بارات سے چند گھنٹے قبل دلہن حادثے میں شدید زخمی، لڑکے نے اسپتال جاکر شادی کرلی
اشاعت کی تاریخ: 24th, November 2025 GMT
بھارتی ریاست کیرالہ کے نوجوان نے بارات سے چند گھنٹے قبل ٹریفک حادثے میں زخمی ہونے والی دلہن سے اسپتال پہنچ کر سادگی سے شادی کرلی۔
بھارتی میڈیا رپورٹ کے مطابق شادی کی سادہ تقریب ایمرجنسی وارڈ میں ہوئی جس میں ڈاکٹرز، نرسز اور خاندان کے چند بڑے افراد شریک ہوئے۔
رپورٹ میں بتایا گیا ہے کہ اس جوڑے کی شادی جمعہ 21 نومبر کو طے تھی، دلہن آوانی اپنے گھر والوں کے ساتھ میک اپ کیلیے کمارا کوم میں منعقدہ بیوٹی پارلر جارہی تھی کہ دوپہر تین بجے کے وقت اُن کی گاڑی کو خوفناک حادثہ پیش آیا۔
گاڑی تیز رفتاری کے باعث قابو سے باہر ہوکر ایک درخت سے جاگر لگی جس میں آوانی کو ریڑھ کی ہڈی میں شدید چوٹ آئی۔
لڑکی کو تشویشناک حالت میں کویتام اسپتال منتقل کیا گیا جہاں سے ڈاکٹرز نے انہیں وی پی ایس لیکشور اسپتال ریفر کیا۔
اہل خانہ کے مطابق دلہا شیرون کے گھر والے شادی کی تقریب کیلیے تیاری کررہے تھے کہ اس دوران انہیں حادثے کی اطلاع ملی جس پر سب اسپتال پہنچے اور پھر وہیں پر لڑکے نے مذہبی رسم ادا کرنے کے بعد لڑکی کے گلے میں منگل سوتر ڈال کر اُسے اپنی شریک حیات بنالیا۔
Kerala Couple marries in hospital after bride injured hours before wedding
She was returning from beauty parlour when her car met with accident.
With doctors & family by her side, the ceremony went ahead in the hospital ????pic.twitter.com/RLxYD3Opoc — News Algebra (@NewsAlgebraIND) November 24, 2025
لڑکے شیرون کی ضد تھی کہ وہ اپنی شادی کو کسی صورت ملتوی یا مؤخر نہیں کرے گا اور جو دن ، وقت طے کیا گیا تھا اُسی پر شادی کرے گا۔ اُدھر شادی کی تقریب میں جمع ہونے والے مہمانوں کو بھی حادثے کے بعد واپس بھیج دیا گیا۔
بھارتی میڈیا کے مطابق لڑکا اسسٹنٹ پروفیسر کے طور پر کام کرتا ہے۔
ایمرجنسی وارڈ میں ہونے والی اس شادی میں شریک مہمان اور ویڈیو دیکھنے والے جذباتی ہوگئے اور انہوں نے لڑکے کے جذبے کی تعریف کی۔
ڈاکٹر سدیش نے بتایا کہ لڑکی کو ریڑھ کی ہڈی میں شدید جوٹ آئی ہے جس کیلیے اُس کا آپریشن کیا جائے گا۔
ذریعہ
ذریعہ: Express News
پڑھیں:
کراچی: واش روم میں بچے کی پیدائش، تحقیقاتی رپورٹ ڈائریکٹر جناح اسپتال کے حوالے
فائل فوٹو۔جناح اسپتال کراچی کے واش روم میں بچے کی پیدائش کے معاملے پر تین رکنی تحقیقاتی کمیٹی نے اپنی رپورٹ ایگزیکٹو ڈائریکٹرکو جمع کروا دی۔
جناح اسپتال کے ذرائع کے مطابق رپورٹ میں کہا گیا متاثرہ خاتون رات ساڑھے 9 بجے گائنی وارڈ میں آئی، گائنی وارڈ میں کسی نے بھی خاتون کو طبی امداد نہیں دی۔
جناح اسپتال کے ذرائع کے مطابق خاتون کا الٹرا ساؤنڈ نہیں کروایا گیا اور چہل قدمی کا مشورہ دیا گیا۔
جناح اسپتال کے ذرائع کے مطابق کنسلٹنٹ اور آر ایم او ڈیوٹی پر موجود نہیں تھے، مریضوں کے ساتھ آنے والے مرد گائنی وارڈ کے احاطےمیں موجود تھے۔
جناح اسپتال کے ذرائع کے مطابق میڈیکل آفسر کو محکمہ صحت بھیجنے اور ڈیوٹی پر موجود پوسٹ گریجویٹ ڈاکٹرز کی 3 ماہ مزید ٹریننگ کی تجویز ہے۔
جناح اسپتال کے ذرائع کے مطابق رپورٹ میں سیکیورٹی گارڈز کی ڈیوٹی پر بھی تحفظات کا اظہار کیا گیا۔ کمیٹی کی جانب سے بنائی گئی رپورٹ سیکریٹری اور وزیر صحت کو دے دی گئی۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ