بلوچستان میں ہڑتال و بندش کے باعث مسافرپریشان ہوگئے ہیں
اشاعت کی تاریخ: 15th, January 2025 GMT
کوئٹہ(نمائندہ جسارت)نائب امیر جماعت اسلامی بلوچستان زاہداختر بلوچ نے کہاکہ بلوچستان میں آئے روزہڑتال شاہراہوں کی بندش کی وجہ سے مسافر ٹرانسپورٹرزپریشان اوربیزارہوگئے ہیں حکومت دفعہ 144 کا اعلان تو کرتے ہیں مگر نہ عوام کو امن دے سکتی ہے نہ روزگار اورنہ ہی اپنے دفعہ 144پر عمل کرواسکتی ہے ۔ سوراب میں ہزاروں مسافروں جس میں مریض وضعیف مردخواتین اوربچے شامل تھے کو مین روڈ پر کھلے آسمان تلے جہاں نہ ہوٹل تھے نہ کوئی سایہ 50 گھنٹے روکنا ظلم وزیادتی اورناانصافی ہے ۔مطالبات ومسائل کے حل کیلئے لاتعلق مجبورافرادکو روکنا دانشمندی نہیں ۔جماعت اسلامی قوم کو مسائل ومشکلات اورپریشانیوں سے نکال سکتی ہے جذباتی نعرے کرنے والے عوام کی جذبات سے ناجائز فائدہ اُٹھارہی ہے اور سیاسی ذاتی مفادات کیلئے مجبور نوجوان اور عوام کو استعمال کرنا غلط ہے۔ان خیالات کااظہار انہوںنے دفتر صوبہ میں نوجوانوں کے وفدسے ملاقات کے دوران گفتگومیں کیا ۔انہوں نے کہاکہ جماعت اسلامی حقوق بلوچستان مہم کے تحت ان شاء اللہ عوام سمیت تمام طبقات کو ایک پلیٹ فارم پر متحد کریگی مصور کاکڑ ولاپتا افراد کو بازیاب کیاجائے ہم کوئی غیر جمہوری راستہ نہیں اپنائیں گے بلکہ ہر صورت حقوق حاصل کریں گے آمریت ،ظالموں ،لٹیروں کا راستہ روکھنا ہم سب کا فرض ہے وسائل حکومت اداروں اور ہرچیزپر قابض طبقے عوام کو کیڑے مکوڑے سمجھ رہے ہیں ۔جماعت اسلامی عوام کی عزت ،احترام ،حقوق کیلئے حقوق بلوچستان مہم چلارہی ہے ۔عوام ساتھ دیں ۔ بلوچستان کے وسائل عوا م اور دولت کو لٹیروں ،ملت دشمنوں سے آزادکرائیں گے ،عوام ساتھ دیں تاکہ ایک لاکھ افراد کوئٹہ میں جمع کرکے حکمرانوں، مقتدر قوتوں اورملت دشمنوں سے وسائل ،حقوق اور دولت لیکر عوام پر خرچ کریں لاپتہ افراد کو بازیاب اور سیکورٹی فورسز کے مظالم ولوٹ مار سے عوام کو نجات دے دیں بلوچستان کے لوگ ان ظالموں کی وجہ سے اندھیروں میں علاج تعلیم اورترقی سے محروم ہیں تعلیمی اور صحت کے ادارے تباہ ہیں معیاری تعلیم ،علاج اور ترقی وخوشحالی پربلوچستان کے عوام کا بھی حق ہے حکومتوں کیساتھ میڈیا اورقومی جماعتیں بھی ہمار ی پسماندگی غربت اورمسائل کے ذمہ دارہیں ہمیں اسلحہ ،چیک پوسٹ ، سیکورٹی فورسزنہیں تعلیم ،کتاب اورقلم کی ضرور ت ہے ۔ ایف سی والے ایرانی تیل کے بجائے اسلحہ ،منشیات والوں کو کیوں نہیں پکڑتے۔ایف سی والے مائوں بہنوں ٹرانسپورٹرزکی تضحیک نہ کریں ۔مختلف طبقات نے ہمیں غلام بنایا ہے ۔حکمران ہمیں کیڑے مکوڑے سمجھ رہے ہیں ۔جماعت اسلامی لوگوں کو سیاسی غلامی سے نجات دلاکر حقوق عزت واحترام دلائیں گے۔
.ذریعہ: Jasarat News
کلیدی لفظ: جماعت اسلامی عوام کو
پڑھیں:
پی آئی بی ایف کا جماعت اسلامی کے قومی معاشی مکالمے کا خیر مقدم
data-id="863a0a8" data-element_type="widget" data-widget_type="theme-post-content.default">
251104-08-17
لاہور(نمائندہ جسارت)پاکستان انٹرنیشنل بزنس فورم (PIBF) نے جماعت اسلامی پاکستان کی جانب سے معیشت کی بحالی کے لیے قومی مکالمہ منعقد کرنے کے فیصلے کا زبردست خیر مقدم کیا ہے۔ یہ مکالمہ بعنوان ”Resolution of the Economy — Ending Poverty through Business Empowerment and Interest-Free Loans” یعنی’’معاشی استحکام کی قرارداد ، کاروباری خودمختاری اور بلا سود قرضوں کے ذریعے غربت کا خاتمہ‘‘22 اور 23 نومبر 2025 کو مینارِ پاکستان لاہور میں 3 روزہ اجتماع عام کے موقع پر منعقد کیا جائے گا۔پی آئی بی ایف کی قیادت محمد اعجاز تنویر، عبد الودود علوی، حافظ محمود اور الماس قاضی نے اپنے مشترکہ بیان میں کہا کہ جماعت اسلامی کا یہ اقدام بروقت اور قومی ضرورت کے عین مطابق ہے، جو ماہرین معیشت، ٹیکنوکریٹس اور پالیسی سازوں کو ایک پلیٹ فارم پر متحد کرنے کی سمت ایک مثبت قدم ہے۔ ان کا کہنا تھا کہ ملک اس وقت شدید معاشی بحران سے دوچار ہے، ایسے میں یہ قومی مکالمہ ایک متحدہ اور قابل عمل روڈ میپ (Roadmap) تشکیل دینے میں مدد دے گا۔فورم کے رہنماؤں نے کہا کہ کاروباری برادری ان تمام کوششوں کی بھرپور حمایت کرتی ہے جو ملک میں معاشی استحکام، خود انحصاری اور بلا سود مالیاتی نظام کے فروغ کا باعث بنیں۔ انہوں نے اعلان کیا کہ پی آئی بی ایف اس اجتماعی کاوش میں بھرپور شرکت اور تعاون فراہم کرے گا تاکہ ”Economic Resolution 2025” کے نام سے ایک جامع اور عوامی شمولیت پر مبنی معاشی لائحہ عمل تیار کیا جا سکے، جس کی روح پاکستان قرارداد 1940 سے متاثر ہے۔تاجر رہنماؤں نے جماعت اسلامی کی جانب سے نوجوانوں میں کاروباری رجحان، فنی تربیت اور آئی ٹی تعلیم کے فروغ کے لیے شروع کیے گئے ’’بنو قابل آئی ٹی پروگرام‘‘ کو بھی سراہا۔ پی آئی بی ایف کے مطابق یہ پروگرام نوجوانوں کو جدید مہارتوں سے آراستہ کرنے اور پاکستان کے انسانی سرمائے کو مضبوط بنانے کے لیے جماعت اسلامی کے نظریے اور فورم کے اپنے مشن سے ہم آہنگ ہے۔ انہوں نے امید ظاہر کی کہ یہ قومی معاشی مکالمہ پاکستان کی معیشت کو مضبوط، خود کفیل اور اخلاقی بنیادوں پر استوار کرنے کی ایک منظم قومی تحریک کا آغاز ثابت ہوگا۔
بھارت افغان سرزمین سے پاکستان کیخلاف کم شدت کی جنگ چھیڑ رہا ہے، خواجہ آصف