سندھ کے ضلع گھوٹکی میں 2 برادریوں میں خونی تصادم؛6افراد جاں بحق
اشاعت کی تاریخ: 6th, November 2025 GMT
data-id="863a0a8" data-element_type="widget" data-widget_type="theme-post-content.default">
گھوٹکی: صوبہ سندھ کے ضلع گھوٹکی میں دو برادریوں کے درمیان تصادم کے نتیجے میں 6افراد جاں بحق ہوگئے ۔
گھوٹکی کے علاقے رونتی میں دو برادریوں کے درمیان خونریز تصادم ہوا، جس کے نتیجے میں 6 افراد جاں بحق اور کئی زخمی ہوگئے۔ واقعہ ایک سال قبل کچے کے علاقے میں ہونے والے قتل کے بدلے میں پیش آیا۔
پولیس کے مطابق شر برادری کے درجنوں مسلح افراد نے سیلرو برادری کے گاؤں پر حملہ کردیا۔ دونوں گروہوں کے درمیان شدید فائرنگ کا تبادلہ کئی گھنٹے سے جاری ہے ۔ فائرنگ کے نتیجے میں تین افراد موقع پر ہی ہلاک ہوگئے جبکہ تین زخمی اسپتال میں دم توڑ گے۔ متعدد زخمیوں کو اسپتال منتقل کردیا گیا ہے۔
پولیس کا کہنا ہے کہ گزشتہ سال سیلرو گروپ کے افراد نے کچے کے ایک رہائشی کو قتل کیا تھا، جس کے بعد دونوں برادریوں کے درمیان کشیدگی جاری تھی۔ آج شر برادری کے مسلح افراد نے بدلہ لینے کے لیے سیلرو برادری کے گاؤں پر حملہ کردیا۔
ذریعہ: Jasarat News
کلیدی لفظ: کے درمیان برادری کے
پڑھیں:
مکران کوسٹل ہائی وے پر کوچ اور ایل پی جی ٹرک میں تصادم سے7 افراد جاں بحق
مکران کوسٹل ہائی وے پر کوچ اور ایل پی جی ٹرک میں تصادم سے 7 افراد جھلس کر جاں بحق ہوگئے۔ریسکیو حکام نے بتایا کہ مکران کوسٹل ہائی وے (قومی شاہراہ N-10) پر کنڈ ملیر کے قریب نلی اترائی کے مقام پر کوچ اور ایل پی جی گیس سے بھرے ٹرک میں خوفناک تصادم ہوا جس کے بعد آگ لگنے سے 7 افراد جاں بحق ہوئے۔ریسکیو حکام کے مطابق کوچ میں 5 اور ٹرک میں 2 افراد سوار تھے، حادثے کے بعد آگ لگنے سے کوچ اور ٹرک مکمل طور پر جل کر خاکستر ہوگئے۔ریسکیو حکام نے بتایا کہ جاں بحق ہونے والے تمام افراد کی لاشیں ایدھی ایمبولینس کے ذریعے کراچی سہراب گوٹھ ایدھی سردخانے منتقل کردی گئی ہیں۔ حکام کا کہنا ہے کہ حادثے کی وجوہات جاننے کے لیے تحقیقات شروع کردی ہیں۔
نیویارک میں طوفانی بارش سے ہلاکتیں