ورڈ آف دی ایئر ’67’ کا مطلب کیا ہے؟
اشاعت کی تاریخ: 30th, October 2025 GMT
آن لائن لغت ڈکشنری ڈاٹ کام نے سال 2025 کے ورڈ آف دی ایئر اعلان کر دیا ہے اور اس سال کا جیتنے والا لفظ ہے، 67 یعنی سکسٹی سیون نہیں بلکہ سکس سیون۔
بدھ کے روز کیے گئے اعلان میں ڈکشنری ڈاٹ کام کی ٹیم نے بتایا کہ ہر سال کا منتخب کردہ لفظ ایک لسانی یادگار ہوتا ہے، جو اُس سال کے سماجی رجحانات اور عالمی واقعات کی عکاسی کرتا ہے۔
اگرچہ لفظ ’67‘ کی اصل جڑیں واضح نہیں ہیں، لیکن اساتذہ اور والدین نے رواں سال کے دوران دیکھا کہ بچے اور نوجوان اسے عام بول چال میں استعمال کرنے لگے ہیں۔
‘6-7′: What does this https://t.
— PennLive.com (@PennLive) October 30, 2025
بعض لوگ اسے ’ہاں بھی، نہ بھی‘ یا ’کچھ ایسا، کچھ ویسا‘ کے مفہوم میں لیتے ہیں۔
ڈکشنری ڈاٹ کام کے مطابق، یہ لفظ برین راٹ سلینگ کی ایک مثال ہے، یعنی ایسا انٹرنیٹ جملہ جو جان بوجھ کر بے معنی ہوتا ہے، مگر اس کی بے تکی پن میں شامل ہونا ہی اس کا مزہ ہے۔
دلچسپ بات یہ ہے کہ ’67‘ کو ہمیشہ ’سِکس سیون‘ کہا جاتا ہے، سکسٹی سیون نہیں اور اس کے پیچھے کئی داستانیں موجود ہیں۔
مزید پڑھیں:دماغی سڑاند جیسی اصطلاح اوکسفرڈ ڈکشنری میں کیسے پہنچی؟
کچھ لوگ اسے رَیپر اسکرِلا کے 2024 کے گانے ڈوٹ ڈوٹ سکس سیون سے جوڑتے ہیں، جبکہ بعض اسے این بی اے کے کھلاڑی لامیلو بال سے منسوب کرتے ہیں، جو 6 فٹ 7 انچ قد کے ہیں۔
اسی سال ایک لڑکا، جو اب ’دا سیکس سیون کڈ‘ کے نام سے مشہور ہے، بھی وائرل ہوا جب اس نے ایک نوجوانوں کے باسکٹ بال میچ کے دوران یہ لفظ استعمال کیا۔
ڈکشنری ڈاٹ کام کے شعبۂ لغت کے ڈائریکٹر اسٹیو جانسن نے وضاحت کرتے ہوئے کہا کہ یہ لفظ آدھا اندرونی مذاق ہے، آدھا سماجی اشارہ، اور آدھا اظہار۔
’لوگ جب اسے کہتے ہیں تو صرف کوئی میم دہرا نہیں رہے ہوتے، وہ دراصل ایک جذباتی کیفیت چیخ کر بیان کر رہے ہوتے ہیں۔‘
ان کا مزید کہنا تھا کہ یہ پہلا ورڈ آف دی ایئر ہے جو بطور جذباتی اظہار بھی کام کرتا ہے، بقول ان کے ایک ایسا لفظ جو معنی طے ہونے سے پہلے ہی لوگوں کو جوڑ دیتا ہے۔
مزید پڑھیں:چند کروڑ بچانے کی خاطر 5 ادبی و علمی اداروں کے خاتمے کا منصوبہ
ڈکشنری ڈاٹ کام کے مطابق، اکتوبر 2025 میں ’67‘ کا آن لائن استعمال 2024 کے پورے سال کے مقابلے میں 6 گنا زیادہ رہا۔
ادارے نے کہا کہ ’67‘ ظاہر کرتا ہے کہ نئی نسل کس تیزی سے کسی لفظ کو عالمی گفتگو کا حصہ بنا سکتی ہے۔
اس سال کے فائنلسٹ میں شامل دیگر الفاظ میں ٹیرف، اوور ٹورازم، جین زی اسٹیئر، اورا فارمنگ، اے جینیٹک اور ٹریڈ وائف شامل تھے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
67 ڈاٹ کام ڈکشنری ورڈ آف دی ایئر
ذریعہ
ذریعہ: WE News
کلیدی لفظ: ڈاٹ کام ڈکشنری ورڈ ا ف دی ایئر دی ایئر سال کے
پڑھیں:
20 سال تک بیوی سے بات نہ کرنے والا شوہر، وجہ آپ کو حیران کر دے گی
جاپان (Japan)میں ایک شوہر نے 20 سال تک اپنی بیوی سے بات نہیں کی۔
جاپان سے تعلق رکھنے والے ایک جوڑے کی کہانی نے دنیا بھر کی توجہ اپنی جانب سمیٹ لی ہے۔
میڈیا رپورٹس میں بتایا گیا کہ جاپان کے جزیرے ہوکائڈوسے تعلق رکھنے والے ایک 18 سالہ نوجوان نے ایک ٹیلی ویژن شو میں ایک غیر معمولی درخواست کی تھی اور ایک ایسے خاندانی مسئلے کے حل کے لیے مدد مانگی جو برسوں پرانا تھا۔
نوجوان میں بتایا کہ اس کے والدین تقریباً 20 سال تک ایک ساتھ رہے لیکن اس نے کبھی اپنے والدین کو آپس میں باقاعدہ گفتگو کرتے ہوئے نہیں دیکھا۔
میڈیا رپورٹس کے مطابق 2 دہائیوں تک شوہر اوکو کاتایاما اور ان کی اہلیہ یومی ایک ہی گھر میں رہے، تین بچوں کی پرورش کی اور ایک ساتھ کھانا کھایا لیکن اس کے باوجود ان کے درمیان شاذ و نادر ہی کوئی بامعنی بات چیت ہوئی۔
مزیدپڑھیں:تاریخی لارڈز کرکٹ گراؤنڈ سے ورلڈ ٹیسٹ چیمپئن شپ کے فائنل کی میزبانی واپس لے لی گئی
اس خاموشی کی وجہ کوئی تلخ جھگڑا یا بے وفائی نہیں تھی بلکہ شوہر اوکو کاتایاما نے اپنی اہلیہ سے بات کرنا اس لیے چھوڑ دیا تھا کیونکہ وہ بیوی کی بچوں پر زیادہ توجہ پر حسد محسوس کرتا تھا۔
میڈیا رپورٹس میں بتایا گیا کہ جب بیوی بات کرنے کی کوشش کرتی تو اوکو کاتا یاما عام طور پر صرف سر ہلا کر یا کوئی بے ساختہ جواب دیتا۔
اس صورتحال کو دیکھتے ہوئے جوڑے کے سب سے چھوٹے بیٹے نے ایک ٹیلی ویژن پروگرام کے دوران اپنے والدین کے درمیان صلح کروانے میں مدد کی درخواست کی، جس کے بعد شو کی انتظامیہ نے جوڑے کی ملاقات کا انتظام اسی پارک میں کیا جہاں ماضی میں پہلی بار ملے تھے، جبکہ ان کے تینوں بچے کچھ فاصلے سے یہ منظر دیکھ رہے تھے۔
ملاقات کے دوران شوہر نے خاموشی توڑتے ہوئے اپنی اہلیہ سے کہا کہ “ہماری بات چیت ہوئے خاصا عرصہ گزر چکا ہے، تم بچوں کے معاملے میں بہت فکرمند رہتی تھیں، اب تک تم نے بہت مشکلات برداشت کی ہیں اور میں ہر اس چیز کے لیے شکر گزار ہوں”۔
بھارت سے جنگ اور افغانستان میں کارروائی خارج ازامکان نہیں، وزیردفاع