موت کے 16 سال بعد بھی مقبولیت برقرار، مائیکل جیکسن سب سے زیادہ کمانے والے مرحوم موسیقار قرار
اشاعت کی تاریخ: 6th, November 2025 GMT
عالمی شہرت یافتہ امریکی گلوکار مائیکل جیکسن نے ایک بار پھر ’سب سے زیادہ کمانے والے مرحوم موسیقاروں‘ کی فہرست میں پہلی پوزیشن حاصل کر لی ہے۔
یہ گزشتہ 16 برسوں میں 13واں موقع ہے جب جیکسن نے یہ اعزاز حاصل کیا، جس سے یہ ثابت ہوتا ہے کہ موت کے بعد بھی ’کنگ آف پاپ‘ کی مقبولیت ہے۔
فوربز کی 25ویں سالانہ رپورٹ کے مطابق، 2025 کی فہرست میں موسیقاروں نے نمایاں برتری حاصل کی۔ سب سے زیادہ کمانے والی 13 مرحوم شخصیات میں سے 10 کا تعلق موسیقی سے ہے، جنہوں نے مجموعی طور پر 541 ملین ڈالر کمائے۔
یہ بھی پڑھیں: مائیکل جیکسن کی میلی جرابیں بھی نیلام ہوگئیں لیکن کتنے لاکھ میں؟
رپورٹ میں کہا گیا ہے کہ پاپ موسیقی کی عالمی مقبولیت اور فنکاروں کے کیٹلاگ سے حاصل ہونے والی رائلٹیز نے ان کی آمدنی میں کلیدی کردار ادا کیا ہے۔
فوربز کے مطابق، مائیکل جیکسن کے اسٹیٹ نے 2025 میں 105 ملین ڈالر کمائے۔ 2009 میں وفات کے بعد سے اب تک ان کے اسٹیٹ کی مجموعی آمدنی کا تخمینہ 3.
ایک ممتاز اسٹیٹ وکیل کے مطابق جب مرحوم شخصیات کی کمائی کا معاملہ آتا ہے تو ایک طرف مائیکل جیکسن ہیں، اور دوسری طرف باقی دنیا۔
یہ بھی پڑھیں: ’لوگ چاہتے ہیں بابر اعظم ڈانس کرے تو مائیکل جیکسن اورگانا گائے تو نور جہاں لگے‘
معروف گلوکار ایلوس پریسلے کا اسٹیٹ دوسرے نمبر پر ہے، جس کی مجموعی کمائی 1.2 ارب ڈالر ہے، اگرچہ پریسلی کو وفات پائے تین دہائیاں گزر چکی ہیں۔
مائیکل جیکسن نے اپنے پبلشنگ رائٹس اور ماسٹر ریکارڈنگز کی ملکیت رکھی، جن کا 50 فیصد حصہ گزشتہ سال 600 ملین ڈالر میں سونی کو فروخت کیا گیا۔ 1985 میں خریدی گئی ATV کیٹلاگ (جس میں جان لینن اور پال میک کارٹنی کے بیشتر ہٹ گانے شامل تھے) کو 2016 میں 750 ملین ڈالر میں سونی کو فروخت کیا گیا۔
ان کی فلم ‘This Is It’ (2009) نے 267 ملین ڈالر کمائے، جب کہ 2012 کا سرک دو سولیل شو 160 ملین ڈالر کے ساتھ اس سال کا سب سے زیادہ کامیاب کنسرٹ ثابت ہوا۔ 2022 میں براد وے پر شروع ہونے والا ‘MJ: The Musical’ دنیا بھر میں 300 ملین ڈالر سے زائد کی ٹکٹ فروخت کر چکا ہے۔
یہ بھی پڑھیں: پاپ گلوکار مائیکل جیکسن کے بڑے بھائی ٹیٹو جیکسن دل کا دورہ پڑنے سے چل بسے
اگرچہ مائیکل جیکسن سب سے آگے ہیں، مگر کئی اور لیجنڈری موسیقار بھی فہرست میں شامل ہیں۔ 2025 کے 10 سب سے زیادہ کمانے والے مرحوم موسیقاروں میں رچرڈ رائٹ (پنک فلوئڈ)، سڈ بیرٹ (پنک فلوئڈ)، دی نوٹوریئس بی آئی جی، مائلز ڈیوس، ایلوس پریسلے، جمی بفٹ، باب مارلے، جان لینن اور پرنس شامل ہیں۔
فوربز کے مطابق، اس فہرست سے یہ بات واضح ہے کہ موسیقی کی ملکیت اور حقوق کا تحفظ طویل المدتی مالی کامیابی کی ضمانت ہے۔ وہ فنکار جنہوں نے اپنی ماسٹر ریکارڈنگز، پبلشنگ رائٹس، اور لائسنسنگ معاہدے اپنے پاس رکھے، آج ان کے اسٹیٹس کے لیے اربوں ڈالر کا ذریعہ بن چکے ہیں۔
ماہرین کے مطابق، اگر موجودہ دور کے فنکار اپنے تخلیقی حقوق کی حفاظت کریں تو وہ اپنی زندگی کے بعد بھی مالی استحکام حاصل کر سکتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
فوربز رپورٹ مائیکل جیکسن
ذریعہ
ذریعہ: WE News
کلیدی لفظ: فوربز رپورٹ مائیکل جیکسن سب سے زیادہ کمانے والے مرحوم مائیکل جیکسن ملین ڈالر کے مطابق
پڑھیں:
ٹیسلا نے بچوں کے لیے نئی بیلنس بائیک متعارف کرا دی، قیمت کتنی ہے؟
اسلام آباد: معروف امریکی الیکٹرک گاڑیاں بنانے والی کمپنی ٹیسلا نے 2 سے 5 سال عمر کے بچوں کے لیے نئی بیلنس بائیک متعارف کرا دی ہے، جسے جدید ڈیزائن اور ہلکے وزن کے ساتھ تیار کیا گیا ہے۔
کمپنی کے مطابق یہ ٹیسلا بچوں کی بیلنس بائیک مضبوط مگر ہلکے میگنیشیم فریم پر مشتمل ہے، جبکہ اس میں بچوں کی سہولت کے لیے ایڈجسٹ ہونے والی نشست بھی دی گئی ہے۔ بائیک کے سائیڈ پر ٹیسلا کا نام اور سامنے نمایاں T لوگو بھی موجود ہے۔
یہ بائیک روایتی سائیکل سے مختلف ہے کیونکہ اس میں نہ پیڈل موجود ہیں، نہ موٹر اور نہ ہی بریک۔ بچے اپنے پیروں کی مدد سے اسے چلاتے ہیں، جس سے ان میں توازن برقرار رکھنے اور سائیکل چلانے کی بنیادی مہارت پیدا کرنے میں مدد ملتی ہے۔
کمپنی نے اس منفرد بائیک کی قیمت 225 امریکی ڈالر مقرر کی ہے، جو عام بیلنس بائیکس کے مقابلے میں زیادہ ہے، کیونکہ مارکیٹ میں ایسی بیشتر بائیکس تقریباً 100 ڈالر میں دستیاب ہوتی ہیں۔
قیمت نسبتاً زیادہ ہونے کے باوجود یہ بائیک فروخت کے آغاز کے فوراً بعد آؤٹ آف اسٹاک ہو گئی، جس سے صارفین کی غیر معمولی دلچسپی ظاہر ہوتی ہے۔
ٹیسلا کے مطابق نئی کھیپ کے لیے 31 جولائی سے پری آرڈر دوبارہ شروع کیے جائیں گے۔
کمپنی کا کہنا ہے کہ یہ بائیک 2 سے 5 سال عمر کے بچوں کے لیے موزوں ہے۔ اس کے استعمال کے لیے بچے کی ٹانگ کی کم از کم لمبائی 13.7 انچ (35 سینٹی میٹر) ہونی چاہیے، جبکہ تجویز کردہ زیادہ سے زیادہ وزن 30 کلوگرام اور قابل برداشت زیادہ سے زیادہ وزن 35 کلوگرام رکھا گیا ہے۔
ٹیسلا نے یہ بھی بتایا کہ بائیک کی اسمبلنگ کے لیے درکار تمام ضروری اوزار پیکج میں شامل ہوں گے، جبکہ صارفین کو مکمل ہدایات پر مشتمل استعمال کا کتابچہ بھی فراہم کیا جائے گا۔
ماہرین کے مطابق بچوں کی مصنوعات کی مارکیٹ میں ٹیسلا کی یہ نئی پیشکش کمپنی کی برانڈ توسیع کی حکمت عملی کا حصہ ہے، جس کے ذریعے وہ گاڑیوں کے علاوہ دیگر صارفین کی مصنوعات میں بھی اپنی موجودگی مضبوط بنا رہی ہے۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم