سکھر بیراج کے جاری کام میں مالی کرپشن کا انکشاف
اشاعت کی تاریخ: 24th, November 2025 GMT
data-id="863a0a8" data-element_type="widget" data-widget_type="theme-post-content.default">
سکھر (نمائندہ جسارت ) سکھر بیراج کی بحالی کے جاری کام میں کروڑوں روپے کی کرپشن کا انکشاف ہوا ہے۔پاکستان ورکرز فیڈریشن سندھ کے جنرل سیکرٹری خادم حسین کھوسو نے اپنے جاری کردہ بیان میں انکشاف کرتے ہوئے کہا ہے کہ سکھر بیراج پر جاری کام میں چینی کمپنی کے افسران بے قابو ہوچکے ہیں۔اْن کے مطابق HR ڈپارٹمنٹ کی ملی بھگت سے مبینہ رشوت کے عوض غیر مقامی افراد کو بھرتی کیا جا رہا ہے، جبکہ یہ کہہ کر جواز پیش کیا جاتا ہے کہ وہ سابق صوبائی وزیر جام خان شورو کے لوگ ہیں۔خادم حسین کھوسو نے بتایا کہ چین کی کمپنی اور ورلڈ بینک کے درمیان ہونے والے معاہدے کے مطابق 80 فیصد مقامی افراد کی بھرتی لازمی ہے، مگر اس معاہدے پر عمل کرنے کے بجائے کمپنی کے افسران غیر مقامی افراد کو بھرتی کرکے مقامی لوگوں کے حقوق پر ڈاکا ڈال رہے ہیں۔انہوں نے اعلان کیا کہ 26 نومبر 2025ء کو سکھر بیراج کے مقام پر بھرپور احتجاجی دھرنا دیا جائے گا، اور اگر غیر مقامی لوگوں کی بھرتی کا سلسلہ نہ روکا گیا تو 8 دسمبر کو بڑا احتجاج کیا جائے گا، جو انصاف ملنے تک جاری رہے گا۔خادم حسین کھوسو نے مزید بتایا کہ اس سلسلے میں شکایت پروجیکٹ ڈائریکٹر پریم داس کو بھی کی گئی ہے، مگر نامعلوم وجوہات کی بنا پر وہ خاموش ہیں۔ان کا کہنا تھا کہ سکھر بیراج پر کام کرنے والے کئی ٹھیکیدار سیاسی بااثر افراد کے لوگ ہیں، اسی لیے ناقص اور غیر معیاری کام کے باوجود انہیں کوئی نہیں روکتا۔انہوں نے پیپلز پارٹی کے چیئرمین بلاول زرداری، وزیراعلیٰ سندھ اور متعلقہ حکام سے مطالبہ کیا کہ وہ اس صورتحال کا نوٹس لیں، غیر مقامی افراد کی بھرتیوں کو فوری طور پر منسوخ کروائیں، اور مقامی لوگوں کو روزگار فراہم کیا جائے۔
ذریعہ
ذریعہ: Jasarat News
کلیدی لفظ: مقامی افراد سکھر بیراج
پڑھیں:
چیمپئنز لیگ جیتنے کی خوشی تشدد میں بدل گئی، پیرس میں جلاؤ گھیراؤ اور پولیس سے جھڑپیں
یورپی چیمپئنز لیگ میں پی ایس جی کی کامیابی کے بعد فرانس کے دارالحکومت پیرس میں جشن پرتشدد ہنگاموں میں تبدیل ہو گیا۔ مظاہرین اور پولیس کے درمیان جھڑپوں، جلاؤ گھیراؤ اور توڑ پھوڑ کے واقعات میں متعدد افراد زخمی ہوئے، جبکہ پولیس نے 400 سے زائد افراد کو حراست میں لے لیا۔
یورپی چیمپئنز لیگ کے فائنل میں پی ایس جی کی فتح کے بعد فرانس کے دارالحکومت پیرس میں جشن کا ماحول بدامنی اور تشدد میں تبدیل ہو گیا، جہاں مشتعل افراد نے جلاؤ گھیراؤ، توڑ پھوڑ اور پولیس کے ساتھ جھڑپوں کا سلسلہ شروع کر دیا۔
میڈیا رپورٹس کے مطابق شہر کے مختلف علاقوں میں مظاہرین نے بوتل بم پھینکے، متعدد دکانوں پر حملے کیے اور سڑکوں پر موجود کچرے کے ڈبوں سمیت دیگر اشیا کو آگ لگا دی۔ ہنگامہ آرائی کے دوران درجنوں گاڑیوں کو بھی نقصان پہنچایا گیا۔
مظاہرین اور پولیس کے درمیان ہونے والی جھڑپوں میں کم از کم سات پولیس اہلکار زخمی ہوئے۔ بعض شرپسند عناصر نے آتش بازی کا رخ آسمان کے بجائے پولیس اہلکاروں کی جانب کر دیا، جس کے باعث کشیدگی میں مزید اضافہ ہوا۔
فرانسیسی پولیس نے کارروائی کرتے ہوئے 400 سے زائد افراد کو گرفتار کر لیا۔ حکام کے مطابق گرفتار افراد کے قبضے سے تیزاب سے بھری بوتلیں اور دیگر خطرناک مواد بھی برآمد کیا گیا ہے۔
حکام کو پہلے ہی ممکنہ ہنگامہ آرائی کا خدشہ تھا، جس کے پیش نظر پیرس میں 22 ہزار سے زائد پولیس اہلکار تعینات کیے گئے تھے۔ اس کے باوجود شہر کے مختلف حصوں میں جلاؤ گھیراؤ اور پرتشدد واقعات کو مکمل طور پر روکنا ممکن نہ ہو سکا۔
واضح رہے کہ پیرس سینٹ جرمین (PSG) نے چیمپئنز لیگ کے فائنل میں آرسنل کو شکست دے کر ٹائٹل اپنے نام کیا، جس کے بعد ہزاروں شائقین جشن منانے کے لیے سڑکوں پر نکل آئے۔ تاہم بعض مقامات پر یہ جشن بدامنی اور تشدد میں تبدیل ہو گیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ