چیئرمین سی ڈی اے محمد علی رندھاوا کی زیر صدارت جاری ترقیاتی منصوبوں کے حوالے سے جائزہ اجلاس
اشاعت کی تاریخ: 24th, November 2025 GMT
چیئرمین سی ڈی اے محمد علی رندھاوا کی زیر صدارت جاری ترقیاتی منصوبوں کے حوالے سے جائزہ اجلاس WhatsAppFacebookTwitter 0 24 November, 2025 سب نیوز
اسلام آباد(سب نیوز)چیئرمین کیپیٹل ڈویلپمنٹ اتھارٹی (سی ڈی اے)و چیف کمشنر اسلام آباد محمد علی رندھاوا کی زیر صدارت پیر کے روز اسلام آباد میں جاری ترقیاتی منصوبوں کے حوالے سے جائزہ اجلاس سی ڈی اے ہیڈکوارٹرز میں منعقد ہوا۔ جسمیں سی ڈی اے بورڈ کے ممبر ایڈمن طلعت محمود، ممبر فنانس طاہر نعیم، ممبر انجینئرنگ سید نفاست رضا، ممبر پلاننگ و ڈیزائن ڈاکٹر خالد حفیظ، ممبر انوائرمنٹ اسفندیار بلوچ، ڈپٹی کمشنر اسلام آباد عرفان نواز میمن سمیت دیگر سنئیر افسران نے شرکت کی۔
اجلاس میں اسلام آباد میں جاری ترقیاتی منصوبوں میں ہونے والی پیشرفت پر بریفنگ دی گئی۔اجلاس کو “آسان خدمت مرکز” منصوبے کے تعمیراتی کاموں میں ہونے والی پیشرفت پر بریفنگ دیتے ہوئے بتایا گیا کہ اس منصوبے کی تکمیل کو یقینی بنانے کیلئے تیزی سے کام جاری ہے۔ اجلاس کو بتایا گیا کہ “آسان خدمت مرکز” منصوبے کے 65 فیصد سے زائد ترقیاتی کاموں کو مکمل کرلیا گیا ہے اور منصوبے کو جلد مکمل کرکے شہریوں کیلئے کھول دیا جائے گا۔ اجلاس کو بتایا گیا کہ “آسان خدمت مرکز” کو جدید خطوط پر استوار اور عوامی خدمات کیلئے جدید ٹیکنالوجی کو استعمال میں لایا جارہا ہے۔چیئرمین سی ڈی اے محمد علی رندھاوا نے کہا کہ “آسان خدمت مرکز” منصوبے پر کام کی جلد تکمیل کے ساتھ اعلی معیار کو ہر حال میں یقینی بنایا جائے۔ انہوں نے کہا کہ “آسان خدمت مرکز” کے قیام سے اسلام آباد کے شہریوں کو کئی محکموں کی خدمات و سہولیات کا حصول ایک ہی چھت تلے ممکن ہوگا۔متعلقہ افسران نے چیئرمین سی ڈی اے کو ٹی چوک فلائی اوور منصوبے اور شاہین چوک انڈر پاس منصوبے میں ہونے والی پیشرفت پر بریفنگ دیتے ہوئے بتایا کہ ٹی چوک انٹرچینج کا تقریبا 80 فیصد کام مکمل ہوچکا ہے۔ جبکہ شاہین چوک انڈر پاس منصوبے پر گرڈر لانچنگ کا عمل شروع ہوچکا ہے۔
بریفنگ دیتے ہوئے بتایا گیا کہ شاہین چوک انڈر پاس اور ٹی چوک فلائی اوور منصوبے کی جلد تکمیل کو یقینی بنانے کیلئے 24/7 تعمیراتی سرگرمیاں تیزی سے جاری ہیں۔چیئرمین سی ڈی اے نے دونوں منصوبوں کو خوبصورت اور جاذب نظر بنانے کیلئے مستقل بنیادوں پر ایل ای ڈی لائٹس اور ایس ایم ڈیز نصب کرنے کی ہدایت کی۔فیض آباد انٹرچینج کی ری ماڈلنگ منصوبے کے حوالے سے ہونے والی پیشرفت پر چیئرمین سی ڈی اے کو بریفنگ دیتے ہوئے بتایا کہ فیض آباد انٹرچینج ری ماڈلنگ منصوبے کو مکمل کرنے کیلئے نئی لوپس کی تعمیر پر کام تیزی سے جاری ہے۔چیئرمین سی ڈی اے نے ہدایت کی کہ فیض آباد انٹرچینج منصوبے کے تعمیراتی کاموں کے دوران ٹریفک کی بہا کو جاری رکھنے کیلئے ٹریفک پولیس کے ساتھ ملکر ٹریفک پلان ترتیب دیا جائے۔ چیئرمین سی ڈی اے کو بریفنگ دیتے ہوئے بتایا گیا کہ اسلام آباد شہر میں جاری تمام بڑے منصوبوں پر تعمیراتی کاموں کی بہتر نگرانی کیلئے کیمرے تنصیب کئے جاچکے ہیں۔چیئرمین سی ڈی اے نے ہدایت کی کہ متعلقہ افسران اور پراجیکٹ ڈائریکٹرز تمام ترقیاتی منصوبوں پر کیمروں کے ذریعے 24/7 مانیٹرنگ کو یقینی بنائیں۔ انہوں نے کہا کہ مثر نگرانی کے زریعے منصوبوں کی جلد تکمیل اور انکے اعلی معیار کو یقینی بنایا جاسکتا ہے۔چیئرمین سی ڈی اے نے کہا کہ ان تمام منصوبوں کا مقصد اسلام آباد کو دنیا کا بہترین اور مثالی شہر بنانا ہے۔ انہوں نے مزید کہا کہ اسلام آباد شہر کی تعمیر و ترقی اور خوبصورتی سمیت شہریوں کو بہترین سہولیات کی فراہمی کو یقینی بنانے کیلئے تمام وسائل بروئے کار لائے جا رہے ہیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرفیڈ رل گو رنمنٹ ایمپلا ئز ہا وسنگ اتھا رٹی کیخلاف شکا یات ،وفاقی محتسب کا نوٹس ، معائینہ ٹیم تشکیل دیدی فیڈ رل گو رنمنٹ ایمپلا ئز ہا وسنگ اتھا رٹی کیخلاف شکا یات ،وفاقی محتسب کا نوٹس ، معائینہ ٹیم تشکیل دیدی بلوچستان کی ترقی قومی ترجیح ، بلوچ عوام کے حقوق اور ترقیاتی منصوبوں پر کوئی سمجھوتہ نہیں ہوگا،چودھری شجاعت حسین تھانہ لوئی بھیر کے علاقے میں حوا کی ایک بیٹی پر تشدد کا سنگین واقعہ ،مساج سینٹر پر لڑکی پر مبینہ تشدد اور بلیک... احمقانہ نعروں سے سرحدیں تبدیل نہیں ہوتیں،راج ناتھ سنگھ کا بیان اشتعال انگیز اور احمقانہ ہے،ڈاکٹر رمیش کماروانکوانی کا ردعمل ڈپلومیٹک پاسپورٹ کیس ،سابق وزیراعظم آزاد کشمیر سردار تنویر الیاس کے وارنٹ گرفتاری برقرار پاک سعودیہ وزارت انصاف کے درمیان عدالتی ترتیب، قانونی اصلاحات کیلئے ایم او یو پر دستخط
Copyright © 2025, All Rights Reserved
رابطہ کریں ہماری ٹیم
ذریعہ
ذریعہ: Daily Sub News
کلیدی لفظ: جاری ترقیاتی منصوبوں محمد علی رندھاوا چیئرمین سی ڈی اے کے حوالے سے
پڑھیں:
اراکین پارلیمنٹ کیلئے اضافی فیملی سوٹس کی تعمیر کی تجویز، بجٹ میں ڈیڑھ ارب روپے مختص ہونے کا امکان
وقاص عظیم: وفاقی بجٹ 2026-27 میں اراکین پارلیمنٹ کے اہل خانہ کیلئے اضافی رہائشی سہولیات کی فراہمی کی تجویز سامنے آگئی ہے، جس کے تحت نئے فیملی سوٹس اور سرونٹ کوارٹرز تعمیر کیے جائیں گے۔
پاکستان آسٹریلیا دوسرا ون ڈے، قذافی اسٹیڈیم میں سیکیورٹی و ٹریفک انتظامات مکمل
ذرائع کے مطابق پارلیمنٹ لاجز میں اراکین پارلیمنٹ کے اضافی فیملی سوٹس کی تعمیر کیلئے آئندہ مالی سال کے بجٹ میں ڈیڑھ ارب روپے مختص کرنے کی تجویز دی گئی ہے۔
غیر ملکی خاتون کے مبینہ اغوا کیس میں نیا موڑ، پولیس تفتیش میں اہم انکشافات
منصوبے کے تحت 500 سرونٹ کوارٹرز بھی تعمیر کیے جائیں گے تاکہ اراکین پارلیمنٹ اور ان کے اہل خانہ کو بہتر رہائشی سہولیات فراہم کی جا سکیں۔
ذرائع کا کہنا ہے کہ منصوبے کی مجموعی لاگت 7 ارب 40 کروڑ روپے مقرر کی گئی ہے، جبکہ جون 2026 تک اس منصوبے پر 2 ارب 29 کروڑ روپے خرچ ہونے کا تخمینہ لگایا گیا ہے۔
نجی کمپنیاں گندم کے مقابلے میں آٹا دوگنی قیمت پر فروخت کرنے لگیں، کارروائی کا مطالبہ
بجٹ تجاویز کو حتمی منظوری کے بعد آئندہ مالی سال کے ترقیاتی پروگرام میں شامل کیا جائے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ