گھارو،فائر ونڈ کمپنی اور مقامی ماہی گیروں کے درمیان مذاکرات ناکام
اشاعت کی تاریخ: 25th, January 2025 GMT
گھارو(نمائندہ جسارت)گھارو کے قریب کوسٹل ہائی وے پر واقع زفائر ونڈ کمپنی انتظامیہ اور مقامی ماہیگیروں کے درمیان راستوں کی بندش کے تنازع پر ہونے والے مذاکرات ناکام ہوگئے۔ تفصیلات کے مطابق زفائر ونڈ پاور کمپنی انتظامیہ نے مقامی ماہیگیروں کے سمندر کی طرف جانے والے تمام راستے بند کر دیے تھے جس کی وجہ سے مقامی ماہیگیر چار دن سے کمپنی کے مین گیٹ کے سامنے شدید سردی میں اپنے حق کے حصول کے لیے دھرنا دے کر بیٹھے ہوئے ہیں اور گزشتہ 13 روز سے بے روزگاری رہنے کی وجہ شدید پریشانی کا شکار ہیں، آج بروز جمعرات اس مسئلے کے حل کے لیے صوبائی وزیر جیل خانہ جات حاجی علی حسن زرداری، صوبائی وزیر سسئی پلیجو، ضلع کونسل ٹھٹھہ چیئرمین حمید پنہور نے اسکا نوٹس لیتے ہوئے ثالثی کا کردار ادا کرتے ہوئے احتجاجی ماہیگیروں کے نمائندوں جن میں یوسی ککڑان کے چیئرمین حبیب الرحمن، ممتاز ہدو بلوچ، ضلعی کونسل ٹھٹھہ کے ممبر سچل خاصخیلی، کمال خان جوکھیہ، گھارو ٹاؤن کے وائس چیئرمین میر بابو پھنور اور زفائر ونڈ ٹربائن پاور کمپنی مینجمنٹ کے درمیان اسسٹنٹ کمشنر تعلقہ میر پور ساکرو ائٹ گھارو ڈاکٹر راشد چنا کو مذاکرات کی ہدایت کی تاہم زفائر ونڈ کمپنی انتظامیہ نے ماہیگیروں کے مطالبات زبانی تو تسلیم کرلیے مگر دونوں کے درمیان کیے جانے والے معاہدے پر دستخط کرنے سے انکار کر دیا جس کے بعد مقامی ماہیگیروں نے احتجاج جاری رکھتے ہوئے کہا کہ آگے کے لائحہ عمل کا اعلان کل کیا جائے گا۔ اس موقع پر ماہیگیروں نے کہا کہ ان کے روایتی راستوں کی بندش سے ان کے روزگار اور معاشی معاملات متاثر ہو رہے ہیں جو ان کے لیے بڑا نقصان ہے۔ انہوں نے احتجاج جاری رکھتے ہوئے انصاف کا مطالبہ کیا ہے اور حکومت سے اپیل کی ہے کہ مسئلے کا مستقل حل نکالا جائے۔
.ذریعہ: Jasarat News
کلیدی لفظ: زفائر ونڈ کے درمیان
پڑھیں:
نیو جرسی جنگلات میں خوفناک آتشزدگی، بجلی غائب، ہزاروں افراد نقل مکانی پر مجبور
امریکی ریاست نیو جرسی کے جنگلات میں آگ لگ گئی جس کے باعث ہزاروں باشندے نقل مکانی پر مجبور ہوگئے۔
یہ بھی پڑھیں: لاس اینجلس آتشزدگی کے پیچھے قدرتی عوامل یا انسانی ہاتھ؟
نیو جرسی فاریسٹ فائر سروس کے مطابق اوشین کاؤنٹی میں گرین ووڈ فاریسٹ وائلڈ لائف مینجمنٹ ایریا میں آگ بھڑک اٹھی تھی اور مشرقی ساحل کے ساتھ جنگل کی آگ میں مسلسل اضافہ ہو رہا ہے۔
حکام کا کہنا ہے کہ رات کو یہ تقریباً 8,500 ایکڑ تک بڑھ گیا تھا جس کے صرف 10 فیصد پر ہی قابو پایا جاسکا ہے۔ ان کے مطابق اوشن اور لیسی ٹاؤن شپ میں تقریباً 3,000 رہائشیوں کو نکال لیا گیا ہے اور آگ سے لگ بھگ 1،320 عمارتوں کو خطرہ لاحق ہے۔
مزید پڑھیے: 2 گھنٹوں میں زلزلے کے 160 جھٹکے، آتش فشاں پھٹنے کا الرٹ جاری
آگ کی وجہ سے کئی سڑکیں بند کر دی گئی ہیں جن میں لیسی ٹاؤن شپ میں روٹ 9 بھی شامل ہے۔ اوشین کاؤنٹی میں 25,000 سے زیادہ صارفین بدھ کے اوائل میں بجلی کے بغیر تھے۔
جرسی سینٹرل پاور اینڈ لائٹ کے مطابق متاثرہ علاقوں کے 25 ہزارسے زیارہ افراد بجلی کی فراہمی سے محروم ہوچکے ہیں کیوں کہ فاریسٹ فائر سروس کی درخواست پر علاقے کی بجلی کی تمام لائنوں کو بند کردیا گیا ہے۔
لہٰذا اویسٹر کریک سب اسٹیشن کے اندر اور باہر تمام پاور لائنوں کو غیر فعال کرنے کے لیے تقریباً 25,000 صارفین کی بجلی کاٹ دی گئی ہے۔
مزید پڑھیں: لاس اینجلس آتشزدگی: فائر فائٹرز کی طلب اور معاوضوں میں ہوشربا اضافہ
نیو جرسی فاریسٹ فائر سروس کی ویب سائٹ کے مطابق جنگلات میں ہر سال اوسطاً ڈیڑھ ہزار مرتبہ آگ لگتی ہے جو 7 ہزار ایکڑ رقبے کو نقصان پہنچاتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
نیو جرسی نیو جرسی جنگلات میں آتشزدگی نیوجرسی جنگلات میں آگ
وزارت مذہبی امور کا پرائیویٹ حج کرنے والوں کے لئے بڑا اعلان