موٹروے ایم ون پر صوابی کے قریب کار بے قابو ہوکر ٹرالر سے ٹکرا گئی، 4 افراد جاں بحق
اشاعت کی تاریخ: 23rd, November 2025 GMT
صوابی:
موٹروے ایم ون پر دریائے ہنڈ کے قریب ایک افسوسناک ٹریفک حادثے میں ایک مرد، ایک خاتون اور دو بچے جان کی بازی ہار گئے۔
موٹروے پولیس کے مطابق کار کے ڈرائیور کو اونگھ آنے کے باعث گاڑی بے قابو ہوئی اور سامنے چلتے ٹرالر سے ٹکرا گئی۔
ترجمان موٹروے پولیس نے بتایا کہ حادثہ انتہائی خوفناک تھا، ٹکر لگتے ہی گاڑی مکمل طور پر تباہ ہو گئی۔ واقعے کی اطلاع ملتے ہی موٹروے پولیس کی ٹیمیں فوری طور پر موقع پر پہنچیں اور گاڑی میں پھنسے شدید زخمی افراد کو نکال کر ابتدائی امداد فراہم کی۔
شدید زخمیوں کو ریسکیو ایمبیولینس کے ذریعے فوری طور پر باچا خان اسپتال مردان منتقل کیا گیا۔
موٹروے پولیس نے حادثے کی وجہ ڈرائیور کو نیند آنا قرار دیا اور اپیل کی کہ ڈرائیونگ کے دوران احتیاط برتیں اور تھکاوٹ کی صورت میں سفر ہرگز نہ کریں۔
.ذریعہ: Express News
کلیدی لفظ: موٹروے پولیس
پڑھیں:
سِلہٹ بارڈر کے قریب بنگلہ دیشی شہری ہلاک، بھارتی قبائلی افراد پر الزام
سِلہٹ میں لوواچھارہ بارڈر کے قریب ایک بنگلہ دیشی شخص کو فائرنگ کے نتیجے میں ہلاک کر دیا گیا۔
مقتول کی شناخت جمال الدین کے طور پر ہوئی، جو مرحوم ماروم علی (ہونا میا) کے بیٹے اور کندلا بنگلہ ٹِلا گاؤں کے رہائشی تھے۔ واقعہ ہفتے کی رات دیر گئے پیش آیا۔
یہ بھی پڑھیں:بنگلہ دیش میں کوئی قانون قرآن و سنت کے خلاف نہیں بنایا جائے گا، بی این پی کا اعلان
مقامی افراد کے مطابق جمال الدین اور چند نوجوان غیر قانونی طور پر بارڈر عبور کر کے بھارت کے میگھالیہ میں خاصیا کمیونٹی کے علاقے میں داخل ہوئے تھے۔
مقامی دعوے کے مطابق مسلح خاصیا افراد نے ان پر فائرنگ کی، جس کے نتیجے میں جمال الدین ہلاک ہو گیا۔ بعد ازاں ان کی لاش بنگلہ دیش کی حدود میں ملی اور بارڈر گارڈ بنگلہ دیش (BGB) اور پولیس کو اطلاع دی گئی۔
حکام نے لاش کو کانائیگٹ پولیس اسٹیشن منتقل کیا اور پھر پوسٹ مارٹم کے لیے سِلہٹ کے MAG عثمانی میڈیکل کالج ہسپتال بھیجا گیا۔
تاہم BGB کے رکن مجیب الرحمان نے بتایا کہ اگرچہ ایک شخص بنگلہ دیش کی حدود میں مردہ پایا گیا، لیکن ابھی یہ تصدیق نہیں ہو سکی کہ قتل کا ارتکاب واقعی خاصیا مسلح افراد نے کیا یا کسی نے کیا۔
یہ بھی پڑھیں:بھوٹانی وزیراعظم کا دورہ بنگلہ دیش
یہ واقعہ بارڈر کے نزدیک بڑھتی ہوئی تناؤ اور غیر قانونی بارڈر کراسنگ کے خطرات کا پتا دیتا ہے، جبکہ مقامی اور سرکاری حکام تحقیقات میں مصروف ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈیا بنگلہ دیش خاصییا قبائل میگھالیہ نوجوان قتل
میکسیکو میں جنریشن زی کا بڑے پیمانے پر احتجاج، کرپشن کے خلاف کارروائی کا مطالبہ