کراچی، 100 سے زائد ہندو جوڑوں کی اجتماعی شادی کی یادگار تقریب
اشاعت کی تاریخ: 13th, January 2025 GMT
کراچی کے ریلوے گراؤنڈ میں 105 ہندو جوڑوں کی اجتماعی شادی کی تقریب کا انعقاد کیا گیا۔
پاکستان ہندو کونسل کے زیرِ اہتمام کراچی کے ریلوے گراؤنڈ میں 105 ہندو جوڑوں کی اجتماعی شادی کے لیے خوبصورت تقریب کا انعقاد کیا گیا۔
کراچی: ریلوے گراؤنڈ میں ہندو جوڑوں کی اجتماعی شادی کی تیاریاں مکملپاکستان ہندو کونسل کی جانب سے کراچی کے ریلوے گراؤنڈ میں اجتماعی شادی کی تیاریاں مکمل کر لی گئی ہیں۔
شادی کی تقریب میں ہزاروں افراد نے شرکت کر کے تقریب کو یادگار بنا دیا۔
اس موقع پر ہاتھوں میں ہاتھوں میں مہندی، ماتھے پر بندیا، خوبصورت ملبوسات میں مبلوس ہر ازدواجی جوڑا خوشی سے سرشار نظر آیا۔
.ذریعہ: Jang News
کلیدی لفظ: اجتماعی شادی کی
پڑھیں:
سندھ اسمبلی : سیپکو، حیسکو اور کے الیکٹرک کی زائد بلنگ اور لوڈشیڈنگ کے خلاف قرارداد منظور
کراچی:سندھ اسمبلی نے نیپرا کی جانب سے کراچی کے بجلی صارفین پر 50 ارب کا بوجھ ڈالنے کی منظوری کے خلاف اور نیپرا، سیپکو، حیسکو، کے الیکٹرک کی لوڈ شیڈنگ اور زائد بلنگ کے خلاف قرارداد کثرت رائے سے منظور کرلی۔
ایکسپریس نیوز کے مطابق سندھ اسمبلی کا اجلاس منعقد ہوا تو ایم کیو ایم اور پیپلز پارٹی کے ارکان ہیرسوہو، عامرصدیقی اور شبیرقریشی نے سیپکو، حیسکو اور کے الیکٹرک کے خلاف قراداد ایوان میں پیش کی۔
ایم کیو ایم کے رکن عامر صدیقی نے قرارداد پر کہا کہ کے الیکٹرک کے بلوں کے ذریعے کراچی کے عوام پر 50 ارب روپے کا بوجھ ڈالا گیا نیپرا یہ فیصلہ واپس لے، نیپرا نے 18 جولائی کو حکم نکالا یہ کراچی کے کاروبار کو ختم کرنے کی سازش ہے، ہماری صنعتیں دیگر صوبوں میں منتقل ہو رہی ہیں، کے الیکٹرک کی اپنی نااہلی ہے، بجلی چوری کے 50 ارب روپے کراچی کے شہریوں سے وصول کیے جا رہے ہیں، آئین میں کہیں نہیں لکھا ہے کہ اجتماعی سزائیں دی جائیں، کے الیکٹرک اپنے لائن لاسز کی سزا پورے شہر کے عوام سے وصول کررہی ہے، اس قراداد کو متفقہ طور پر منظور کیا جائے۔
پی ٹی آئی کے رکن شبیر قریشی نے کہا کہ کے الیکٹرک اور حیسکو پوری قوم کو قرض دار بنا رہی ہیں، عوام کو سہولت دی جائے پہلے 300 یونٹ کے بعد ریٹ تبدیل ہوتے تھے اب 199 یونٹ سے ایک یونٹ بھی بڑھتا ہے تو 10 ہزار روپے کا بل آتا ہے، پُر زور مطالبہ کرتا ہوں کہ کم سے کم یونٹس کی حد 300 رکھی جائے، نیپرا کو پابند کیا جائے کہ یہ فیصلہ قومی اسمبلی میں لے کر آئیں، 200 یونٹ کے بعد اضافی بل کو ختم کیا جائے، کم سے کم حد 300 یونٹ مقرر کی جائے۔
پیپلز پارٹی کے رکن آصف موسی نے کہا کہ آج جو قرارداد ایوان میں پیش کی وہ اہم ہے نیپرا کی جانب سے 200 یونٹ والا سلیب ختم کیا جائے، غریب آدمی 200 یونٹ استعمال کرتا ہے، 201 یونٹ ہوجاتے ہیں وہ غریب کے دسترس سے زیادہ ہے، بلدیہ ٹاؤن میں 12 گھنٹے بجلی نہیں ہوتی، کے الیکٹرک کے نمائندوں کو اسمبلی میں بلایا کوئی فرق نہیں پڑا، پچھلی بار میٹنگ بلائی تھی کے الیکٹرک کے لیے سزا اور جزا کا عمل ہونا چاہیے، نیپرا میں سندھ حکومت یا کراچی کا کوئی نمائندہ نہیں ہے، یہ ایوان 200 یونٹ کی پالیسی کو تبدیل کرنے کا مطالبہ کرتا ہے، حکومت سندھ وفاقی حکومت سے رابطہ کرے 200 یونٹ کی حد کو بڑھایا جائے۔
ہیر سوہو نے کہا کہ حیسکو اور سیپکو کی لوڈ شیڈنگ کی کوئی حد نہیں، دو گھنٹے بجلی ہوتی ہے چار گھنٹے نہیں ہوتی۔
پیپلز پارٹی کے رکن جمیل سومرو نے کہا کہ بجلی کی کمپنیاں ایسٹ انڈیا کمپنی ہیں، بجلی کی لوڈ شیڈنگ اور اوور بلنگ سب سے بڑا مسئلہ ہے، کسی علاقے میں ایک بندہ بھی بجلی چوری کرے تو پی ایم ٹی اٹھا کر لے جاتے ہیں، لاڑکانہ شہر میں 18 گھنٹے لوڈ شیڈنگ ہے، عام شہریوں نے سولر لگانا شروع کردیا ہے، 49 ڈگری گرمی میں بجلی نہیں تو لوگوں کا کیا حال ہوتا ہے، ہماری تقاریر کا کوئی اثر نہیں ہوتا بجلی کمپنیاں شتر بے مہار ہیں، لاہور میں کتنی لوڈ شیڈنگ ہوتی ہے اور کراچی میں کتنی ہوتی ہے، ہم قراداد پاس تو کرتے ہیں اس کی ویلیو نہیں ہے ہم خالی تقریریں کرنے آئے ہیں کیا؟ ایوان سے گزارش ہے کہ کمیٹی بلا کر ان کو بلائیں۔
پیپلز پارٹی کے رکن خرم سومرو نے کہا کہ الیکٹرک کمپنیوں کو اسمبلی میں بلایا گیا وہ کوئی اہمیت نہیں دیتے، کے الیکٹرک اور واپڈا کے خلاف قانون بنایا جائے، قراداد منظور کی جائے قانون سازی بھی کی جائے۔
ایم کیو ایم کے رکن نجم مرزا نے کہا کہ نیپرا نے حالیہ دنوں میں ایک فیصلہ جاری کیا ہے سندھ کے شہریوں کا معاشی استحصال کیا جا رہا ہے، کراچی کے شہریوں سے زبردستی 50 ارب روپے وصول کیے جارہے ہیں، لائین لاسز کا بہانہ ہے جبکہ اضافی لوڈ شیڈنگ کی جا رہی ہے، نشانہ وہ صارفین بن رہے ہیں جو بجلی کا بل ادا کر رہے ہیں نیپرا یہ حکم فوری واپس لے۔
پی ٹی آئی کے رکن محمد اویس نے کہا کہ دس گھنٹے سے زیادہ لوڈ شیڈنگ غیر قانونی ہے، کے الیکٹرک قانون توڑ رہی ہے، آج یہ قانون پاس کریں کہ کے الیکٹرک کے جنرل مینیجر کے خلاف ایف آئی آر درج کروائی جائے، ہمارے پاس ثبوت ہیں کہ کے الیکٹرک عملہ خود بجلی چوری کرواتا ہے۔
وزیر اطلاعات شرجیل میمن نے کہا کہ ہر بار اسمبلی میں یہ قراداد آتی ہے کے الیکٹرک حیسکو سیپکو کے کان پر جوں نہیں رینگتی، اٹھارہ گھنٹے کی لوڈ شیڈنگ ہو رہی ہے 50 سینٹی گریڈ گرمی میں بجلی نہیں ہوتی سندھ حکومت 4 لاکھ گھروں کو سولر دے رہی ہے یہ پاور کمپنیوں کو حل کی جانب آنا پڑے گا، اب نیپرا بول رہا ہے کہ کراچی کے شہریوں سے 50 ارب روپے وصول کیے جائیں گے، پری پیڈ میٹر شروع کیے جائیں پری پیڈ میٹر بنانا کون سا مشکل ہے؟ اجتماعی سزا دی جا رہی جو ختم کی جائے پری پیڈ میٹر ہوگا ہر کوئی اپنے یونٹ استعمال کرے گا یونٹ ختم ہونے سے خود بجلی بند ہو جائے گی وزیر اعظم سے اپیل کرتا ہوں کہ سنجیدگی کے ساتھ سوچیں ڈیڑھ سو دو سو قراردادیں منظور ہو چکی ہیں کسی کے کان پر جوں نہیں رینگتی۔
اپوزیشن لیڈر علی خورشیدی نے کہا کہ یہ اسمبلی کی حرمت کے لیے سوالیہ نشان ہے اسمبلی کی قراداد کو اہمیت نہیں ملتی تو ہم یہاں کیوں بیٹھے ہیں؟ وفاقی حکومت اور نیپرا سے مؤدبانہ گزارش ہے کراچی سے کشمور تک پورا سندھ پریشان ہے ہر شہری بجلی کے مسئلے کی شکایت کرتا ہے تمام جماعتوں کے ایم پی ایز کا ایک ہی مسئلہ ہے کراچی کے عوام سے کے الیکٹرک بھتہ لے رہی ہے یہ اسمبلی مطالبہ کر رہی ہے بھتہ وصول نہ کیا جائے تو وہ فیصلہ واپس ہونا چاہیے ہم اس قراداد کی حمایت کرتے ہیں۔
بعدازاں ایوان سے قرارداد متفقہ طور پر منظور ہوگئی اور اجلاس جمعہ تین بجے تک ملتوی کردیا گیا۔
پی ٹی آئی کے 4 سال ملک کیلئے ڈراؤنا خواب ثابت ہوئے: احسن اقبال