اوگرا کی سفارش: سوئی نادرن اور سوئی سدرن کی گیس کی قیمتوں میں کمی
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
اسلام آباد:آئل اینڈ گیس ریگولیٹری اتھارٹی (اوگرا) نے رواں مالی سال کے لیے گیس کی قیمتوں میں کمی کی منظوری دے دی ہے اور اپنی سفارشات وفاقی حکومت کو ارسال کر دی ہیں، اوگرا نے سوئی نادرن اور سوئی سدرن کی اوسط قیمتوں میں کمی کا فیصلہ تجویز کیا ہے تاکہ صارفین کو فائدہ پہنچایا جا سکے۔
اوگرا کے ترجمان کے مطابق سوئی نادرن کے لیے گیس کی اوسط قیمت میں 3 فیصد کمی کی سفارش کی گئی ہے، جس کے بعد قیمت 1804 روپے 8 پیسے فی ایم ایم بی ٹی یو ہو جائے گی، سوئی سدرن کے لیے 8 فیصد کمی کی تجویز دی گئی ہے، جس کے بعد اوسط قیمت 1549 روپے 41 پیسے فی ایم ایم بی ٹی یو ہو جائے گی۔
ترجمان اوگرا نے کہا کہ وفاقی حکومت سے ایڈوائس موصول ہونے کے بعد اوگرا گیس قیمتوں کا نوٹیفکیشن جاری کرے گی،
حکومت سے سلیب کے حساب سے قیمتوں پر بھی ایڈوائس طلب کی گئی ہے تاکہ صارفین کو ہر سطح پر فائدہ پہنچایا جا سکے۔
ذرائع اوگرا کے مطابق اگر وفاقی حکومت اوگرا کی سفارشات کی منظوری دے دیتی ہے تو نئی گیس کی قیمتیں صارفین کو فوری طور پر منتقل کر دی جائیں گی، اس سلسلے میں وفاقی حکومت کو 40 دن کے اندر جواب دینے کی پابندی ہے، بصورت دیگر اوگرا کا فیصلہ خود بخود لاگو ہو جائے گا۔
ذریعہ
ذریعہ: Jasarat News
کلیدی لفظ: وفاقی حکومت گیس کی
پڑھیں:
پیٹرول اور ڈیزل کی قیمتوں میں اضافہ
اسلام آباد: ملک بھر میں پیٹرولیم مصنوعات کی قیمتوں میں اضافے کا سلسلہ جاری ہے، جہاں پیٹرول اور ڈیزل کی قیمتوں میں اضافہ کرتے ہوئے آئل اینڈ گیس ریگولیٹری اتھارٹی (اوگرا) نے نئے نرخوں کا نوٹیفکیشن جاری کر دیا ہے۔ نئی قیمتوں کا اطلاق رات 12 بجے کے بعد سے ہوگا۔
اوگرا کی جانب سے جاری اعلامیے کے مطابق پیٹرول کی قیمت میں 4 روپے 40 پیسے فی لیٹر اضافہ کیا گیا ہے، جس کے بعد نئی قیمت 331 روپے 52 پیسے فی لیٹر مقرر کر دی گئی ہے۔
اسی طرح ہائی اسپیڈ ڈیزل کی قیمت میں 3 روپے 62 پیسے فی لیٹر اضافہ کیا گیا ہے، جس کے بعد ڈیزل 378 روپے 66 پیسے فی لیٹر میں دستیاب ہوگا۔
حکام کے مطابق نئی قیمتوں کا اطلاق فوری طور پر رات 12 بجے کے بعد سے ہوگا، جس کے بعد ملک بھر کے تمام پیٹرول پمپس پر نئے نرخ نافذ ہو جائیں گے۔
واضح رہے کہ حالیہ دنوں میں عالمی منڈی میں خام تیل کی قیمتوں میں مسلسل اتار چڑھاؤ دیکھنے میں آیا ہے، جس کے اثرات پاکستان میں بھی پیٹرولیم مصنوعات کی قیمتوں پر مرتب ہو رہے ہیں۔ گزشتہ چند روز کے دوران بھی مختلف پیٹرولیم مصنوعات کی قیمتوں میں متعدد بار اضافہ کیا جا چکا ہے۔
ماہرین کے مطابق ایندھن کی قیمتوں میں مسلسل اضافے سے ٹرانسپورٹ، اشیائے خور و نوش اور دیگر بنیادی ضروریات کی قیمتوں پر بھی اثر پڑ سکتا ہے، جس کے باعث مہنگائی کے دباؤ میں مزید اضافہ ہونے کا خدشہ ظاہر کیا جا رہا ہے۔
نئی قیمتیں ایک نظر میں
پیٹرول: 331 روپے 52 پیسے فی لیٹر (4.40 روپے اضافہ)
ہائی اسپیڈ ڈیزل: 378 روپے 66 پیسے فی لیٹر (3.62 روپے اضافہ)
اوگرا کی جانب سے جاری نوٹیفکیشن کے مطابق یہ قیمتیں آئندہ حکم نامے تک نافذ العمل رہیں گی۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار