بیداری مارچ کیلیے سندھ کی عوام باہر نکلے، صفدر عباسی
اشاعت کی تاریخ: 10th, January 2025 GMT
میرپورخاص (نمائندہ جسارت) گرینڈ ڈیمو کریٹک الائنس کے جنرل سیکرٹری صفدر عباسی نے کہا ہے کہ دریائے سندھ سے نکالے جانے والی کینالوں کے تمام عمل میں پیپلز پارٹی ملوث ہے، صدر زرداری کی جانب سے منظوری پر دستخط کے بعد معصوم بننے کی کوشش کی جا رہی ہے۔ ان خیالات کا اظہار انہوں نے دیگر جماعتوں کے رہنماؤں کے ساتھ راجہ ہاؤس میں پریس کانفرنس کرتے ہوئے کیا۔ صفدر عباسی کا کہنا تھا کہ پیپلز پارٹی سندھ کو بنجر کرکے سندھ کی معیشت، زراعت کو تباہی کرنا چاہ رہی ہے جس سے نا صرف زراعت تباہ ہوگی بلکہ شہری علاقوں میں پانی سپلائی میں بھی کٹ لگ جائے گا۔ انہوں نے کہا کہ کل سے بیداری مارچ شروع ہو رہا ہے، سندھ کی عوام کو باہر نکلنا ہوگا کیونکہ یہ اینٹی پاکستان اور اینٹی سندھ عمل ہے جس سے صوبوں میں نااتفاقی بڑھے گی۔ آج پاکستان میں سیاسی عدم استحکام کی وجہ سے ملک مکمل طور پر مفلوج ہوگیا ہے، حکمران قرض پر قرض لے کر عوام پر بوجھ ڈال رہے ہیں، 2024 کے بوگس انتخابات کے بعد سمجھ نہیں آرہی کہ ملک میں مارشل لاء لگا ہوا ہے یا ہائبرڈ نظام ہے۔ ایک سوال کے جواب میں ان کا کہنا تھا کہ 26 ویں آئینی ترمیم کے بعد نظام مکمل طور پر مفلوج ہو چکا، عدلیہ مکمل طور پر کمزور ہوچکی ہے، آئین کے اندر مرضی کا آئین بنایا گیا ہے۔
.ذریعہ: Jasarat News
پڑھیں:
پیپلز پارٹی ڈاکوئوں کی سرپرستی بند کر ے، جئے قومی محاذ
data-id="863a0a8" data-element_type="widget" data-widget_type="theme-post-content.default">
ٹنڈوجام(نمائندہ جسارت)جئے سندھ قومی محاز کے صنعان قریشی نے کہا ہے کہ سندھ کے اوپر ڈاکووں راج قائم ہے اور پیپلزپارٹی ان کی سرپرستی جب تک ختم نہیں کرے گی غریب عوام کے گھر اسی طرح اُجاڑتے رہیں گے عوام کو ظلم کے نظام کے خلاف متحد ہونا پڑے گا پیپلزپارٹی نے سندھ کو نا قابل تلافی نقصان پہنچایا ہے تفصیلات کے مطابق یہ بات انھوں نے میر کالونی ٹنڈوجام میں واجد ویسر کی ڈاکووں ہاتھوں شہادت کے بعد ان کے لواحقین سے اظہار تعزیت کرتے ہوئے کہی انھوں نے کہا کہ پہلے تو صرف کچے کے ڈاکووں مشہور تھے لیکن اب پورے سندھ میں لوٹ مار کا سلسلہ جاری جہاں اور جب چاہیے ڈاکووں اپنی کاروائی کرتے ہیں انھوں نے کہا یہ بات اب کسی سے چھپی ہوئی نہیں یہ سب کچھ پیپلزپارٹی کی سرپرستی میں ہورہا ہے واجد ویسر کو اغواء کرکے بے دردی سے قتل کر دیا جاتا ہے چار ماہ گزر گئے پولیس نے کیا کاروائی مجرم کیوں نہیں پکڑے گئے جب عوام کو پولیس جانی مالی تحفظ فراہم نہیں کر سکتی تو پھر اس کا فائدہ کیا ہے انھوں نے کہا سندھ کے اوپر پیپلزپارٹی کی سرپرستی میں ڈاکو راج قائم ہیں جب تک عوام ان کے خلاف متحد ہو کر ظلم آواز نہیں اُٹھائے گی یہ ظلم کا نظام قائم رہے گا اور اسی طرح غریب سندھی عوام کے گھر اُجڑ تے رہیں گے انھوں نے کہا جب پورے ملک سے افغان مہاجرین کو ان کے ملک بھیجا جارہا ہے پھر سندھ سے انھیں کیوں نہیں بھیجا جارہا انھوں نے کہا ٹنڈوجام میں ایک بڑی تعداد ان کی موجود ہے انھیں واپس بھیجا جائے اگر سندھ سے ان لوگوں کو نہیں بھیجا جائے گا تو ابھی تو وہ صرف احتجاجی مظاہرے کرکے اس جانب حکومت کی توجہ دلا رہے ہیں اگر حکمران ان کے سرپرست بنے رہے تو پھر ان کے سندھ سے انخلا کے لیے بھرپور تحریک چلائی جائے گی ۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف