امریکا: آزاد گھوڑے کی بھاگ دوڑ، ایئرپورٹ حکام کی دوڑیں لگ گئیں
اشاعت کی تاریخ: 13th, December 2025 GMT
data-id="863a0a8" data-element_type="widget" data-widget_type="theme-post-content.default">
امریکا کے نیو یارک جے ایف کینیڈی ایئرپورٹ پر ایک غیر معمولی اور دلچسپ واقعے نے حکام کی دوڑیں لگوا دی ہیں، جب ایک اصطبل سے بھاگا ہوا گھوڑا ایئر پورٹ کے قریب پہنچ گیا۔
بین الاقوامی میڈیا رپورٹس کے مطابق نیو یارک اور نیو جرسی پورٹ اتھارٹی کے اہلکار، لیفٹننٹ لوئس کیلڈرون اور افسر نکولس ڈیلگاڈو اپنی ڈیوٹی انجام دے رہے تھے، جب انہیں اطلاع ملی کہ ایک گھوڑا ٹریفک کو چیرتا ہوا ایئر پورٹ کی جانب آ رہا ہے۔ ابتدائی رپورٹ کے مطابق گھوڑا سب سے پہلے ایئرپورٹ کی پراپرٹی سے گزرا اور پھر ایکسپریس وے کی جانب بھاگنے کی کوشش کی۔
افسر ڈیلگاڈو نے بتایا کہ شروع میں وہ صورتحال دیکھ کر کافی کنفیوژ تھے اور ابتدا میں انہیں لگا کہ کسی نے گھوڑے کی سواری کر رکھی ہے، لیکن جب گھوڑا ایئرپورٹ کے قریب پہنچا تو واضح ہو گیا کہ یہ بغیر زین کا آزاد گھوڑا ہے۔
ایئرپورٹ کے اہلکاروں نے گھوڑے کو قابو میں کرنے اور کنارے پر لے جانے کی کوشش کی، لیکن گھوڑا چالاکی سے بھاگنے میں کامیاب ہو گیا۔ تاہم بعد ازاں گھوڑے کو محفوظ طریقے سے اس کے اصل اصطبل تک واپس پہنچا دیا گیا، تاکہ کسی حادثے یا نقصان سے بچا جا سکے۔
یہ دلچسپ واقعہ ایئرپورٹ کے عملے کے لیے ایک ہلکی پھلکی چیلنج ثابت ہوا، اور سوشل میڈیا پر بھی صارفین کے درمیان وائرل ہوگیا، جہاں لوگ اس آزاد گھوڑے کی بہادری اور ایئرپورٹ حکام کی دوڑ بھاگ پر تبصرے کر رہے ہیں۔
ذریعہ
ذریعہ: Jasarat News
پڑھیں:
بجلی صارفین کے لیے ایک اور جھٹکا، فی یونٹ نرخ بڑھنے کا امکان
اسلام آباد: بجلی کی قیمت میں اضافہ ایک بار پھر زیر غور آ گیا ہے، کیونکہ اپریل 2026 کی ماہانہ فیول ایڈجسٹمنٹ کی مد میں بجلی ایک روپے 73 پیسے فی یونٹ مہنگی کرنے کی درخواست نیپرا میں جمع کرا دی گئی ہے۔
نیشنل الیکٹرک پاور ریگولیٹری اتھارٹی (نیپرا) میں ہونے والی سماعت کے دوران سینٹرل پاور پرچیزنگ ایجنسی (سی پی پی اے) کے حکام نے بتایا کہ اپریل کے دوران خطے میں جاری کشیدگی اور جنگی صورتحال کے باعث توانائی کے شعبے کو متعدد چیلنجز کا سامنا رہا، جس کے اثرات بجلی کی پیداوار پر بھی مرتب ہوئے۔
سی پی پی اے کے مطابق اپریل میں درآمدی ایل این جی کی دستیابی نہ ہونے کے برابر تھی، تاہم مئی کے آغاز میں ایل این جی کے معاہدہ شدہ اور اسپاٹ کارگوز موصول ہونے کے بعد ایل این جی سے چلنے والے بجلی گھروں کو دوبارہ فعال کیا گیا، جس سے نظام میں بہتری آئی۔
حکام نے نیپرا کو آگاہ کیا کہ صنعتی شعبے کے علاوہ تقریباً تمام صارفین کی کیٹیگریز میں بجلی کی کھپت میں کمی ریکارڈ کی گئی۔ اس کے ساتھ آئندہ دو ماہ کے لیے ایل این جی کی یومیہ بنیادوں پر منصوبہ بندی مکمل کر لی گئی ہے تاکہ ایندھن کی فراہمی اور بجلی کی پیداوار میں کسی قسم کی رکاوٹ پیدا نہ ہو۔
سی پی پی اے حکام کا کہنا ہے کہ اگرچہ بجلی کی قیمت میں اضافہ تجویز کیا گیا ہے، تاہم مئی، جون اور جولائی کی فیول ایڈجسٹمنٹ میں صارفین کو بڑے اضافی بوجھ کا سامنا نہیں کرنا پڑے گا کیونکہ ضروری انتظامات اور ایندھن کی دستیابی کو یقینی بنایا جا چکا ہے۔
اب نیپرا درخواست پر تمام فریقین کا مؤقف سننے کے بعد حتمی فیصلہ جاری کرے گا، جس کے بعد یہ طے ہوگا کہ صارفین کو بجلی کے بلوں میں کتنا اضافی بوجھ برداشت کرنا پڑے گا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ