قومی ایئر لائن کا یورپ کے لیے فلائٹ آپریشن دوبارہ شروع
اشاعت کی تاریخ: 10th, January 2025 GMT
ساڑھے چار سال کے طویل وقفے کے بعد قومی ایئر لائن (پی آئی اے) نے یورپ کے لیے فلائٹ آپریشن دوبارہ بحال کر دیا ہے۔ پہلی پرواز پی کے 749 نے پیرس کے لیے روانگی اختیار کی، جس میں 323 مسافر سوار تھے۔ یہ بحالی اوورسیز پاکستانیوں کے لیے بڑی خوش خبری ہے۔
فلائٹ آپریشن کی بحالی کی تقریب سے خطاب کرتے ہوئے وزیر دفاع خواجہ آصف نے کہا کہ پی آئی اے کے منافع بخش روٹس بند ہونے سے قومی ایئر لائن کو شدید نقصان پہنچا۔ انہوں نے اس موقع پر نجکاری کی ضرورت پر زور دیا تاکہ ایئر لائن کی کارکردگی کو بہتر بنایا جا سکے۔
وزیر دفاع نے کہا کہ قومی ایئر لائن ہمیشہ پاکستانی عوام کی پہچان رہی ہے، لیکن فلائٹ آپریشن بند ہونے سے ہم اپنی اس شناخت سے محروم ہو گئے تھے۔ تاہم، پیرس جانے والی پرواز کی 100 فیصد بکنگ سے عوام کا اعتماد واضح طور پر نظر آتا ہے۔
خواجہ آصف نے بتایا کہ ماضی میں پی آئی اے پاکستانیوں کی میتیں بغیر کسی چارجز کے پاکستان لاتی تھی، لیکن فلائٹ آپریشن بند ہونے کی وجہ سے اوورسیز پاکستانی اس سہولت سے محروم ہو گئے تھے۔ انہوں نے کہا کہ یورپ کی فضاؤں میں ایک بار پھر سبز ہلالی پرچم لہرانا باعث فخر ہے۔
وزیر دفاع نے اس موقع پر قومی ایئر لائن کو نقصان پہنچانے والے غیر ذمہ دارانہ بیانات کی مذمت کی اور کہا کہ ایسے افراد کے خلاف کارروائی ہونی چاہیے تاکہ دوبارہ ایسی صورتحال پیدا نہ ہو۔
پی آئی اے نے پورے یورپ کے لیے فلائٹ آپریشن مکمل طور پر بحال کر دیا ہے۔ اس اقدام سے نہ صرف پاکستان کی معیشت کو فائدہ ہوگا بلکہ اوورسیز پاکستانیوں کو بہتر سفری سہولتیں بھی فراہم ہوں گی۔
.ذریعہ: Jasarat News
کلیدی لفظ: قومی ایئر لائن فلائٹ آپریشن پی آئی اے کے لیے کہا کہ
پڑھیں:
کراچی کے منصوبے شروع ہو جاتے‘ مکمل ہونے کا نام نہیں لیتے: حافظ نعیم
کراچی (نوائے وقت رپورٹ) امیرجماعت اسلامی پاکستان حافظ نعیم الرحمن نے کہا ہے کہ ہمارے 9 ٹاؤنز چیئرمینوں کی کارکردگی قابض میئر کی کارکردگی کے مقابلے میں کہیں زیادہ بہتر ہے، ہم تو چاہتے ہیں کہ تعلیم،صحت، عوامی خدمت اور تعمیر وترقی میں مقابلہ ہو لیکن پیپلزپارٹی کا ان کاموں سے کوئی تعلق نہیں، اختیارات و وسائل کی کمی کے باوجود ہمارے تمام ٹاؤنز میں تعمیر وترقی کا سفر شروع ہو چکا ہے۔ ہمارا عزم ہے کہ اختیارات سے بڑھ کر عوامی خدمت کا عمل جاری رکھیں گے۔ پیپلزپارٹی رکاوٹیں ڈالنے کے بجائے ٹاؤن، یوسیز کو فنڈز دے۔ فارم 47 والی حکومت اور قبضہ میئر شپ کو تسلیم نہیں کرتے، کراچی کے ترقیاتی منصوبے تو شروع ہو جاتے ہیں لیکن مکمل ہونے کا نام نہیں لیتے، کراچی کو لوٹنے و تباہ و برباد کرنے والا وڈیرہ شاہی مائنڈ سیٹ اب مزید نہیں چلے گا۔ سسٹم کو اب خیرباد کہنے کا وقت آگیا ہے۔ ان خیالات کا اظہار انہوں نے ٹی ایم سی نارتھ ناظم آباد کے تحت پارک بارہ دری بلاک Aمیں نارتھ ناظم آباد کے عوام کے لیے تکمیل شدہ اور آئندہ کے ترقیاتی منصوبوں کے حوالے سے منعقدہ تقریب و پریس بریفنگ اور ٹی ایم سی نیو کراچی کے تحت پاور ہاؤس چورنگی سے نیو کراچی نمبر 3 تک نئی تعمیر شدہ سڑک کے افتتاح کے موقع پر خطاب کرتے ہوئے کیا۔ حافظ نعیم الرحمن نے نارتھ ناظم آباد ٹاؤن کے آئندہ کے منصوبوں کے حوالے سے تختی کی نقاب کشائی بھی کی اور نیو کراچی میں معروف نعت گو شاعر اعجاز رحمانی کے نام سے منسوب سڑکوں کا افتتاح کیا۔
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ