سندھ اور بلوچستان میں صبح 5 سے رات 10 بجے تک گیس فراہمی کی ہدایت
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
251213-08-27
کراچی (مانیٹرنگ ڈیسک) سندھ اور بلوچستان میں موسم سرما کے دوران گیس فراہمی یقینی بنانے کے اقدامات جاری ہیں۔ سوئی سدرن کے مطابق ڈی جی گیس کی جانب سے سندھ اور بلوچستان میں صبح 5 سے رات 10 بجے تک گیس فراہمی کی ہدایت جاری کی گئی ہے۔ سوئی سدرن کا کہنا ہے کہ کم پریشر والے علاقوں کو روز صبح بریفنگ میں واضح کیا جائے کہ کم گیس پریشر کا مسئلہ مستعدی سے حل کیا جائے۔ سوئی سدرن کے مطابق لاپروائی کی صورت میں زونل ہیڈ کے خلاف ایکشن ہو گا۔ واضح رہے کہ گزشتہ چند برسوں میں گیس کی قیمتوں میں 100 فیصد سے زیادہ اضافہ کیا جاچکا ہے جبکہ گیس انتظامیہ نے بھی کے الیکٹرک کی روش اپناکر عوام کو لوٹنے کا بازار گرم کررکھا ہے جبکہ حکومت کی جانب سے قطر سے انتہائی مہنگے داموں ایل این جی درآمدکی گئی تھی جس کی قیمت بھی عوام کی جیبوں سے نکالی گئی۔
ذریعہ: Jasarat News
پڑھیں:
عوام کو بنیادی سہولیات کی فراہمی کیلئے اقدامات کررہے ہیں
data-id="863a0a8" data-element_type="widget" data-widget_type="theme-post-content.default">
251213-05-1
ایبٹ آباد(جسارت نیوز )ممبر صوبائی اسمبلی مشتاق احمد غنی نے کہا ہے کہ صوبائی حکومت بانی پاکستان تحریک انصاف عمران خان کے ویژن کے مطابق عوام کو بنیادی سرکاری خدمات ایک ہی چھت تلے فراہم کرنے کے لیے بھرپور اقدامات کر رہی ہے۔ انہوں نے یہ بات عوامی سہولت مرکز (CFC) ایبٹ آباد میں جمعہ کے روز منعقدہ آگاہی مہم کی تقریب سے بطور مہمانِ خصوصی خطاب کرتے ہوئے کہی، جس میں ایم پی اے و ڈیڈک چیئرمین ایبٹ آباد افتخار خان جدون، ڈپٹی کمشنر ایبٹ آباد کیپٹن ریٹائرڈ سرمد سلیم اکرم، ایڈیشنل ڈپٹی کمشنر جنرل گوہر علی، پروجیکٹ ڈائریکٹر وقاص الٰہی اور متعدد سرکاری محکموں کے افسران نے شرکت کی۔ اس موقع پر پروجیکٹ ڈائریکٹر وقاص الٰہی نے شرکاء کو عوامی سہولت مرکز ایبٹ آباد میں فراہم کی جانے والی 26 سرکاری خدمات، سسٹمز، ٹوکن مینجمنٹ، شکایات کے ازالہ میکانزم اور مستقبل میں شامل کی جانے والی مزید خدمات کے حوالے سے تفصیلی بریفنگ دی۔ اپنے خطاب میں مشتاق احمد غنی نے کہا کہ CFC کے قیام سے عوام مختلف اداروں کے چکر لگانے سے بچیں گے، دفاتر میں غیر ضروری رش کم ہوگا اور لوگوں کو ایک ہی جگہ پر تیز، آسان اور موثر خدمات میسر آئیں گی۔ انہوں نے مزید کہا کہ تمام خدمات کی ٹائم لائنز نمایاں طور پر آویزاں کی جائیں تاکہ اداروں میں جوابدہی قائم ہو اور شہریوں کو اپنے کام کی مدت کا واضح اندازہ ہو سکے۔ اس موقع پر ڈپٹی کمشنر ایبٹ آباد کیپٹن ریٹائرڈ سرمد سلیم اکرم نے اپنے خطاب میں کہا کہ عوامی سہولیت مرکز عوام کو ریلیف دینے اور انہیں باوقار اور شفاف انداز میں خدمات فراہم کرنے کا جدید ماڈل ہے۔ انہوں نے کہا کہ ضلعی انتظامیہ اس منصوبے کو ہر حال میں کامیاب بنانے کے لیے بھرپور معاونت فراہم کرے گی اور مرکز میں آنے والے شہریوں کی رہنمائی، سہولت اور خدمت کو مزید بہتر بنانے کے لیے مسلسل اقدامات کیے جا رہے ہیں۔ ڈی سی ایبٹ آباد نے اس عزم کا اظہار کیا کہ CFC کو ایسا مثالی ماڈل بنایا جائے گا اس مقصد کے لیے عملے کی تربیت، ادارہ جاتی ہم آہنگی اور ٹیکنالوجی اپ گریڈیشن کو اولین ترجیح دی جا رہی ہے۔ تقریب کے اختتام پر انہوں نے منصوبے سے وابستہ تمام محکموں، عوامی نمائندگان اور ٹیم کا شکریہ ادا کیا اور کہا کہ CFC حکومت کا فلیگ شپ منصوبہ ہے جس سے ہر شہری براہِ راست مستفید ہوگا۔
پی ٹی آئی ورکرز کے حقوق پر ایک اور ڈاکا منظور نہیں: اکبر ایس بابر