ضمنی الیکشن ریفرنڈم، عوام نفرت و انتشار کی سیاست سے تھک چکے: احسن اقبال
اشاعت کی تاریخ: 23rd, November 2025 GMT
نارووال (نیوزڈیسک)وفاقی وزیرِ منصوبہ بندی احسن اقبال نے کہا ہے کہ عوام نفرت اور انتشار کی سیاست سے تھک چکے۔
میڈیا سے گفتگو میں احسن اقبال نے کہا کہ آج کا ضمنی الیکشن نفرت اور انتشار کی سیاست کرنے والوں کے خلاف ریفرنڈم ثابت ہو گا۔
انہوں نے کہا کہ 3 سال پہلے ملک دیوالیہ ہو رہا تھا، آج معیشت بحال ہے، یقین ہے کہ ضمنی انتخابات میں ن لیگ کو مثالی کامیابی حاصل ہو گی۔
وفاقی وزیر نے یہ بھی کہا کہ پاکستان کو سفارتی میدان میں کامیابیاں مل رہی ہیں، دشمنوں کی نیندیں اُڑی ہوئی ہیں۔
.ذریعہ: Daily Mumtaz
پڑھیں:
عرفان صدیقی نے سیاست میں برداشت کے کلچر کو فروغ دیا: تعزیتی ریفرنس
اسلام آباد (اپنے سٹاف رپورٹر سے) پاکستان کلچرل فورم، سی ڈی اے مزدور یونین اور پاکستان نیشنل کونسل آف آرٹس، کے زیرِ اہتمام معروف کالم نگار، دانشور، ادیب و سینیٹر عرفان صدیقی (مرحوم) کی یاد میں منعقدہ تعزیتی ریفرنس سے خطاب میں وفاقی وزراء، پارلیمینٹرین ، تاجر رہنمائوں سمیت مختلف شعبہ ہائے زندگی کی نامور شخصیات نے مرحوم کی خدمات کو خراج عقیدت پیش کرتے ہوئے کہا ہے کہ عرفان صدیقی مرحوم نے سیاست میں برداشت کے کلچر کو فروغ دیا، ظفر بختاوری نے قرارداد پیش کی کہ اسلام آباد کی کسی سڑک کو عرفان صدیقی کے نام سے منسوب کیا جائے، جسے متفقہ طور پر منظور کر لیا گیا، وفاقی وزیر اعظم نذیر تارڑ نے کہا کہ سینیٹر عرفان صدیقی مرحوم پاکستان کی فکری روایت کا روشن چہرہ تھے۔ سیاست میں اپوزیشن کو ساتھ لیکر چلنے کا ہنر جانتے تھے۔ پرویز رشید نے عرفان صدیقی سلیقے سے بات کرنے اور اپنا مطمع نظر سمجھانے کے ماہر تھے، وہ ہمارے دلوں میں ہمیشہ موجود رہیں گے۔ وفاقی وزیر پارلیمانی امور طارق فضل چوہدری نے کہا کہ عرفان صدیقی ایک نام نہیں ہمہ جہت شخصیت اور میرے استاد تھے۔ ایم این اے بنا تب بھی ان ہی سے سیاسی اسرارو رموز سیکھے۔ سینیٹر جنرل (ر) عبدالقیوم نے کہا کہ انہوں نے نصف صدی تک قلم کے ذریعے قوم کی تربیت کی۔ مرحوم کے صاحبزادے نعمان صدیقی نے کہا کہ والد محترم جونیئر ٹیچر سے ترقی کرتے ہوئے پروفیسر اور صدر کے پریس سیکرٹری بنے، والد کی رہنمائی، بصیرت اور اخلاقیات ہمیں ہمیشہ یاد رہیں گی اور ان کے نقشِ قدم پر چلنا ہمارا فرض ہے۔
حسینہ واجد پر انسانیت کیخلاف جرائم کے مقدمے کا فیصلہ کل سنایا جائے گا