نیا عالمی ریکارڈ: سلمان علی آغا نے ڈریوڈ، محمد یوسف اور دھونی کو پیچھے چھوڑ دیا
اشاعت کی تاریخ: 24th, November 2025 GMT
پاکستان کے ٹی 20 کپتان سلمان علی آغا نے راولپنڈی کرکٹ اسٹیڈیم میں زمبابوے کے خلاف ٹی 20 ٹرائی سیریز میں پاکستان کی 69 رنز کی فتح کے دوران ایک عالمی ریکارڈ اپنے نام کر لیا۔
یہ بھی پڑھیں: محمد رضوان ٹی20 ٹیم کی کپتانی سے فارغ، نئے کپتان سلمان علی آغا ہوں گے، عاقب جاوید
انہوں نے ایک ہی کیلنڈر سال میں سب سے زیادہ بین الاقوامی میچ کھیل کر راہول ڈریوڈ، محمد یوسف اور ایم ایس دھونی جیسے عظیم کھلاڑیوں کو پیچھے چھوڑ دیا ہے۔
سال 2025 میں اب تک پاکستان 54 بین الاقوامی میچ کھیل چکا ہے جو اس سال کسی بھی ٹیم کی سب سے زیادہ تعداد ہے۔
ویسٹ انڈیز 45 میچوں کے ساتھ دوسرے نمبر پر ہے۔ حیران کن طور پر سلمان علی آغا واحد کھلاڑی ہیں جنہوں نے پاکستان کے ان تمام 54 میچوں میں شرکت کی۔
یہ تعداد پاکستان کے اس ریکارڈ کے برابر بھی ہے جو پہلی بار سنہ 2013 میں قائم ہوا تھا۔
مزید پڑھیے: شاہین، بابر اور رضوان کے نہ ہونے کا کوئی دباؤ نہیں، ٹی20 کپتان سلمان علی آغا
سلمان علی آغا نے 54 میچ کھیل کر وہ ریکارڈ توڑ دیا جو 53 میچوں کے ساتھ ڈریوڈ (1999)، یوسف (2000) اور دھونی (2007) کے پاس مشترکہ طور پر موجود تھا۔
ایک سال میں 50 سے زائد میچ کھیلنا انتہائی نایاب کارنامہ ہے۔ سب سے پہلے یہ سنگ میل سچن ٹنڈولکر نے سنہ 1997 میں عبور کیا تھا جبکہ حالیہ برسوں میں نیوزی لینڈ کے ڈیرل مچل نے سنہ 2023 میں 51 میچ کھیل کر یہ اعزاز حاصل کیا تھا۔
ایک کیلنڈر سال میں سب سے زیادہ بین الاقوامی میچ کھیلنے والے کھلاڑیسلمان علی آغا (پاکستان) 54 میچ، 2025
راہول ڈریوڈ (بھارت) 53 میچ، 1999
محمد یوسف (پاکستان) 53 میچ، 2000
ایم ایس دھونی (بھارت/ایشیا الیون) 53 میچ، 2007
لانس کلوزنر (جنوبی افریقہ) 52 میچ، 2000
پال کولنگ ووڈ (انگلینڈ) 52 میچ، 2007
اینجلو میتھیوز (سری لنکا) 52 میچ، 2014
سچن ٹنڈولکر (بھارت) 51 میچ، 1997
ڈیرل مچل (نیوزی لینڈ) 51 میچ، 2023
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سلمان علی آغا سلمان علی آغا کا نیا عالمی ریکارڈ کپتان قومی کرکٹ ٹیم سلمان علی آغا.ذریعہ: WE News
کلیدی لفظ: سلمان علی ا غا سلمان علی ا غا کا نیا عالمی ریکارڈ کپتان قومی کرکٹ ٹیم سلمان علی ا غا سلمان علی ا غا سلمان علی آغا میچ کھیل
پڑھیں:
پاکستان نے عالمی کپ اسنوکر چیمپیئن شپ جیت لی
پاکستان نے عالمی کپ اسنوکر ٹیم چیمپیئن شپ 2025 اپنے نام کر لی۔
تفصیلات کے مطابق عمان کے شہر مسقط میں ہونے والی عالمی کپ ٹیم اسنوکر چیمپین شپ کے فائنل میں پاکستان نے ایک سخت اور سنسنی خیز مقابلے کے بعد ہانگ کانگ کو دو کے مقابلے میں تین فریم سے شکست دے کر ٹائٹل اپنے نام کیا۔
پاکستان کے سابق عالمی چیمپیئن اور موجودہ ماسٹرز عالمی چیمپیئن محمد آصف اور اسجد اقبال پر مشتمل جوڑی نے شاندار کھیل کا مظاہرہ کرتے ہوئے حریف جوڑی کو شکست سے ہمکنار کیا۔، ٹرافی کا فیصلہ آخری فریم میں ہوا۔
واضح رہے کہ سیمی فائنل میں پاکستانی جوڑی نے روایتی حریف بھارت کو 1۔3 دے کر فائنل میں جگہ بنائی تھی۔
دریں اثناچئیرمین پی سی بی محسن نقوی نے ورلڈ ٹیم اسنوکر چیمپئن شپ جیتنے پر پاکستانی کھلاڑیوں محمد آصف اور اسجد اقبال کو مبارکباد دی ہے۔
انکا کہنا ہے کہ محمد آصف اور اسجد اقبال نے ورلڈ چیمپئن شپ جیت کر پاکستان کا نام روشن کیا۔ محمد آصف اور اسجد اقبال نے بہترین کھیل کا مظاہرہ کرکے فائنل میں فتح حاصل کی۔
محسن نقوی نے کہا کہ پاکستان کے کھلاڑیوں نے ایک بار پھر سبز ہلالی پرچم کو بلند کیا، دونوں کھلاڑی اور کوچ بھی مبارکباد ہیں،پاکستان ہر میدان میں کامیابیاں سمیٹ رہا ہے۔
پاکستان اسنوکر اینڈ بلئیرڈ ایسوسی ایشن کے چئیرمین عالمگیر شیخ نے بھی اس عظیم فتح پر پاکستانی جوڑی کو مبارکباد دی ہے۔
اس کے علاوہ وزیراعظم شہباز شریف، وزیراعلیٰ پنجاب سمیت دیگر شخصیات نے بھی ٹائٹل جیتنے پر پاکستانی کھلاڑیوں کو مبارک باد پیش کی ہے۔
بنگلہ دیشی عدالت نے شیخ حسینہ واجد کو سزائے موت کا حکم دے دیا