مریم نواز اور یو اے ای کے مہمان کی فیک ویڈیو بنانےکر وائرل کرنیوالے8 ملزمان گرفتار
اشاعت کی تاریخ: 16th, January 2025 GMT
وفاقی تحقیقاتی ادارے (ایف آئی اے) کے سائبرکرائم ونگ لاہور نے مختلف کارروائیوں کے دوران وزیراعلیٰ پنجاب مریم نواز شریف کی متحدہ عرب امارات (یو اے ای کے مہمان) سے ملاقات کی فیک ویڈیو بنانے اور اس کو وائرل کرنے والے 8 ملزمان کو گرفتار کرلیا۔
ایڈیشنل ڈائریکٹر سائبر کرائم ونگ لاہور چوہدری سرفراز نے پریس کانفرنس میں بتایا کہ 5 جنوری کو یواے ای سے وفد پاکستان آیا تھا، وزیر اعلیٰ پنجاب کے ساتھ ان کی فیک ویڈیوز بنا کر وائرل کی گئیں، اس مہم میں ملوث 8 ملزمان کو پکڑ لیا ہے۔
چوہدری سرفراز نےکہا کہ ملزمان اے آئی کے ذریعے جعلی ویڈیوز بناتے تھے،گرفتار 8 ملزمان کا تعلق ایک سیاسی جماعت سے ہے، ملزمان نے اعتراف کیا کہ ان کو ہدایات آتی تھیں۔ایڈیشنل ڈائریکٹر سائبرکرائم ونگ لاہور کا کہنا تھا کہ فیک ویڈیوز کی مہم چلانے والوں کے زیادہ فالوورز انڈیا سے ہیں، ان ویڈیوز کو شیئر اور لائیک کرنے والے بھی ملزم ہیں، فنانشل فراڈ کرنے والوں کے خلاف بھی کارروائیاں جاری ہیں، بیرون ملک سے بھی ایسے ملزمان کو لایا جائےگا۔
ان کا کہنا تھا کہ پی ٹی آئی رہنما شہباز گل کے خلاف بھی پرچہ دیا گیا ہے، شہباز گل کے خلاف کارروائی شروع کر دی گئی ہے،کارروائی کے بعد ملزمان کے ریڈ وارنٹ جاری کریں گے۔ ملزمان نے فیس بک پر جعلی آئی ڈیز بنا رکھی ہیں، ان کے پاسپورٹ اور آئی ڈی کارڈ بلاک کیے جائیں گے۔
.ذریعہ: Daily Ausaf
پڑھیں:
جہلم: گائے کو کلہاڑی سے شدید زخمی کرنے پر 2 افراد گرفتار
پنجاب کے ضلع جہلم کے گاؤں موہال میں پولیس نے 2 افراد کو گرفتار کیا ہے جن پر مبینہ طور پر ایک گائے کے ساتھ ظلم کرنے کا الزام ہے۔
یہ بھی پڑھیں: جنوبی پنجاب کی خواتین کو مفت گائے اور بھینس ملے گی، مریم نواز کا تاریخی اقدام
متاثرہ گائے کے مالک کے مطابق، ملزمان نے گائے کے سامنے والے پاؤں پر کلہاڑی سے حملہ کیا جس سے وہ شدید زخمی ہو گئی اور پھر وہ موقعے سے فرار ہو گئے اور مالک کو دھمکیاں دیں۔
جہلم کے ڈی پی او طارق عزیز سندھو نے بتایا کہ دونوں ملزمان کو گرفتار کر لیا گیا ہے اور ایک کو واقعے کے قریب جنگل سے پکڑا گیا۔
مزید پڑھیے: بہادر گائے نے جان پر کھیل کر اپنی ساتھی کو چیتے کا شکار بننے سے بچایا، ویڈیو وائرل
پولیس نے مقدمہ سیکشن 429 (مویشی کو مارنے یا زخمی کرنے کی شرارت) کے تحت درج کر لیا ہے اور تحقیقات جاری ہیں۔ زخمی گائے کو چک اکّہ کے ایک ویٹرنری اسپتال میں منتقل کر کے علاج کیا جا رہا ہے۔
ملزمان کے خلاف قانونی کارروائی کی جا رہی ہے اور پولیس کا کہنا ہے کہ جانوروں کے ساتھ ظلم ناقابل قبول ہے اور تحقیقات کے بعد مجرموں کو عدالت میں پیش کیا جائے گا۔
مزید پڑھیں: جانوروں پر تشدد: پاکستان میں جانوروں کے حقوق کے لیے کیا قوانین ہیں؟
یہ واقعہ پاکستان میں جانوروں پر ظلم کے بڑھتے واقعات میں سے ایک ہے۔ گزشتہ ماہ بہاول نگر میں بھی ایک زمین دار اور اس کے بیٹے کو بھینس کے ساتھ ظلم کرنے پر گرفتار کیا گیا تھا جبکہ سکھر اور اس کے گردونواح میں بھی جانوروں کے ساتھ تشدد کے کئی کیسز سامنے آئے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جہلم کلہاڑی سے گائے پر حملہ گائے زخمی
کور کمانڈر پشاور کی وزیراعلیٰ سہیل آفریدی سے ملاقات