میہڑ کی عوام نے ارسا ایکٹ کو مسترد کردیاہے ،عوامی جمہوری پارٹی
اشاعت کی تاریخ: 13th, January 2025 GMT
میہڑ (نمائندہ جسارت)دریائے سندھ سے کینال نکالنے اور زمینوں کی نیلامی کے فیصلے کو میہڑ کی عوام نے مسترد کردیا عوامی جمہوری پارٹی کی جانب سے کینال نکالنے اور زمینوں کی نیلامی کے خلاف رادھن اسٹاپ سے پانچ کلومیٹر تک پیدل مارچ کیا گیا۔ مارچ کی قیادت مرکزی جنرل سیکرٹری سید لعل شاہ ایڈووکیٹ، ضلع صدر ایڈووکیٹ سعید پنور، منظور مہیسڑ، اقرار چانڈیو ایڈووکیٹ، لیاقت علی ملک، سینگار چانڈیو اور بصیر گورڑ سمیت دیگر رہنماؤں نے کی۔ ریلی میں سیاسی و سماجی تنظیموں کے رہنما، صحافی، وکلا، سول سوسائٹی کے نمائندے، شہری اتحاد کے چیئرمین نیاز علی برڑو، ایس یو پی ضلع صدر سکندر سوڈھر، پی ٹی آئی تعلقہ صدر محمد ایوب کھوسو، عوامی پورہیت تحریک کے رہنما ایڈووکیٹ پنھل کھوسو، مہیڑ فورم کے رہنما ایڈووکیٹ ذوالفقار کھوکھر، علی رضا بروہی، میر شکیل، میر عمران تیونو ، ایڈووکیٹ رضوان حیدر تنیو ، ایڈووکیٹ رحیم بخش بگھیو، اسحاق احمد گاڈھی سمیت سیکڑوں شہریوں نے مارچ میں شرکت کی۔ریلی کے شرکا نے مختلف راستوں سے ہوتے ہوئے کینال نکالنے اور زمینوں کی نیلامی کے خلاف زور دار نعرے بازی کی۔ شہر کے مختلف چوراہوں پر شرکا پر گل نچھاور کیے گئے ریلی گھنٹہ گھر چوک اور نیشنل پریس کلب میھڑ پہنچ کر ایک بڑے عوامی اجتماع میں تبدیل ہوگئی۔ اس موقع پر خطاب کرتے ہوئے عوامی جمہوری پارٹی کے مرکزی جنرل سیکرٹری سید لعل شاہ نے کہا کہ پیپلز پارٹی نے دوہری پالیسی اختیار کی ہوئی ہے اور کینال نکالنے میں شریک جرم ہے۔ سندھ کے لوگ دریائے سندھ کے وارث ہیں، لیکن ان سے زندگی چھینی جا رہی ہے۔ کینال نکالنے سے سندھ بنجر ہو جائے گا اور زرداری ٹولہ زمینوں کو فروخت کر رہا ہے۔نیاز علی برڑو نے کہا کہ پیپلز پارٹی سندھ کے لوگوں سے ووٹ لے کر ان کے ساتھ دھوکہ کر رہی ہے۔ اقتدار کی خاطر پانی اور زمینیں فروخت کرکے بلاول بھٹو کو وزیراعظم بنانا چاہتی ہے، لیکن ہم سندھ کے پانی اور زمینوں پر قبضہ نہیں ہونے دیں گے۔ریلی کو محمد ایوب کھوسو، علی رضا بروہی، سعید پنور، پنھل کھوسو، ذوالفقار کھوکھر، منظور مہیسر اور دیگر رہنماؤں نے بھی خطاب کیا۔شرکا نے حکومت سے مطالبہ کیا کہ دریائے سندھ سے کینال نکالنے کے فیصلے کو واپس لیا جائے اور زمینوں کی نیلامی بند کی جائے۔
.ذریعہ: Jasarat News
کلیدی لفظ: کینال نکالنے سندھ کے
پڑھیں:
گلگت بلتستان کے مسائل کے حل کیلئے ایوان صدر میں اہم اجلاس طلب
پپیلزپارٹی کے صوبائی قائدین سے ملاقات میں گفتگو کرتے ہوئے صدر زرداری نے کہا کہ گلگت بلتستان میں سیاحت اور بجلی پیداوار کے بڑے وسائل موجود ہیں، گلگت بلتستان میں سیاحت اور بجلی کی پیداوار کے لئے خصوصی اقدامات اٹھائیں گے جس نے نہ صرف علاقے میں تعمیر و ترقی ہوگی بلکہ نوجوان کو روزگار کے وسیع مواقع فراہم ہونگے۔ اسلام ٹائمز۔ صدرِ مملکت آصف علی زرداری سے پیپلز پارٹی گلگت بلتستان کے صوبائی صدر امجد حسین ایڈووکیٹ کی قیادت میں پیپلز پارٹی گلگت بلتستان کے صوبائی قائدین، سابقہ و متوقع ٹکٹ ہولڈرز، ڈویژنل، صوبائی اور ضلعی تنظیموں کے صدور کی گلگت میں اہم ملاقات ہوئی۔ ملاقات میں صدرِ مملکت آصف علی زرداری نے گلگت بلتستان کے اہم مسائل کے حل کے لئے ایوانِ صدر میں اہم اجلاس طلب کر لیا۔ پیپلزپارٹی کی جانب سے جاری بیان کے مطابق اس موقع پر انہوں نے کہا کہ گلگت بلتستان میں سیاحت اور بجلی پیداوار کے بڑے وسائل موجود ہیں، گلگت بلتستان میں سیاحت اور بجلی کی پیداوار کے لئے خصوصی اقدامات اٹھائیں گے جس نے نہ صرف علاقے میں تعمیر و ترقی ہوگی بلکہ نوجوان کو روزگار کے وسیع مواقع فراہم ہونگے۔ گلگت بلتستان کے لئے خصوصی ائر لائن ہونی چاہئے تاکہ سیاحت کو فروغ اور یہاں کے عوام کو سفری سہولیات میسر آسکیں۔ انہوں نے اس حوالے سے عملی اقدامات کی یقین دہانی کروائی۔
صدر مملکت نے مزید کہا کہ پاکستان پیپلز پارٹی گلگت بلتستان کے عوام کی تقدیر بدلنے کے لئے پر عزم ہے جس کے لئے بتدریج عملی اقدامات کئے ہیں۔ ذوالفقار علی بھٹو شہید اور محترمہ بینظیر بھٹو شہید نے گلگت بلتستان کے لئے اس وقت انقلابی اقدامات کئے جب اس علاقے میں بنیادی سہولیات تک میسر نہیں تھیں۔ پھر 2009ء میں پیپلز پارٹی نے گلگت بلتستان کو شناخت دی اور نیم آئینی اختیارات تفویض کئے جس کے نتیجے میں آج گلگت بلتستان کے عوام اپنے نمائندوں کا انتخاب اپنی مرضی سے کرتے ہیں اور اپنے مسائل کے حل کے لئے اسمبلی میں قانون سازی کرتے ہیں۔ صدرِ مملکت نے مزید کہا کہ پیپلز پارٹی گلگت بلتستان سے غربت کے خاتمے اور روزگار کی فراہمی کے لئے خصوصی اقدامات اٹھائے گی۔ یہ علاقہ معدنی اور قدرتی وسائل سے مالامال ہے تعمیر و ترقی و خوشحالی گلگت بلتستان کے عوام کا بنیادی حق ہے یہاں کے عوام کو یہ حق دیا جائے گا۔ گلگت بلتستان کے غیور عوام نے خود آزادی حاصل کی ہے اور یہ پاکستان کے وفادار لوگ ہیں۔ انہوں نے گلگت بلتستان کے عوام کو یوم آزادی کے موقع پر مبارکباد بھی پیش کی۔
اشتہار