ایسا لگتا ہے کرم ایجنسی ملک کا حصہ نہیں فلسطین غزہ بن گیا ہے، علامہ راجہ ناصر عباس جعفری
اشاعت کی تاریخ: 9th, January 2025 GMT
پاک محرم ہال کراچی میں پریس کانفرنس سے خطاب کرتے ہوئے چیئرمین ایم ڈبلیو ایم پاکستان کا کہنا تھا کہ معاہدے ہونے کے باوجود ضلع کرم بگن میں سرکاری اہلکاروں پر دہشتگردانہ حملے ڈی سی کرم اور ایف سی اہلکاروں پر فائرنگ کی مذمت کرتے ہیں، گھات لگا کر حملہ کرنے والے دہشتگردوں نے یہ ثابت کیا ہے کہ وہ علاقے میں امن کے خواہاں نہیں ہیں۔ اسلام ٹائمز۔ پاراچنار غزہ کا منظر پیش کررہا ہے، حکمران کی عدم توجہی نے کرم ایجنسی پاراچنار کے مسئلے کو سنگین بنا دیا ہے، مسلمان وہ ہوتا ہے جو ظلم دیکھ کر تڑپ اٹھے، پاراچنار کے عوام خوراک اور دیگر ضروری سہولتوں کی کمی کے باعث شدید مشکلات کا شکار ہیں، محاصرے میں ادوات کی کمی 130 سے زائد معصوم بچوں کی شہادتیں ہوچکی ہیں اور زندگی مفلوج ہوگئی ہے، پارہ چنار کی مظلوم عوام سے اظہار یکجہتی کے لیے دیئے گئے دھرنوں پر کراچی میں ریاستی شدید کی مذمت کرتے ہیں، اپنے آپ کو جمہوریت کی علمبردار کہنے والی پیپلز پارٹی کی حقیقت قوم کے سامنے ہے، نہتے شہریوں پر دھاوا بول کر سندھ حکومت نے اپنے قائد ذوالفقار علی بھٹو کی جمہوری فکر و اقدار کو پامال کیا ہے۔ ان خیالات کا اظہار مجلس وحدت مسلمین پاکستان کے سربراہ سینیٹر علامہ راجہ ناصر عباس جعفری نے پاک محرم ہال پریس کانفرنس سے خطاب کرتے ہوئے کیا۔ اس موقع پر علامہ حسن ظفر نقوی، علامہ باقر عباس زیدی، علامہ صادق جعفری، علامہ مختار امامی، علامہ مبشر حسن، مولانا اسحاق قرایتی، علامہ ملک غلام عباس، ناصر الحسینی سمیت دیگر موجود تھے۔
علامہ راجہ ناصر عباس جعفری کا کہنا تھا کہ پاراچنار کے حالات دانستہ طور پر کشیدہ کئے جارہے ہیں، ایسا لگتا ہے کہ کرم ایجنسی ملک کا حصہ نہیں فلسطین غزہ بن گیا ہے، لاکھوں کی آبادی محصور انسانی زندگیوں کو شدید خطرات لاحق ہیں، ادویات اور اشیاء خوردونوش کی کمی کی وجہ سے انسانی جانوں کا ضائع ہورہا ہے، محاصرے میں ادوات کی کمی 130 سے زائد معصوم بچوں کی شہادتیں ہوچکی ہیں اور زندگی مفلوج ہوگئی ہے، ضلع کرم میں شیعہ و سنی عوام کبھی بھی لڑائی نہیں چاہتے، پاراچنار میں دونوں فریقین کی رضامندی سے امن معاہدہ ہوچکا ہے، معاہدے پر عمل درآمد کی ذمہ داری اب حکومت پر عائد ہوتی ہے، کرم میں مستقل امن کے لئے تمام وسائل کو بروئے کار لانا ہوگا، جن افراد نے کرم کے امن کو سبوتاژ کرنے کی کوشش کی ہیں انکے خلاف سخت کاروائی عمل میں لائی جائے، ٹل پاراچنار روڈ کو مختلف بہانوں سے بند کرنے کی سازش ہورہی ہیں۔
چیئرمین ایم ڈبلیو ایم پاکستان کا کہنا تھا کہ معاہدے ہونے کے باوجود ضلع کرم بگن میں سرکاری اہلکاروں پر دہشتگردانہ حملے ڈی سی کرم اور ایف سی اہلکاروں پر فائرنگ کی مذمت کرتے ہیں، گھات لگا کر حملہ کرنے والے دہشتگردوں نے یہ ثابت کیا ہے کہ وہ علاقے میں امن کے خواہاں نہیں ہیں، ضلع کرم کی عوام سے اپیل ہے کہ امن کے راستے میں رکاوٹیں پیدا کرنے والے عناصر کا سماجی بائیکاٹ کریں، عوام ان فتنہ انگیز عناصر کو بے نقاب کریں جو وطن عزیز کا امن تباہ کرنے کے درپے ہیں، بحیثیت مسلمان ظلم کہیں بھی ہو اس کیخلاف آواز بلند کرنا فرض ہے، پر امن احتجاج ہمارا آئینی و قانونی حق ہے، پاراچنار کی عوام سے اظہار یکجہتی کیلئے دیئے جانے والے اندرون و بیرون ملک دھرنے کے شرکاء کو خراج تحسین پیش کرتا ہوں، گلگت بلتستان میں سخت ترین موسم میں بھی دھرنے ہوئے، پورے ملک میں جاری دھرنے کے شرکاء سڑک کا ایک سائٹ لوگوں کیلئے کھلی رکھیں۔
علامہ راجہ ناصر عباس جعفری کا کہنا تھا کہ پیپلز پارٹی کی حکومت کیلئے لمحہ فکریہ ہونا چاہیئے کہ انہوں نے مظلوموں کا خون بہایا ہے، پیپلز پارٹی کو اس فسطائیت اور غیر قانونی فیصلوں کی سیاسی قیمت چکانی پڑے گی، پیپلز پارٹی نے دھرنے کے پرامن شہریوں پر تشدد کرکے اپنی آمرانہ سوچ کی عکاسی کی ہے، پی پی لیڈر شپ ماضی میں جھانک لے کہ عام عوام پر تحکمانہ اور آمرانہ انداز حکومت کس کا وطیرہ رہا ہے، پیپلز پارٹی کی حکومت کیلئے لمحہ فکریہ ہونا چاہیئے کہ انہوں نے مظلوموں کا خون بہایا ہے جس کا انہیں عوام کو جواب دینا ہوگا، بلاول بھٹو سندھ میں ہونے والی بربریت کا نوٹس لیں اور واقعات کی تحقیقات کرائیں، کرا چی پر امن احتجاجی دھرنوں میں بنائے گئے مقدمات واپس لئے جائیں اور بے گناہ افراد کو رہا کیا جائے، پاراچنار میں جاری دھرنے میں شریک محب وطن پاکستانیوں کے صبر، حوصلے، بہادری کو سلام پیش کرتا ہوں، میں انسانی حقوق کی تنظیموں اور میڈیا کا شکریہ ادا کرتا ہوں۔
ذریعہ: Islam Times
کلیدی لفظ: علامہ راجہ ناصر عباس جعفری اہلکاروں پر کی کمی امن کے
پڑھیں:
عمران خان ہی پارٹی کے قائد ہیں، شاہ محمود کی سربراہی کی خبریں بے بنیاد ہیں: سلمان اکرم راجہ
پاکستان تحریک انصاف کے سیکریٹری جنرل سلمان اکرم راجہ نے واضح کیا ہے کہ شاہ محمود قریشی کو پارٹی قیادت سونپنے کی خبریں درست نہیں، پارٹی کے سربراہ بدستور عمران خان ہی ہیں۔
یہ بھی پرھیں:9 مئی مقدمات میں بری ہونے کے باوجود شاہ محمود قریشی کی جلد رہائی ممکن نہیں، رہنما پی ٹی آئی سلمان اکرم راجہ
اڈیالہ جیل کے باہر میڈیا سے گفتگو کرتے ہوئے سلمان اکرم راجہ نے کہا کہ آج توشہ خانہ ٹو کیس کی سماعت ہے، ہم صبح 10 بجے جیل پہنچے لیکن ابھی تک ہمیں اندر جانے کی اجازت نہیں دی گئی۔
ان کے مطابق اسلام آباد ہائی کورٹ کا واضح حکم ہے کہ وکلا اور اہل خانہ کو سماعت میں شامل ہونے دیا جائے، لیکن اس کے برعکس وکلا کو باہر بٹھا کر آئینی تقاضوں کی خلاف ورزی کی جا رہی ہے۔
سلمان اکرم نے بند کمرے میں ٹرائل کو آئین و قانون کے منافی قرار دیتے ہوئے کہا کہ ایسے ٹرائل کو کالعدم قرار دیا جانا چاہیے۔
یہ بھی پڑھیں:مرزا آفریدی سمیت سینیٹ امیداواروں کی فہرست عمران خان نے ہی دی، سلمان اکرم راجہ کی تصدیق
انہوں نے بتایا کہ شاہ محمود قریشی کے خلاف اس وقت 8 سے 9 مقدمات زیر سماعت ہیں جبکہ وہ مزید 8 مقدمات میں گرفتار ہیں۔
انہوں نے واضح کیا کہ تحریک انصاف کے لیڈر عمران خان ہی ہیں اور شاہ محمود قریشی کی قیادت سنبھالنے کی خبریں بے بنیاد اور مفروضوں پر مبنی ہیں، البتہ ان کا عہدہ برقرار ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی ٹی آئی سلمان اکرم راجہ شاہ محمود عمران خان
یرغمالیوں کی رہائی اور غزہ جنگ بندی کے لیے حالات سازگار ہیں: اسرائیلی آرمی چیف