سیکیورٹی فورسز کا بنوں میں مشترکہ آپریشن، بھارتی پراکسی فتنتہ الخوارج کے 8 دہشتگرد ہلاک
اشاعت کی تاریخ: 22nd, November 2025 GMT
بنو میں سیکیورٹی فورسز اور قانون نافذ کرنے والے اداروں نے مشترکہ آپریشن کرتے ہوئے بھارتی پراکسی فتنتہ الخوارج کے 8 دہشتگرد ہلاک ہوگئے۔
پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق 21 نومبر کو خفیہ اطلاعات کی بنیاد پر سیکورٹی فورسز اور قانون نافذ کرنے والے اداروں نے ضلع بنوں میں بھارتی پراکسی فتنتہ الخوارج کے دہشتگردوں کی موجودگی کی اطلاع پر مشترکہ انٹیلی جنس بیسڈ آپریشن کیا۔
ترجمان پاک فوج نے بتایا کہ آپریشن کے دوران فورسز نے دہشتگردوں کے ٹھکانوں کو مؤثر انداز میں نشانہ بنایا، شدید فائرنگ کے تبادلے کے بعد بھارتی سرپرستی میں سرگرم فتنہ ال خوارج کے 8 دہشتگرد واصلِ جہنم کر دیے گئے۔
بیان میں کہا گیا کہ مارے گئے دہشتگردوں سے اسلحہ اور بھاری مقدار میں گولہ بارود بھی برآمد ہوا، دہشتگرد سیکورٹی فورسز، قانون نافذ کرنے والے اداروں اور بے گناہ شہریوں پر متعدد حملوں اور ٹارگٹ کلنگ میں ملوث تھے۔
بیان میں کہا گیا کہ کارروائی سیکورٹی فورسز اور قانون نافذ کرنے والے اداروں کے درمیان مضبوط تعاون اور انٹیلی جنس پر مبنی آپریشنز کی تیز رفتار مہم کا واضح ثبوت ہے، ان مربوط سیکیورٹی اقدامات کا مقصد خوارج کے نیٹ ورک کو توڑنا، ان کی نقل و حرکت کو محدود کرنا اور ان کے سہولت کاروں کا خاتمہ ہے۔
آئی ایس پی آر کے مطابق خطے میں قیامِ امن کے لیے کئے گئے آپریشنز نمایاں نتائج دے رہے ہیں، جبکہ مزید کامیابیوں کے لیے کوششیں مسلسل جاری رہیں گی، علاقے میں کلئیرنس اور سینیٹائزیشن آپریشن بھی جاری ہے، تاکہ کسی بھی بھارتی سرپرستی یافتہ دہشتگرد کو فرار ہونے یا دوبارہ منظم ہونے کا موقع نہ مل سکے۔
’عزمِ استحکام‘ کے ویژن کے تحت، جو نیشنل ایکشن پلان کی منظوری کے بعد فیڈرل ایپکس کمیٹی نے جاری کیا، سیکورٹی فورسز اور قانون نافذ کرنے والے اداروں کی انسدادِ دہشتگردی کی فیصلہ کن مہم بھرپور رفتار سے جاری رہے گی، اور پاکستان سے بیرونی سرپرستی یافتہ دہشتگردی کے مکمل خاتمے تک جاری رہے گی۔
.ذریعہ: Express News
کلیدی لفظ: فورسز اور قانون نافذ کرنے والے اداروں سیکورٹی فورسز
پڑھیں:
خیبرپختونخوا: کرم میں سیکیورٹی فورسز کی کارروائیاں، بھارتی حمایت یافتہ فتنہ الخوارج کے 23 دہشتگرد ہلاک
سیکیورٹی فورسز نے خیبر پختونخوا کے ضلع کرم میں کارروائیوں کے دوران بھارتی حمایت یافتہ فتنہ الخوارج کے 23 دہشت گردوں کو ہلاک کر دیا۔
پاک فوج کے شعبۂ تعلقاتِ عامہ آئی ایس پی آر کے مطابق خیبرپختونخوا کے ضلع کرم میں سیکیورٹی فورسز کی جانب سے دو الگ الگ کارروائیاں کی گئیں۔
آئی ایس پی آر کے مطابق سیکیورٹی فورسز نے خوارج کی موجودگی کی اطلاع پر ٹارگٹڈ آپریشن کیا، آپریشن کے دوران سیکیورٹی فورسز نے خوارج کی پوزیشن کو مؤثر انداز میں نشانہ بنایا۔
پاک فوج کے شعبۂ تعلقاتِ عامہ کا کہنا ہے کہ کرم میں ایک کارروائی میں شدید فائرنگ کے تبادلے میں 12 خوارج ہلاک کیے گئے، کرم میں ہی خفیہ اطلاع پر دوسری کارروائی میں 11 خوارج کو ہلاک کیا گیا۔
آئی ایس پی آر کے مطابق بھارتی حمایت یافتہ کسی بھی دہشت گرد کے خاتمے کے لیے علاقے میں کلیئرنس کا عمل جاری ہے، ملک سے بیرونی حمایت یافتہ دہشت گردی کے مکمل خاتمے تک انسدادِ دہشتگردی مہم جاری رکھیں گے۔
صدر مملکت نے آرمی ، ایئر فورس اور نیوی ایکٹ ترمیمی بلوں پر دستخط کر دیئے