرمت کریں تاکہ مزید نقصان سے بچا جا سکے۔
یہ واقعہ نہ صرف بینکاک کے شہریوں کے لیے خوف و ہراس کا باعث بنا بلکہ دنیا بھر میں اس کی ویڈیوز وائرل ہونے کے بعد یہ سوال بھی اٹھا ہے کہ میگا سٹیوں میں زیرِ زمین ترقیاتی منصوبوں کی نگرانی کس حد تک مؤثر طریقے سے کی جا رہی ہے۔
.
ذریعہ
ذریعہ: Jasarat News
پڑھیں:
مون سون کا طاقتورسپیل ، جھل تھل ایک ہوگیا،2 وکلاء کے چیمبر گرگئے
لاہور سمیت ملک کے مختلف علاقوں میں ہونےوالی مون سون کی بارش نے جل تھل ایک کردیا۔لاہور میں مون سون کا سپیل زور شور سے جاری ہے اورعلی الصبح سے ہونے والی موسلا دھار بارش سے نشیبی علاقے زیرآب آگئے ہیں۔واسا لاہور کی جانب سے اب تک ہونے والی بارش کا ریکارڈ جاری کردیاگیاہے جس کے مطابق جیل روڈمیں 28.5، ایئرپورٹ میں 263، ہیڈ آفس گلبرگ میں 52، لکشمی چوک میں 25، اپر مال کے علاقے میں 114.4، مغلپورہ میں 129، تاجپورہ میں 155، نشتر ٹاؤن میں 56.4، چوک ناخدا میں 62، پانی والا تالاب میں 27.2، فرخ آباد میں 23.4، گلشن راوی میں 18، اقبال ٹاؤن میں 54.2، سمن آبادمیں 32، جوہر ٹاؤن میں 81، ڈیفنس روڈ میں 45، شادی پورہ میں 132.4 ، سگیاں میں 22.2اور مناواں میں 106 ملی میٹر بارش ریکارڈ کی گئی،سب سے زیادہ 263 ملی میٹر بارش ائیر پورٹ پر ریکارڈ کی گئی ہے ۔لاہور میں ہونےوالی موسلادھار بارش سےسیشن کورٹ میں سینئر قانون دان پیر مسعود چشتی سمیت2 وکلاء کے چیمبر گرگئے،پیر مسعود چشتی کا چیمبر کافی عرصے سے خالی پڑاتھا،چیمبر کی چھت بارش کے پانی کا بوجھ برداشت نہ کر سکی اورگرگئی،شدید بارش کی وجہ سے ماتحت عدالتوں میں سائلین نہ پہنچ سکے۔ دوسری طرف آئی جی پنجاب نے پولیس کو حادثات اور ناگہانی صورتحال میں امدادی سرگرمیوں میں شرکت کی ہدایت کرتے ہوئے کہاہے کہ پولیس افسران اور اہلکار بارش سے متاثرہ علاقوں میں انتہائی مستعد ہو کر ڈیوٹی انجام دیں،سپروائزری پولیس افسران بارش زدہ علاقوں میں امدادی سرگرمیاں خود مانیٹر کریں، بارش کے مزید امکانات کے پیش نظر پولیس افسران اور اہلکار الرٹ رہیں،کسی بھی ہنگامی صورتحال میں فوری ریسپانڈ کریں۔ملک کے دوسرے حصوں کی طرح ضلع خیبر کے باڑہ اور جمرود کے علاؤہ وادی تیراہ کے پہاڑوں پر بھی ہونے والی بارش سے موسم خوشگوارہوگیا لیکن ندی نالوں میں طغیانی اور دریائے باڑہ میں درمیانے درجے کا سیلاب ہے ،جولائی کے مہینے میں دسمبر جیسے سردی محسوس کی جارہی ہے،پہاڑی علاقوں میں بارش سے ندی نالوں میں طغیانی آگئی ہے،ضلعی انتظامیہ اور ریسکیو کی جانب سے حفاظتی انتظامات مکمل کرلئے گئے ہیں جبکہ ندی نالوں کے قریب جانے پر پابندی کی خلاف ورزی پر دوافرادکو گرفتار بھی کرلیاگیاہے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار