سوئی ناردرن گیس کمپنی کاایل پی جی سلنڈرزپراجیکٹ کےتحت سپلائی کاآغاز
اشاعت کی تاریخ: 24th, November 2025 GMT
شاہدسپرا: سوئی ناردرن گیس کمپنی نے ایل پی جی سلنڈرز پراجیکٹ کے تحت باقاعدہ سپلائی کا آغاز کر دیا ہے.
جس کے بعد صارفین کو شہر کے تمام دفاتر سے سلنڈر حاصل کرنے کے ساتھ ساتھ ہوم ڈلیوری کی سہولت بھی دستیاب ہوگی۔
کمپنی کے مطابق صارفین سے 7500 روپے سلنڈر سکیورٹی کے طور پر لیے جائیں گے، جبکہ ایل پی جی اوگرا کے مقررہ ریٹس پر فراہم کی جائے گی۔ اس کے علاوہ 1500 روپے ریگولیٹر اور دیگر آلات کی مد میں وصول کیے جائیں گے۔
پاکستان نےسنوکر ورلڈکپ کا ٹائٹل اپنے نام کرلیا
سلنڈر کی ہوم ڈلیوری کیلئے 500 روپے چارجز صارف کو ادا کرنا ہوں گے۔ کمپنی نے بتایا ہے کہ صارفین نہ صرف قریبی دفاتر سے سلنڈر حاصل کر سکیں گے بلکہ آن لائن بکنگ کی سہولت بھی فراہم کی جا رہی ہے۔
کمپنی کی ٹیمیں ڈلیوری کے وقت مقررہ چارجز وصول کرنے کی مجاز ہوں گی۔
.
ذریعہ: City 42
پڑھیں:
کراچی: جعلی دستاویزات پر ویزا حاصل کرنے والا مسافر پرواز سے آف لوڈ
کراچی ائیرپورٹ پر وفاقی تحقیقاتی ادارے (ایف آئی اے) کی امیگریشن ٹیم نے جعلی دستاویزات پر ویزا حاصل کرنے والے مسافر کو بین الاقوامی پرواز سے آف لوڈ کر دیا۔
ترجمان ایف آئی اے کے مطابق، ملزم محمد آصف سعودی عرب جانے والی پرواز پر سوار ہونے والا تھا، تاہم امیگریشن عملے نے اس کے دستاویزات کی چھان بین کے دوران دھوکہ بازی پکڑ لی۔ محمد آصف کے پاسپورٹ پر ہیوی ٹرک ڈرائیور کے لیے ویزا درج تھا، لیکن اس نے لائسنس برانچ کلفٹن سے جاری ہونے والا ایچ ٹی وی لائسنس پیش کیا جو جعلی نکلا۔
ابتدائی تحقیقات میں ملزم نے اعتراف کیا کہ اس نے جعلی ڈرائیونگ لائسنس ایک ایجنٹ سے 1 لاکھ 27 ہزار روپے میں حاصل کیا تھا اور کبھی خود لائسنس برانچ کلفٹن نہیں گیا۔
ملزم کو بعد ازاں ایجنٹ کی نشاندہی اور مزید قانونی کارروائی کے لیے اینٹی ہیومن ٹریفکنگ سرکل کراچی منتقل کر دیا گیا۔
یہ واقعہ ظاہر کرتا ہے کہ ایف آئی اے کی سخت نگرانی اور امیگریشن چیک کے ذریعے جعلی دستاویزات کی روک تھام میں اہم کردار ادا کیا جا رہا ہے، تاکہ غیر قانونی بین الاقوامی سفر کو روکا جا سکے۔
فرحان سعید کیخلاف کیا سازشیں کی گئیں؟ گلوکار کے انکشافات