بلدیاتی اداروں کی مالی خودمختاری بڑھانے کے لیے مشاورت جاری ہے، ناصر حسین شاہ
اشاعت کی تاریخ: 24th, November 2025 GMT
لوکل گورنمنٹ کانفرنس سے خطاب میں وزیر بلدیات سندھ نے کہا کہ نئے بلدیاتی انتخابات تک موجودہ نمائندے اپنے عہدوں پر برقرار رہیں گے اور پیپلز پارٹی کی قیادت کے وژن کے مطابق بلدیاتی نمائندوں کو بااختیار بنانے کے عمل کو مزید تیز کردیا گیا ہے۔ اسلام ٹائمز۔ لوکل کاؤنسل ایسوسی ایشن سندھ کے زیرِ اہتمام لوکل گورنمنٹ کانفرنس کا انعقاد کیا گیا جس میں صوبائی وزیر بلدیات سندھ سید ناصر حسین شاہ نے بطور مہمانِ خصوصی شرکت کی۔ کانفرنس میں چیئرمین ڈسٹرکٹ کونسل سکھر سید کمیل حیدر شاہ، میئر کراچی مرتضیٰ وہاب، ڈپٹی میئر سلمان عبداللہ مراد، میئر سکھر ارسلان شیخ سمیت صوبے بھر سے منتخب نمائندوں اور مقامی حکومتوں کے عہدیداران نے بڑی تعداد میں شرکت کی۔ سید ناصر حسین شاہ نے خطاب کرتے ہوئے کہا کہ آج کا سیشن انتہائی اہم ہے اور کانفرنس میں پیش کی جانے والی تمام سفارشات پر یقینی عملدرآمد کیا جائے گا۔ انہوں نے بتایا کہ چیئرمین پیپلز پارٹی بلاول بھٹو زرداری کی خصوصی ہدایت پر منتخب نمائندوں کے مسائل کو فوری بنیادوں پر حل کیا جا رہا ہے۔
وزیر بلدیات نے کہا کہ قانون سازی میں بہتری کے لیے منتخب نمائندوں سے مشاورت مکمل کرلی گئی ہے جبکہ وائس چیئرمین کے اختیارات کو مزید واضح اور مؤثر بنانے کی ضرورت ہے۔ ان کے مطابق اختیارات کی نچلی سطح تک منتقلی ہی عوامی مسائل کا دیرپا حل ہے۔ انہوں نے مزید بتایا کہ نئے بلدیاتی انتخابات تک موجودہ نمائندے اپنے عہدوں پر برقرار رہیں گے اور پیپلز پارٹی کی قیادت کے وژن کے مطابق بلدیاتی نمائندوں کو بااختیار بنانے کے عمل کو مزید تیز کردیا گیا ہے۔ سید ناصر حسین شاہ نے کہا کہ بلدیاتی اداروں کی مالی خودمختاری بڑھانے کے لیے مشاورت جاری ہے، جبکہ شہری سہولیات کی بہتری اور بلدیاتی نظام کی کارکردگی میں اضافہ کرنے کے لیے جامع حکمتِ عملی پر کام کیا جا رہا ہے۔
ذریعہ: Islam Times
کلیدی لفظ: ناصر حسین شاہ کے لیے کہا کہ
پڑھیں:
سیکیورٹی فورسز کا بنوں میں مشترکہ آپریشن، بھارتی پراکسی فتنتہ الخوارج کے 8 دہشتگرد ہلاک
بنو میں سیکیورٹی فورسز اور قانون نافذ کرنے والے اداروں نے مشترکہ آپریشن کرتے ہوئے بھارتی پراکسی فتنتہ الخوارج کے 8 دہشتگرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق 21 نومبر کو خفیہ اطلاعات کی بنیاد پر سیکورٹی فورسز اور قانون نافذ کرنے والے اداروں نے ضلع بنوں میں بھارتی پراکسی فتنتہ الخوارج کے دہشتگردوں کی موجودگی کی اطلاع پر مشترکہ انٹیلی جنس بیسڈ آپریشن کیا۔
ترجمان پاک فوج نے بتایا کہ آپریشن کے دوران فورسز نے دہشتگردوں کے ٹھکانوں کو مؤثر انداز میں نشانہ بنایا، شدید فائرنگ کے تبادلے کے بعد بھارتی سرپرستی میں سرگرم فتنہ ال خوارج کے 8 دہشتگرد واصلِ جہنم کر دیے گئے۔
بیان میں کہا گیا کہ مارے گئے دہشتگردوں سے اسلحہ اور بھاری مقدار میں گولہ بارود بھی برآمد ہوا، دہشتگرد سیکورٹی فورسز، قانون نافذ کرنے والے اداروں اور بے گناہ شہریوں پر متعدد حملوں اور ٹارگٹ کلنگ میں ملوث تھے۔
بیان میں کہا گیا کہ کارروائی سیکورٹی فورسز اور قانون نافذ کرنے والے اداروں کے درمیان مضبوط تعاون اور انٹیلی جنس پر مبنی آپریشنز کی تیز رفتار مہم کا واضح ثبوت ہے، ان مربوط سیکیورٹی اقدامات کا مقصد خوارج کے نیٹ ورک کو توڑنا، ان کی نقل و حرکت کو محدود کرنا اور ان کے سہولت کاروں کا خاتمہ ہے۔
آئی ایس پی آر کے مطابق خطے میں قیامِ امن کے لیے کئے گئے آپریشنز نمایاں نتائج دے رہے ہیں، جبکہ مزید کامیابیوں کے لیے کوششیں مسلسل جاری رہیں گی، علاقے میں کلئیرنس اور سینیٹائزیشن آپریشن بھی جاری ہے، تاکہ کسی بھی بھارتی سرپرستی یافتہ دہشتگرد کو فرار ہونے یا دوبارہ منظم ہونے کا موقع نہ مل سکے۔
’عزمِ استحکام‘ کے ویژن کے تحت، جو نیشنل ایکشن پلان کی منظوری کے بعد فیڈرل ایپکس کمیٹی نے جاری کیا، سیکورٹی فورسز اور قانون نافذ کرنے والے اداروں کی انسدادِ دہشتگردی کی فیصلہ کن مہم بھرپور رفتار سے جاری رہے گی، اور پاکستان سے بیرونی سرپرستی یافتہ دہشتگردی کے مکمل خاتمے تک جاری رہے گی۔
فیب لیس ڈیزائن: پاکستان میں سیمی کنڈکٹر انڈسٹری کا واحد راستہ