محکمہ آبپاشی کے افسران کے خلاف تحقیقات،انجینئر نعیم میمن نیب میں طلب
اشاعت کی تاریخ: 12th, January 2025 GMT
نیب نے محکمہ آبپاشی کے انجینئر نعیم میمن کے خلاف تحقیقات شروع کردی جس کے لیے سیکریٹری آبپاشی سندھ کو خط لکھ دیا گیاجس میں انجینئر نعیم میمن کو چودہ جنوری کو طلب کرتے ہوئے کہا گیا ہے کہ اُن کے خلاف ایک کمبائنڈ انوسٹی گیشن ٹیم تشکیل دی گئی ہے، نعیم میمن جمڑاؤ ، مٹھڑاؤ تھر ڈویژن میرپورخاص میں مالی بے قاعدگی میں ملوث ہیں، نعیم میمن کا سروس پروفائل دیں جس میں تقرریوں کی تفصیلات ہو ،پرسنل فائل دیں۔ جس میں سالانہ اثاثے ڈکلیئر کرنے کی تفصیلات شامل ہو۔میرپورخاص ڈویژن میں پانچ سال میں جتنے بھی افسر تعینات ہوئے ہیں ان کی تفصیلات دیں۔تحقیقات میں تعاون نہ کرنے کا مطلب جان بوجھ کر رکاوٹیں ڈالنے کے مترادف ہوگا۔ تحقیقات میں رکاوٹ ڈالنے کی قانون میں دس سال سزا مقرر ہے۔
.ذریعہ: Juraat
پڑھیں:
صبا قمر کا صحافی نعیم حنیف کے خلاف قانونی کارروائی کا اعلان
پاکستان کی معروف اداکارہ صبا قمر دو دہائیوں سے شوبز انڈسٹری کا اہم حصہ ہیں، انہوں نے صحافی نعیم حنیف کے سنگین الزامات کے خلاف قانونی چارہ جوئی کا فیصلہ کر لیا۔
صبا قمر ان دنوں اپنے دو ڈراموں پامال اور کیس نمبر 9 کی وجہ سے خبروں میں ہیں، جبکہ ان کے کراچی سے متعلق حالیہ بیان نے بھی سوشل میڈیا پر خاصی بحث چھیڑ دی تھی، اسی تناظر میں صحافی نعیم حنیف نے صبا قمر کے ماضی سے متعلق متنازع دعوے کیے۔
نعیم حنیف اکثر فنکاروں کے بارے میں پسِ پردہ خبریں دیتے نظر آتے ہیں، انہوں نے الزام عائد کیا کہ صبا قمر 04-2003 میں لاہور میں ایک ایسے شخص کے گھر میں رہتی تھیں جس سے ان کا تعلق تھا، لیکن شادی نہ ہونے پر وہ شخص انہیں ہراساں کرنے لگا۔
صبا قمر نے ان الزامات کو بےبنیاد اور توہین آمیز قرار دیتے ہوئے اعلان کیا کہ وہ اس معاملے پر قانونی کارروائی کریں گی۔
سوشل میڈیا پر بھی صارفین نے اس تنازعے پر شدید ردِعمل دیا ہے، ایک صارف نے لکھا، ’صرف صبا کا نام کیوں لیا، اس شخص کا نام کیوں نہیں بتایا؟‘ جبکہ ایک اور نے کہا، ’اچھا کیا صبا نے ایسے لوگوں کو عدالت تک لے جانا چاہیے۔‘
اداکارہ کے اس اقدام کو مداحوں اور شوبز شخصیات کی جانب سے حوصل مند اور مثبت قدم قرار دیا جا رہا ہے۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف