وزیراعلیٰ سندھ کی پہلا ای چالان معاف کرنے کی ہدایت
اشاعت کی تاریخ: 30th, October 2025 GMT
کراچی :وزیراعلیٰ سندھ مراد علی شاہ نے آئی جی غلام نبی میمن کو ٹریفک قوانین کی خلاف ورزی پر پہلا ’ای چالان‘ معاف کرنے کی ہدایت کر دی ہے۔
آئی جی سندھ غلام نبی میمن نے ٹریفک قوانین کی خلاف ورزیوں پر تیار کی گئی رپورٹ وزیراعلیٰ سندھ سید مراد علی شاہ کو پیش کر دی، جس میں بتایا گیا ہے کہ ای ٹکٹنگ سسٹم کے تحت اب تک 35 سرکاری گاڑیوں کے ای چالان جاری کیے جا چکے ہیں۔
رپورٹ کے مطابق سیٹ بیلٹ نہ باندھنے، ریڈ لائٹ کو کراس کرنے، کالے شیشے (tinted glasses) اور موبائل فون کے استعمال پر مختلف گاڑیوں کو چالان کیا گیا۔
ذرائع کے مطابق پولیس کی ایک سرکاری گاڑی (SPE-950) کو سیٹ بیلٹ کی خلاف ورزی پر چالان کیا گیا۔ لیاری ایکسپریس وے پر 28 اکتوبر کو دوپہر 1 بج کر 36 منٹ پر یہ پہلا ای چالان جاری ہوا، جب ڈرائیور نے دو مقامات پر سیٹ بیلٹ نہیں باندھا تھا۔
رپورٹ میں بتایا گیا کہ ای ٹکٹنگ سسٹم نے خودکار طریقے سے کارروائی کرتے ہوئے 10 ہزار روپے جرمانہ عائد کیا۔ آئی جی سندھ غلام نبی میمن کے مطابق اگر کوئی شہری پہلی مرتبہ ای چالان کا سامنا کر رہا ہے تو دس دن کے اندر درخواست دینے پر معافی اور فیس کی چھوٹ دی جا سکتی ہے۔
وزیراعلیٰ سندھ مراد علی شاہ نے کہا کہ انہوں نے پہلے چالان کی معافی کی ہدایت جاری کر دی ہے۔ ان کا کہنا تھا کہ اپنی حفاظت کے لیے ٹریفک قوانین پر عمل کرنا ضروری ہے، مہذب شہری ہمیشہ قانون کی پاسداری کرتے ہیں، اور پولیس بھی قانون سے بالاتر نہیں۔
انہوں نے مزید کہا کہ جو شہری یا ادارہ دوبارہ خلاف ورزی کرے گا، اسے چالان ادا کرنا ہوگا۔ وزیراعلیٰ کا کہنا تھا کہ سندھ پولیس کا جدید ای ٹکٹنگ سسٹم موثر ثابت ہو رہا ہے، اور تمام شہریوں کے مساوی حقوق کو یقینی بنانے کے لیے قانون پر سختی سے عمل درآمد ضروری ہے۔
TagsImportant News from Al Qamar.
ذریعہ
ذریعہ: Al Qamar Online
پڑھیں:
پیٹرولیم مصنوعات کی قیمتوں میں اضافہ ، شہری پھٹ پڑے
سٹی 42: حکومت نے پیٹرولیم مصنوعات کی قیمتوں میں مزید اضافہ کر دیا،
پیٹرول کی قیمت میں 4 روپے 40 پیسے کا اضافہ شہریوں نے قیمتوں میں اضافہ مسترد کردیا۔ حکومت سے پیٹرولیم مصنوعات کی قیمتوں میں کمی کا مطالبہ کردیا۔
شہری کا کہنا تھا کہ کس قانون کے تحت حکومت روزانہ پیٹرول کی قیمت بڑھا رہی ہے۔کمی پیسوں میں کی جاتی ہے جبکہ اضافہ بھاری کیا جاتا ہے۔پیٹرول کی اضافی قیمت کی وجہ روز مرہ زندگی بری طرح متاثر ہوکررہ گئی ہے، ہیجانی سی کیفیت ہوتی ہے کہ آج حکومت پیٹرول کتنا مہنگا کرے گی۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں کا کہنا ہے کہ پیٹرولیم مصنوعات کی قیمتوں کی روزانہ کی بنیاد پر اضافے نے نفسیاتی اور ذہنی اذیت میں مبتلا کردیا ہے ۔ غریب شہریوں کو تنخواہ ماہانہ ملتی ہے جبکہ پیٹرولیم مصنوعات کی روزانہ کی بنیاد پر تبدیلی سارے بجٹ کو ہلا دیتی ہے ۔ اشیائے خوردونوش کی قیمتوں اور دیگر اخراجات میں بھی اضافہ ہوجاتاہے ۔ حکومت کو اپنے فیصلے پر غور کرنا چاہیے ۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی