منشیات فروشوں سے ضبط سونا غزہ کی تعمیر نو کے لیے بھیجا جائے گا، کولمبیا
اشاعت کی تاریخ: 16th, October 2025 GMT
کولمبیا کے صدر گستاوو پیٹرو نے اعلان کیا ہے کہ ملک میں منشیات فروشوں سے ضبط کیا گیا سونا غزہ کی تعمیر نو اور زخمی بچوں کے علاج کے لیے بھیجا جائے گا۔
اسرائیل اور حماس کے درمیان امن معاہدے کے بعد صدر پیٹرو نے سوشل میڈیا پلیٹ فارم ایکس پر بتایا کہ اسپیشل ایسٹس سوسائٹی جو غیر قانونی اثاثوں کی نگرانی کرتی ہے، اس سونے کو انسانی ہمدردی کی بنیاد پر استعمال کرے گی۔
مزید پڑھیں: غزہ کی تعمیر نو کے لیے 70 ارب ڈالر فنڈ، امریکا، عرب و یورپی ممالک کی مثبت یقین دہانیاں
صدر پیٹرو نے مزید کہا کہ کولمبیا اقوام متحدہ میں ایک قرارداد بھی پیش کرے گا جس کے تحت غزہ کی تعمیر نو کے لیے عالمی فوج تشکیل دی جائے گی۔
کولمبیا کی وزارتِ خزانہ سے منسلک اسپیشل ایسٹس سوسائٹی نے صدر کے حکم کے بعد ایک بیان میں کہا ہے کہ اس اقدام کی عملی ممکنات کا جائزہ لیا جا رہا ہے۔
مزید پڑھیں: عرب رہنماؤں نے مصر کے غزہ کی تعمیر نو کے منصوبے کی حمایت کردی
گستاوو پیٹرو طویل عرصے سے فلسطینی مقصد کے حامی رہے ہیں اور اسرائیل کی عسکری کارروائیوں کو کھل کر تنقید کا نشانہ بناتے آئے ہیں۔ تاہم، ملک کے اندر بعض حلقوں نے صدر کی خارجہ پالیسی کو تنقید کا نشانہ بنایا ہے، یہ مؤقف اختیار کرتے ہوئے کہ کولمبیا کو پہلے اپنے داخلی تنازعات اور غربت پر توجہ دینی چاہیے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
صدر گستاوو پیٹرو غزہ غزہ کی تعمیر نو کولمبیا.ذریعہ: WE News
کلیدی لفظ: غزہ کی تعمیر نو کولمبیا غزہ کی تعمیر نو کے کے لیے
پڑھیں:
آمدنی ٹیکس گوشوارے جمع کرانے کی تاریخ میں مزید ایک ماہ کی توسیع دی جائے،احمد ادریس چوہان
data-id="863a0a8" data-element_type="widget" data-widget_type="theme-post-content.default">
251014-08-26
حیدرآباد(نمائندہ جسارت)حیدرآباد چیمبر آف اسمال ٹریڈرز اینڈ اسمال انڈسٹری کے قائم مقام صدر احمد ادریس چوہان نے وفاقی وزیر برائے فنانس اینڈ ریونیو اور فیڈرل بورڈ آف ریونیو (ایف بی آر)سے مطالبہ کیا ہے کہ ملک بھر کے چھوٹے تاجروں، تنخواہ دار طبقے، فری لانسرز اور مائیکرو انٹرپرائزز کو درپیش مشکلات کے پیش نظر آمدنی ٹیکس گوشوارے جمع کرانے کی تاریخ میں مزید ایک ماہ کی توسیع دی جائے۔انہوں نے کہا کہ حکومتِ پاکستان کی جانب سے پہلے دی گئی 15دن کی توسیع تاجروں کے لیے یقینی طور پر ایک خوش آئند قدم تھا، جس پر تاجر برادری حکومت اور وفاقی وزیرِ خزانہ محمد اورنگزیب کی شکر گزار ہے۔ تاہم، بدقسمتی سے ایف بی آر کے IRIS-E-Filingپورٹل میں فنی خرابیاں اور تکنیکی رکاوٹیں اب بھی برقرار ہیں جن کی وجہ سے بڑی تعداد میں ٹیکس دہندگان اپنے گوشوارے مکمل نہیں کر پا رہے۔احمد ادریس چوہان نے کہا کہ ملک بھر سے موصول ہونے والی شکایات کے مطابق IRIS پورٹل اکثر اوقات سسٹم ایررز، لاگ اِن فیلی Reciept Value Missingاور invalid verificationجیسے پیغامات دیتا ہے، کئی مرتبہ پورٹل مکمل طور پر غیر فعال ہو جاتا ہے، جس سے اکانٹنٹس اور ٹیکس ماہرین کو گوشوارے دوبارہ سے تیار کرنے پڑتے ہیں۔ اس صورتحال میں، 15دن کی دی گئی مہلت ناکافی ثابت ہو رہی ہے۔ انہوں نے مزید کہا کہ رواں سیزن میں شدید بارشوں اور سیلابی صورتحال نے سندھ، پنجاب اور خیبرپختونخوا کے متعدد اضلاع میں کاروباری سرگرمیوں کو متاثر کیا ہے، بجلی، انٹرنیٹ اور بینکنگ سروسز کی بندش کے باعث تاجر طبقہ اپنے مالیاتی ریکارڈ تک رسائی حاصل کرنے سے قاصر ہے جبکہ متعدد کاروباروں نے ڈیٹا لاس اور آڈٹ تاخیر کی شکایات بھی درج کروائی ہیں۔احمد ادریس چوہان نے کہا کہ اس صورتحال میں ایف بی آر کی جانب سے مقرر کردہ آخری تاریخ میں ایک ماہ کی مزید توسیع نہ صرف انصاف اور شفافیت کے تقاضوں کے مطابق ہوگی بلکہ یہ اقدام ٹیکس دہندگان کے اعتماد میں اضافہ اور رضاکارانہ ٹیکس فائلنگ کے رجحان کو بھی فروغ دے گا۔قائم مقام صدر نے کہا کہ حیدرآباد چیمبر آف اسمال ٹریڈرز اینڈ اسمال انڈسٹری کا ایف بی آر کے ساتھ مکمل تعاون جاری ہے اور چیمبر اپنے ممبران کو آگاہی اور رہنمائی فراہم کرنے کے لیے سرگرم کردار ادا کررہا ہے تاکہ زیادہ سے زیادہ تاجر بروقت گوشوارے جمع کرا سکیں۔انہوں نے آخر میں کہا کہ حکومتِ پاکستان اور فیڈرل بورڈ آف ریونیو کو چاہیے کہ ٹیکس دہندگان کے لیے آسانی پیدا کرنے کے مقصد کو مدِنظر رکھتے ہوئے ایک ماہ کی مزید مہلت کا باضابطہ نوٹیفکیشن جاری کرے، تاکہ چھوٹا تاجر طبقہ اپنی ذمہ داریاں بہتر انداز میں پوری کر سکے اور قومی خزانے میں اپنا جائز حصہ ادا کر سکے۔
جنگ بندی معاہدہ غزہ میں نافذ؛ مصری میڈیا کا دعویٰ