پی ٹی آئی میں پھوٹ پڑنے لگی؛ علیمہ خان کو پارٹی ٹیک اوور کرنے کا مشورہ
اشاعت کی تاریخ: 22nd, January 2025 GMT
لاہور:
پاکستان تحریک انصاف میں پھوٹ پڑنے لگی اور اس سلسلے میں علیمہ خان کو پارٹی ٹیک اوور کرنے کے مشورے بھی ملنے لگ گئے۔
ذرائع کے مطابق پی ٹی آئی کی موجودہ قیادت پر رہنماؤں کے تحفظات سامنے آ گئے ہیں، جس کے بعد پنجاب کے متعدد ارکان اسمبلی نے علیمہ خان کو پارٹی ٹیک اوور کرنے کا مشورہ دے دیا ہے۔
رہنماؤں کی رائے ہے کہ علیمہ خان بانی پی ٹی آئی کی بہن ہے اور پارٹی میں متحرک ہے۔ ذرائع نے بتایا کہ پنجاب کے ارکان اسمبلی نے علیمہ خان سے ملاقات میں بھی انہیں یہ مشورے دیے ہیں۔
پی ٹی آئی رہنماؤں کا کہنا ہے کہ پاکستان میں وراثتی سیاست ہی چلتی ہے، پارٹی کو ڈیموکریٹ بنانا مشکل ہے۔ موجودہ قیادت کی وجہ سے پارٹی ڈسپلن میں توازن نہیں رہتا۔
میجر (ر) اقبال خٹک کے مطابق ایک سے زیادہ ہدایت کی وجہ سے فیصلے غلط ہو رہے ہیں۔ 24نومبر کا احتجاج بھی غلط فیصلے کی وجہ سے ناکام ہوا۔
واضح رہے کہ اس سے قبل بھی پی ٹی آئی کی قیادت میں اختلافات کی خبریں سامنے آتی رہی ہیں جب کہ پی ٹی آئی کی جانب سے اپنے رہنماؤں کو اظہار وجوہ کے نوٹی فکیشنز بھی جاری کیے جاتے رہے ہیں۔
.ذریعہ: Express News
کلیدی لفظ: پی ٹی آئی کی علیمہ خان
پڑھیں:
پنجاب کے اپوزیشن لیڈر کے بعد عمر ایوب بھی نااہل ہوں گے، علیمہ خان
بانی پی ٹی آئی کی بہن علیمہ خان نے کہا ہے کہ پنجاب کے اپوزیشن لیڈر کے بعد اب قومی اسمبلی میں موجود قائد حزب اختلاف عمر ایوب کو بھی نااہل کرنے کی تیاری کی جارہی ہے۔
اڈیالہ جیل کے باہر توشہ خانہ کیس کی سماعت کے بعد اپنی دونوں بہنوں اور وکلا کے ہمراہ میڈیا سے گفتگو کرتے ہوئے علیمہ خان نے کہا کہ آج توشہ خانہ کیس کی سماعت تھی فیملی اور وکلاء کی ملاقات بھی تھی، آج صرف ہمارے ایک وکیل کو اندر جانے دیا گیا جبکہ پراسیکیوشن کی پوری ٹیم اندر گئی تھی۔
انہوں نے کہا کہ کسی بھی کیس کے اوپن ٹرائل کا مطلب یہ ہے کہ میڈیا، عوام اور فیملی سماعت میں شامل ہوسکتے ہیں، تین سے چار لوگ میڈیا کے اندر بلائے گئے۔
علیمہ خان نے کہا کہ آج ہماری ملاقات تھی اب ہماری ملاقات بھی بند کردی گئی ہے، بانی نے کہا ہے انہوں فیئر ٹرائل کی کوئی امید نہیں، یہ سارے ٹرائل ریکارڈ پر آرہے ہیں جبکہ ججز کی جانب سے دی جانے والی غیر قانونی سزائیں بھی سب کے سامنے ہیں۔
بانی پی ٹی آئی کی ہمشیرہ نے کاہ کہ ’جنہوں نے عوام کا مینڈیٹ چرایا انکو عوام پر مسلط کیا گیا ہے، عوام نے جن کو ووٹ دیا انکو سزائیں دی جارہی ہے، الیکشن کمشنر سکندر سلطان راجہ نے انتظار نہیں کیا جلدی میں لوگوں کو نا اہل کیا گیا‘۔
اُن کے مطابق بانی نے کہا ہے جمہوریت کو جس شخص نے زیادہ نقصان پہنچایا وہ سکندر سلطان راجہ ہے، بانی نے کہا جمہوریت کے ساتھ جو کچھ کیا جارہا ہے اسکے لئے عوام کو اپنے حق کیلئے کھڑا ہونا ہوگا، جو لوگ کھڑے نہیں ہونگے وہ بھی جمہوریت کے نقصان کے ذمہ دار ہونگے۔
علیمہ خان کے مطابق عمران خان نے کہا کہ پانچ اگست کو تحریک ختم نہیں ہوگی اور آئین کی بالادستی تک تحریک جاری رہے گی کیونکہ ہم اس وقت پاکستان کے لئے کھڑے ہیں، مجھے 60 مقدمات میں نامزد کیا گیا ہے لیکن ہمیں خوف نہیں ہے کیونکہ قربانی دینے والے لوگوں کی تاریخ لکھی جارہی ہے اور میرے دل میں کوئی خوف نہیں ہے۔
علیمہ خان کے بقول عمران خان نے کہا کہ لوگ کھڑے ہونگے تو پاکستان ترقی کی طرف جائے گا جبکہ بانی پی ٹی آئی نے وزیرستان آپریشن کی بھی مخالفت اور پُرامن احتجاجی مظاہرین پر فائرنگ کی مذمت کرتے ہوئے کہا کہ آپریشن کسی چیز کا حل نہیں اسے صوبہ عدم استحکام کا شکار ہوگا۔
اُن کے مطابق بانی نے کہا یے جیل سے گھبرانا نہیں میں دو سال سے جیل میں ہوں، بانی نے پارٹی کو کہا ہے نا اہلیوں سے گھبرانا نہیں ہے۔ علیمہ خان نے کہا کہ مجھے دو تین ماہ سے جیل کے اندر نہیں جانے نہیں دیا جا رہا جبکہ اب تو میری بہینوں کو بھی اندر جانے نہیں دیا جا رہا ہے، اس وقت بانی پی ٹی آئی کو مکمل طور پر قید تنہائی میں رکھا جا رہا یے۔
انہوں نے کہا کہ ٹرائل کیلئے 12 سے 14 وکلاء پر مشتمل ٹیم ہوتی ہے کسی کو نہیں جانے دیا جا رہا، جج نے گزشتہ سماعت پر حکم۔دیا تھا کہ فیملی اور وکلاء کو اندر بلایا جائے جبکہ جیل انتظامیہ عدالتی حکم کی مسلسل خلاف ورزی کرتے ہوئے ہمیں اندر نہیں بھیجا گیا۔
علیمہ خان نے کہا کہ ایک وکیل کوثین فیصل مفتی کو جیل کے اندر جانے کی اجازت دی گئی جبکہ جرح کیلئے وکلاء کی قانونی ٹیم ہوتی ہے صرف ایک وکیل اکیلا کیا کر سکتا ہے، اب یہ صرف جلدی جلدی ٹرائل مکملکرنے کیلئے یہ سب کر رہے ہیں۔
صحافی کے پی ٹی آئی کو ہائی جیک کرنے سے متعلق سوال پر علیمہ خان ہنس پڑیں اور کہاکہ جن سے اپنی پارٹی نہیں سنبھل رہی وہ ایسی باتیں کررہے ہیں،تم لے لو یہ پارٹی، ان کو اپنی پارٹی تو سنبھالی نہیں جاتی ان کو پی ٹی آئی کی کیا فکر پڑی ہے۔
علیمہ خان نے کہا کہ ان کی اصل میں پارٹی ہے کون سی ان کے پاس 6 لوگ ہیں کمپنی کی طرح پارٹی چلاتے ہیں، ایک بندہ اسحاق ڈار وزیر خارجہ بھی یے اور ڈپٹی وزیر اعظم ہے جبکہ وہی شوگر بورڈ کا ایڈوائزر اور چئیرمین بھی ہے، آج حکومت میں ایک بندے کے پاس دس دس عہدے ہیں ، اگر یہ پارٹی ہوتی تو ہر بندے کے پاس ایک ایک عہدہ ہوتا۔
انہوں نے کہا کہ اس نااہلی کی وجہ سے ملک میں چینی کا بحران شدت اختیار کر چکا ہے ، چینی کی قیمتوں پر کنٹرول اس لیے نہیں ہے کہ صدر وزیر اعظم اور وزیر اعلی سب کی شوگر ملیں ہیں۔سارا شوگر ان کے کنٹرول میں ہے لوٹ مار کی کوئی کمی رہ گئی تھی تو یہ لوگ لوٹ رہے ہیں۔ شوگر مافیا جیسے کہتے ہیں وہ اس ملک پر قابض ہیں وہ تو پیسے بنانے میں لگے ہوئے ہیں۔
علیمہ خان نے کہا کہ ملک کیا ہورہا ہے ان لوگوں کو کوئی فکر نہیں ہے، انہیں صرف یہ پڑی ہوئی ہے کہ پی ٹی آئی میں کیا ہورہا ہے، چینی کے بحران کے بعد گندم کا بحران آئے کسانوں کو انہوں ڈبو دیا گیا ہے۔
بانی پی ٹی آئی کی ہمشیرہ کا کہنا تھا کہ پی ٹی آئی تو پارلیمنٹ میں بھی اپوزیشن کا کردار ادا نہیں کر رہی۔ اس وقت اسمبلی کون سی چل رہی ہے جو آواز اٹھا رہے ہیں ان کو نااہل کیا جا رہا ہے، پنجاب کے ایوزیشن لیڈر کو نااہل کردیا گیا اور اب پارلیمنٹ میں اپوزیشن لیڈر عمر ایوب کو نااہل کرنا چا رہے ہیں۔
بھارت میں بڑھتی ہوئی غربت