پاکستان سپر لیگ کی عالمی سطح پر گونج، بھارتی خود ساختہ برتری کا غرور ریزہ ریزہ ہوگیا
اشاعت کی تاریخ: 13th, December 2025 GMT
کھیل کے میدان میں بھی بھارت کے کھوکھلے دعوے پاکستان کی کامیابیوں تلے دب گئے، اور پاکستان سپر لیگ (پی ایس ایل) کی عالمی سطح پر گونج سنائی دے رہی ہے۔
کھیل کے میدان کو کرپشن کی بھینٹ چڑھا کر بھارت نے عالمی اداروں کا اعتماد کھو دیا، مئی 2025 میں بھارتی جارحیت کے باعث ٹورنامنٹ کی عارضی معطلی کے بعد دوسری بڑی گراؤٹ سامنے آئی ہے۔
مزید پڑھیں: پی ایس ایل، 2 نئی فرنچائزز کے لیے بنیادی قیمت کتنی مقرر کی گئی ہے؟
پاک بھارت کشیدگی کے باعث آئی پی ایل 2025 کی عارضی معطلی تاریخ کا سب سے بڑا دھچکا تھا۔
بھارتی جریدے اکنامک ٹائمز کے مطابق 2025 میں انڈین پریمیئر لیگ (آئی پی ایل) کی برانڈ ویلیو 20 فیصد کمی کے بعد پست ترین سطح پر پہنچ گئی۔
اکنامک ٹائمز کے مطابق علاقائی کشیدگی، میچز میں تعطل اور نیلامی سے جڑی بے یقینی آئی پی ایل کو بھاری پڑ گئی۔
بھارتی جریدے نے آئی پی ایل کے عارضی تعطل کو نشریاتی اعتماد، اشتہاری نمائش اور مجموعی تجارتی رفتار کے لیے شدید دھچکا قرار دیا۔
ڈی اینڈ پی ایڈوائزری کے مطابق آئی پی ایل ویلیو 2023 سے مسلسل گراؤٹ کا شکار ہے، بھارتی جریدے نے 10 میں سے 9 آئی پی ایل ٹیموں کی برانڈ ویلیو میں نمایاں کمی کا اعلان کر دیا۔
اکنامک ٹائمز کے مطابق چنئی، کولکتہ، حیدرآباد اور راجستھان سمیت بڑی فرنچائزز کو شدید مالی نقصان کا سامنا ہے۔
مزید پڑھیں: پی سی بی کا مظفرآباد میں پی ایس ایل میچز کرانے کا فیصلہ
دوسری جانب پاکستان سپر لیگ (پی ایس ایل) نے اپنی کارکردگی اور پیشہ ورانہ اقدامات سے دنیا بھر میں اپنا لوہا منوا کر بھارتی ڈھونگ خاک میں ملا دیا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بھارتی غرور پاکستان سپر لیگ پی ایس ایل کھوکھلے دعوے کھیل وی نیوز.
ذریعہ
ذریعہ: WE News
کلیدی لفظ: بھارتی غرور پاکستان سپر لیگ پی ایس ایل کھوکھلے دعوے کھیل وی نیوز پاکستان سپر لیگ پی ایس ایل آئی پی ایل کے مطابق
پڑھیں:
آئی ٹی برآمدات میں اضافہ حکومتی اقدامات اور پالیسیوں کا ثمر ہے، وزیراعظم شریف
تصویر سوشل میڈیا۔وزیراعظم شہباز شریف نے کہا ہے کہ آئی ٹی برآمدات میں نمایاں اضافہ حکومت کی ڈیجیٹل معیشت کی ترقی کے لیے اقدامات اور پالیسیوں کا ثمر ہے۔
وزیراعظم کی زیرِ صدارت آئی ٹی کے شعبے کی اسٹریٹیجک روڈ میپ پر پیش رفت کا جائزہ اجلاس ہوا۔
اس موقع پر وزیر اعظم نے کہا کہ ملک میں آئی ٹی کے شعبے کا فروغ اور آئی ٹی سے متعلق برآمدات میں اضافہ حکومت کی اولین ترجیحات میں شامل ہے۔
شہباز شریف نے ہدایت کی کہ آئی ٹی کے شعبے کے تربیتی کورسز کی معتبر تھرڈ پارٹی ویلیڈیشن یقینی بنائی جائے، آئی ٹی کے شعبے میں تربیت کے معیار پر کوئی سمجھوتہ نہیں ہوگا۔
اعلامیہ کے مطابق انہوں نے ملک بھر میں ڈیجیٹل انفرااسٹرکچر مزید بہتر بنانے کی ہدایت کی۔
اجلاس کو دی گئی بریفنگ میں بتایا گیا کہ موبائل اسپیکٹرم کی دستیابی جون 2025 میں 274 میگا ہرٹز سے بڑھ کر جون 2026 میں 880 میگا ہرٹز ہوگئی۔
وزیراعظم کو ’’کنیکٹ پاکستان وژن 2030‘‘ کے اجراء کی تیاریوں پر بھی بریفنگ دی گئی۔
اعلامیہ کے مطابق پاکستان میں اسمارٹ فون استعمال کرنے والوں کا تناسب 2024 میں 62 فیصد سے بڑھ کر جون 2026 میں 72 فیصد ہو گیا۔
بریفنگ کے مطابق جون 2026 تک 5.1 ملین گھروں میں فکسڈ براڈ بینڈ /فائبر کنکشن دیے گئے۔
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا