دارالتحقیق جامعۃ الرّضا اسلام آباد کی جاری فعالیت پر ایک نظر
اشاعت کی تاریخ: 23rd, January 2025 GMT
اسلام ٹائمز: طلباء کی طرف سے اپنی فکری اور ذہنی نشوونما کیلئے مندرجہ ذیل سرگرمیوں کا کوئی باقاعدہ سلسلہ شروع کرنے کے شوق کا اظہار بھی کیا گیا، جیسے متن شناسی، سوشل سائنسز سے آشنائی، اسلامی فن و ثقافت، انسانی تہذیب و تمدن، زبان و ادب (شاعری، تقریر، خطابت، تحریر)، اسلام میں قصص اور داستان گوئی و داستان نویسی کا فن، ادب اطفال، فکشن اور فینٹسی سے اجمالی آشنائی، مصنوعی ذہانت (AI)، صحت و صفائی، فرسٹ ایڈ۔۔۔ رپورٹ: مزمل حسین
(انچارج دارالتحقیق جامعہ الرّضا)
جامعہ الرضا بارکہو، اسلام آباد میں دارالتحقیق کی باقاعدہ فعالیت کا آغاز نومبر 2024ء میں جامعۃ المصطفیٰ العالمیہ کے تعاون سے ہوا۔ اس شعبے کا مقصد طلباء کی علمی، تحقیقی اور عملی صلاحیتوں کو پروان چڑھانا اور انہیں جدید دور کی ضروریات سے ہم آہنگ کرنا ہے۔ آغاز میں ہی ادارے کے شعبہ تحقیق سے متعلقہ اساتذہ کرام نے چند ذمہ دار افراد پر مشتمل ایک ٹیم تشکیل دی، تاکہ شعبہ تحقیق کے امور کو منظم انداز میں آگے بڑھایا جا سکے۔ ابتدائی طور پر راقم الحروف کو شعبہ تحقیق کا انچارج مقرر کیا گیا۔ شعبہ تحقیق کی پہلی سرگرمی کے طور پر ان طلباء کی نشاندہی کی گئی، جو تعلیم و تربیّت کا از خود شوق دوسروں کی نسبت زیادہ رکھتے تھے۔
اس کیلئے چند مرتبہ مختلف طریقوں سے سروے کیا گیا اور ان طلباء کی مہارتوں کو مزید نکھارنے اور بڑھانے کے لیے منصوبہ بندی شروع کر دی گئی۔ پہلے مرحلے میں ان طلبا کیلئے کمپوٹر سے آشنائی کا کورس شروع کیا گیا۔ اس کورس کیلئے ابتدا میں ہی ماہانہ تقریباً 40 گھنٹوں کا وقت طے کیا گیا تھا۔ جس میں طلبہ کو کمپیوٹر کے بنیادی استعمال کے ساتھ ساتھ مائیکروسافٹ آفس (ورڈ، ایکسل، پاور پوائنٹ) کے بنیادی کام سکھائے گئے۔ یہ فقط کمپیوٹر سے آشنائی کا کورس ہی نہیں تھا بلکہ اس سے جامعۃ الرضا کی پہلے سے موجود کمپیوٹر لیب کو فعال کیا گیا۔
علاوہ ازیں اسی کورس کے دوران طلباء میں کی دیگر صلاحیتوں مثلاً 1۔ روش تحقیق، 2۔ مباحثہ، 3۔ فنِ خطابت، 4۔ تحریری صلاحیتوں اور گفتگو کی مہارتوں کی جانچ پرکھ اور ان کی سطح کی میزان کا تعیّن بھی ساتھ ساتھ کیا جاتا رہا۔ یہ کورس مکمل ہونے کے بعد مدرسے کے طلباء کی ایک بڑی تعداد نے دارالتحقیق کی سرگرمیوں میں حصّہ لینے کے شوق کا اظہار کیا، جس کی روشنی میں شعبہ تحقیق کی سرگرمیوں میں کو مزید وسعت دینے کے لیے 8 جنوری 2025ء کو شعبہ تحقیق کے مسئولین کی ماہانہ وار نشست ہوئی، جس میں گذشتہ مہینے کی فعالیت کا جائزہ لیا گیا اور ادارے اور طلباء کی ضرورت کے پیشِ نظر مندرجہ ذیل مزید شعبہ جات اور مسؤلین کا انتخاب کیا گیا:
1۔ کمپیوٹر تعلیم:
وہ طلبہ جو پہلے تربیت حاصل نہ کرسکے، ان کے لیے دوبارہ مواقع فراہم کیا جائے۔ جنہوں نے پہلے کورس کیا ہے، وہ اپنا پریکٹیکل منظم انداز میں جاری رکھیں، تاکہ بھول نہ جائیں۔
2۔ مطالعاتی و تربیتی فلمیں و ڈاکومنٹریز:
بہت ساری ایسی معلومات اور تربیتی سرگرمیاں ہیں، جن میں تاریخی و مستند ڈاکومنٹریز اور فلمیں بہت زیادہ مفید اور موثر ہیں۔ چنانچہ اس سلسلے کو منظم انداز میں شروع کرنے کا فیصلہ کیا گیا۔
3۔ مقالہ نویسی اور مضمون نویسی:
ایک دینی طالب علم کی زندگی میں مقالہ نویسی اور مضمون نویسی کی اہمیت سے ہر شخص باخبر ہے۔ اس اہمیت کے پیش نظر اس شعبے کیلئے مسئول کا تعیّن بھی کیا گیا اور باہمی مشورے سے اس کے آغاز کا شیڈول بھی مرتب کیا گیا۔
4۔ فنِ خطابت:
فن خطابت اور دینی طلباء لازم و ملزوم ہیں۔ خطابت کو پُرکشش لیکن تحقیقی اور علمی انداز میں سیکھنے کیلئے اس شعبے کے آغاز پر اتفاق کیا گیا۔
5۔ مختلف ادیان، مسالک اور اسلامی علوم و فقہی تقسیم کار سے آشنائی:
دینی طلبا کی ذہنی و قلبی وسعت کیلئے مختلف ادیان، مسالک اور اسلامی علوم و فقہی تقسیم کار سے آشنائی ضروری ہے۔ اس کیلئے بھی باقاعدہ سوچنے اور اس ضرورت کو پورا کرنے کیلئے مختلف سرگرمیوں کو یقینی بنانے کیلئے ایک مسئول کا انتخاب کیا گیا۔
6۔ اسکاؤٹنگ اور سپورٹس:
جامعۃ الرضا کے طلباء کو سپورٹس اور اسکاوٹنگ کی معیاری سہولیات اور امکانات کی فراہمی کیلئے حسبِ امکان شرائط کو فراہم کرنے کیلئے بھی ایک مسئول کا انتخاب کیا گیا۔
یاد رہے کہ طلباء کی طرف سے اپنی فکری اور ذہنی نشوونما کیلئے مندرجہ ذیل سرگرمیوں کا کوئی باقاعدہ سلسلہ شروع کرنے کے شوق کا اظہار بھی کیا گیا، جیسے متن شناسی، سوشل سائنسز سے آشنائی، اسلامی فن و ثقافت، انسانی تہذیب و تمدن، زبان و ادب (شاعری، تقریر، خطابت، تحریر)، اسلام میں قصص اور داستان گوئی و داستان نویسی کا فن، ادب اطفال، فکشن اور فینٹسی سے اجمالی آشنائی، مصنوعی ذہانت (AI)، صحت و صفائی، فرسٹ ایڈ۔۔۔
چنانچہ اس کیلئے "پرورشِ فکر" کے عنوان سے ایک الگ شعبے کی منصوبہ بندی کرنے کیلئے ایک دوست کو ٹاسک دیا گیا۔ خوشی کی بات یہ ہے کہ مذکورہ تمام سرگرمیاں جامعۃ الرضا کے طلباء نے اپنے ذوق و شوق سے شروع کی ہیں اور ان کا وقت بھی وہ خود ہی منظم کرتے ہیں اور ساتھ ہی ساتھ ان ساری سرگرمیوں کی مدیریت بھی خود طلباء ہی کرتے ہیں، جس سے ان کی مدیرانہ اور مدبرانہ صلاحیتوں کو بھی نکھرنے کا موقع مل رہا ہے۔
ذریعہ: Islam Times
کلیدی لفظ: طلباء کی تحقیق کی کیا گیا اور اس اور ان
پڑھیں:
چیئرمین سی ڈی اے محمد علی رندھاوا کا پارک روڈ پر واقع سی ڈی اے نرسری کا اچانک دورہ،اپ گریڈیشن کاموں کا تفصیلی جائزہ لیا
چیئرمین سی ڈی اے محمد علی رندھاوا کا پارک روڈ پر واقع سی ڈی اے نرسری کا اچانک دورہ،اپ گریڈیشن کاموں کا تفصیلی جائزہ لیا WhatsAppFacebookTwitter 0 28 May, 2025 سب نیوز
اسلام آباد(سب نیوز)چیئرمین سی ڈی اے، چیف کمشنر اسلام آباد اور ڈائریکٹر جنرل سول ڈیفنس محمد علی رندھاوا نے ممبر انوائرمنٹ، ممبر ایڈمن، ممبر انجینئیرنگ ، ممبر فنانس اور دیگر متعلقہ افسران کے ہمراہ پارک روڈ پر واقع سی ڈی اے نرسری کا اچانک دورہ کیا۔ اس موقع پر انہوں نے سی ڈی اے نرسری کی اپ گریڈیشن، بحالی اور اسے ‘گارڈینیا حب’ میں تبدیل کرنے کے منصوبے کے تحت ہونے والی تعمیراتی کاموں کا تفصیلی جائزہ لیا۔
چیئرمین سی ڈی اے نے کہا کہ سی ڈی اے نرسری کی اپ گریڈیشن کا بنیادی مقصد اسلام آباد کو ہارٹیکلچر کے شعبے میں ایک اہم مرکز کے طور پر متعارف کروانا ہے۔ انہوں نے کہا کہ جدید اور خوبصورت فلاور شاپس کی تعمیر کے کام کو تیزی سے مکمل کیا جائے، جس سے نہ صرف شہر کی خوبصورتی میں اضافہ ہوگا بلکہ یہ شہریوں کیلئے ایک پرکشش تفریحی مقام بھی بنے گا۔ چیئرمین سی ڈی اے نے ہدایت کی کہ نرسری میں منفرد اور جدید طرز کے کنٹرولڈ وینٹیلیٹڈ گرین ہاسز تعمیر کیے جائیں، جو نہ صرف پودوں کی نشوونما کیلئے مثالی ماحول فراہم کریں گے بلکہ تحقیق و ترقی کیلئے بھی معاون ثابت ہوں گے۔
چیئرمین سی ڈی اے محمد علی رندھاوا نے اس موقع پر ٹشو کلچر لیبارٹری قائم کرنے کی ہدایت بھی کی، جہاں پودوں کی نئی اقسام کو پروپیگیشن کے جدید طریقوں سے تیار کیا جاسکے گا۔ انہوں نے کہا کہ نرسری میں رنگ برنگے پھولوں کی نمائش کیلئے خصوصی جگہ مختص کی جائے، جہاں موسمی اور غیر موسمی پھولوں کی خوبصورت اقسام کو عوام کیلئے پیش کیا جاسکے گا۔ چیئرمین سی ڈی اے نے مزید کہا کہ اس منصوبے کا جامع ڈیزائن سی ڈی اے کے اس عزم کی عکاسی کرتا ہے کہ وہ اسلام آباد میں گرین ایریاز کو مزید بہتر بنانے کے ساتھ ساتھ ماحولیاتی پائیداری کے کلچر کو فروغ دے گا۔
چیئرمین سی ڈی اے نے کہا کہ نرسری کو ‘گارڈینیا حب’ کے طور پر تشکیل دینا اسلام آباد کو مزید خوبصورت اور سرسبز و شاداب دارالحکومت بنانے کی جانب ایک اہم قدم ہے۔ انہوں نے سی ڈی اے کی ماڈل نرسری کو عالمی معیارات کے مطابق ایک اسٹیٹ آف دی آرٹ ماڈل نرسری میں تبدیل کرنے کیلئے تمام دستیاب وسائل کو بروئے کار لانے کی ہدایت کی۔ انہوں نے کہا کہ اس منصوبے سے نہ صرف شہر کی خوبصورتی میں اضافہ ہوگا بلکہ یہ ہارٹیکلچر کے شعبے میں روزگار کے نئے مواقع بھی پیدا کرے گا۔
چیئرمین سی ڈی اے نے متعلقہ افسران کو ہدایت کی کہ وہ منصوبے کی تکمیل کیلئے ایک جامع ٹائم فریم تیار کریں اور اس پر عملدرآمد کو یقینی بنائیں۔ انہوں نے کہا کہ اس منصوبے کی کامیابی سے اسلام آباد نہ صرف پاکستان بلکہ خطے میں ہارٹیکلچر کے شعبے میں مزید بہتری آئے گی ۔ چیئرمین سی ڈی اے محمد علی رندھاوا نے کہا کہ نرسری کی ترقیاتی کاموں میں جدید ترین ٹیکنالوجی کو استعمال کیا جائے اور بین الاقوامی معیارات کو مدنظر رکھتے ہوئے کام کیا جائے۔
اس موقع پر چیئرمین سی ڈی اے نے کہا کہ یہ منصوبہ شہریوں کو صاف ستھرا اور سرسبز ماحول فراہم کرنے کی سی ڈی اے کی کوششوں کا ایک اہم حصہ ہے۔ انہوں نے اس عزم کا اعادہ کیا کہ سی ڈی اے اسلام آباد کو ایک جدید، خوبصورت اور ماحول دوست مثالی شہر بنانے کیلئے اپنی تمام تر کاوشیں جاری رکھے گا۔ انہوں نے کہا کہ ‘گارڈینیا حب’ منصوبہ اسلام آباد شہر کی خوبصورتی میں اضافہ ہو گا۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرآذربائیجان کی یوم آزادی پر ترکیہ، پاکستان کے رہنماں کی شرکت دوستی کی عکاس ہے، الہام علیوف چیئرمین سی ڈی اے محمد علی رندھاوا کا پاک سیکرٹریٹ کے ملازمین کیلئے مختص کئے گئے نئے پارکنگ ایریا کا اچانک دورہ ترکیہ، پاکستان اور آذربائیجان تین ملک ایک قوم ہیں، ترک و آذری صدرو کا ایک بار پھر پاکستان کی حمایت کا اعادہ ملک کے انچ انچ کی حفاظت کیلئے اپنے بچے بھی قربان کر دیں گے، شیخ وقاص اکرم پاکستان کا فتح راکٹ سسٹم دشمن کیلئے تباہی کا پیغام امریکا کا بڑا اقدام ،غیر ملکی طلبا کی ویزا درخواستیں عارضی طور پر معطل اسرائیل جارحیت بند کرے اور عالمی قوانین کی پابندی کرے،سعودی ولی عہد محمد بن سلمانCopyright © 2025, All Rights Reserved
رابطہ کریں ہمارے بارے ہماری ٹیم
اہم شخصیت کو عہدے سے ہٹانے کا فیصلہ کر لیا گیا