قرآن اور جدید سائنس‘حیرت انگیز حقا ئق اور انکشافات
اشاعت کی تاریخ: 25th, January 2025 GMT
قرآن مجید، جو 1400سال پہلے نازل ہوا، نہ صرف ایک روحانی رہنمائی کا ذریعہ ہے بلکہ اس میں کئی ایسے سائنسی اور علمی حقائق موجود ہیں جو آج جدید سائنس کی تحقیق سے ثابت ہو رہے ہیں۔ یہاں چند آیات پیش ہیں جو قدرت کے رازوں اور سائنسی دریافتوں کے حوالے سے روشنی ڈالتی ہیں۔
کائنات کی تخلیق۔
کیا ان لوگوں نے، جنہوں نے کفر کیا، یہ نہیں دیکھا کہ آسمان اور زمین دونوں بند تھے، پھر ہم نے انہیں کھولا؟ اور ہم نے ہر جاندار چیز پانی سے بنائی۔ کیا یہ پھر بھی ایمان نہیں لائیں گے؟
سورۃ الانبیاء (21:30)
کائنات کا پھیلائو۔
اور آسمان کو ہم نے اپنے ہاتھوں سے بنایا اور ہم ہی اسے وسعت دے رہے ہیں۔
سورۃ الذاریات (51:47)
زمین کی شکل۔
اور زمین کو اس کے بعد ہم نے بچھایا۔
سورۃ النازعات (79:30)
سورج اور چاند کے مدار۔
نہ سورج کو یہ زیبا ہے کہ وہ چاند کو جاپکڑے اور نہ رات دن سے پہلے آ سکتی ہے اور سب اپنے اپنے دائرے میں تیر رہے ہیں۔
سورۃ یٰسین (36:40)
پہاڑوں کی میخوں جیسی ساخت۔
کیا ہم نے زمین کو بچھونا نہیں بنایا؟ اور پہاڑوں کو میخیں نہیں بنایا؟
سورۃ النبا (78:6-7)
فضا کی تہیں۔
اور آسمان کی قسم جو پلٹنے والا ہے۔
سورۃ الطارق (86:11)
فضا میں محفوظ چھت۔
اور ہم نے آسمان کو ایک محفوظ چھت بنایا۔
سورۃ الانبیاء (21:32)
انسانی تخلیق کے مراحل۔
اور یقینا ہم نے انسان کو مٹی کے خلاصے سے پیدا کیا۔ پھر اسے نطفہ بنا کر ایک محفوظ جگہ میں رکھا۔ پھر نطفے کو لوتھڑا بنایا، پھر لوتھڑے کو گوشت کی بوٹی بنایا، پھر اس ہڈیوں کو گوشت پہنایا۔ پھر اسے ایک اور شکل میں پیدا کیا۔ سو اللہ بڑی برکت والا ہے، سب سے بہتر پیدا کرنے والا۔
سورۃ المومنون (14-23:12)
شہد کی مکھی کی رہنمائی۔
اور تمہارے رب نے شہد کی مکھی کو الہام کیا کہ پہاڑوں، درختوں اور چھتوں میں اپنے گھر بنا۔
سورۃ النحل (69-16:68)
بارش کا نظام۔
کیا تم نے نہیں دیکھا کہ اللہ نے آسمان سے پانی برسایا، پھر اسے زمین کے چشموں میں داخل کیا؟
سورۃ الزمر (39:21)
لوہے کا نزول۔
اور ہم نے لوہا اتارا جس میں بڑی قوت ہے اور لوگوں کے لیے فائدے ہیں۔
سورۃ الحدید (57:25)
زمین اور سمندر کے درمیان رکاوٹ۔
دو سمندروں کو چھوڑ دیا کہ آپس میں مل جائیں۔ ان کے درمیان ایک پردہ ہے جو انہیں گڈمڈ ہونے نہیں دیتا۔
سورۃ الرحمن (20-55:19)
گہرے سمندروں کی تاریکی ۔
گہرے پانی کی اندھیریاں، جن پر موجیں ہیں، ایک کے اوپر ایک۔یہ چند قرآنی آیات ہیں 1400 سو سال نازل ہوئیں جن کی آج کی سائنسی تحقیق کے انکشافات سے تصدیق ہو رہی ہیں۔ قرآن کا یہ معجزہ اس کی حقانیت کی دلیل ہے کہ یہ انسانی کلام نہیں بلکہ اللہ تعالیٰ کی وحی ہے۔جس پر بہت سے سائنس دان اسلام پر ایمان لا رہے ہیں۔سورۃ النور (24:40)
ذریعہ: Daily Ausaf
کلیدی لفظ: رہے ہیں اور ہم پھر اس
پڑھیں:
بھارتی خفیہ ایجنسی کیلئے جاسوسی کے الزام میں گرفتار مچھیرے کے اہم انکشافات
آپریشن سندور کی ناکامی اور عالمی سطح پر پاکستان کے ہاتھوں رسوائی کے بعد سے بھارت نے مسلسل پاکستان کو بدنام کرنے کی منظم مہم شروع کر دی ہے، اسی سلسلے کی ایک ناکام کوشش کو ہماری مستعد سیکیورٹی ایجنسیز نے بے نقاب کیا ہے۔اس کوشش میں انڈین انٹیلیجنس ایجنسی نے ایک پاکستانی مچھیرے کو پاکستان رینجرز، نیوی اور آرمی کی وردیاں اور دیگر سامان خرید کر بھارت بھیجنے کا ٹاسک سونپا، تاہم ہماری سیکیورٹی اداروں کی بروقت کاروائی نے بھارت کے اس منصوبہ بندی کا سراغ لگا لیا۔ اور مجرم کو رنگے ہاتھوں گرفتار کر لیا گیا۔اس کارروائی کی مکمل تفصیل اور ملزم کا اقبالی بیان بمعہ تمام ثبوت یہاں پیش کیا جارہا ہے۔پاکستانی سیکوریٹی ایجنسیاں گہرے سمندری پانیوں میں بھارتی ایجنسیوں کی مشکوک حرکات پر نظر رکھے ہوئے ہیں، اکتوبر 2025 میں سکیورٹی اداروں نے مسلسل نگرانی کے بعد ایک بظاہر عام سے مچھیرے سے مسلح افواج کی وردیاں اور مشکوک سامان برآمد کیا ہے۔ یہ شخص کچھ عرصہ سے مختلف دوکانوں سے پاکستانی افواج کے استعمال کی چیزوں کا پوچھ گچھ کرنے کی وجہ سے ہماری نظروں میں تھا۔ مشکوک سرگرمیوں کی تصدیق کے بعد ایک مشترکہ انٹیلیجنس آپریشن میں اس شخص کو فوجی وردیوں اور دیگر سامان سمیت اس وقت رنگے ہاتھوں گرفتار کر لیا گیا، جب وہ کشتی کے ذریعے اس سامان کو بھارت سمگل کرنا چاہ رہا تھا۔گرفتاری کے بعد ملزم سے اس کے مقاصد، روابط اور ممکنہ جاسوسی نیٹ ورک کے بارے میں تفصیلی تفتیش کی گئی۔ اور اس کے موبائل فون کے فرانزک تجزیے کے بعد مندرجہ زیل حقائق سامنے آئے۔اعجاز ملاح نے بتایا کہ وہ ایک غریب مچھیرا ہے جو گہرے پانی میں جا کر مچھلی پکڑتاتھا- وہ بھارتی خفیہ ایجنسی کےلالچ کی بھینٹ چڑھ گیا، ستمبر 2025 میں بھارتی کوسٹ گارڈ نے اسے گہرے پانیوں میں مچھلی کا شکار کرتے ہوئے گرفتار کیا-
بعد ازاں اُسے ایک نامعلوم مقام پر منتقل کیا گیا جہاں بھارتی انٹلیجنس کے اہلکاروں نے اس سے ملاقات کی اوراسے بتایا کہ گرفتاری کے الزام کے تحت اسے بھارت میں دو سے تین سال قید کی سزا بھگتنی پڑے گی۔بھارتی اہلکاروں نے پیشکش کی کہ اگر وہ پاکستان کے اندر ان کے لیے کام کرے تو اسے رہا کیا جا سکتا ہے، جس پر اس نے لالچ اور دھمکیوں میں رضامندی ظاہر کی۔انہوں نے اسے کچھ سامان فراہم کرنے کی ہدایت کی جو اسے پاکستان جا کر جمع کرنا تھا اور بعد ازاں کشتی کے ذریعے بھارت پہنچانا تھا۔پاکستان نے اس مچھیرے کی اپنے ہینڈلر سے کی گئی وائس چیٹ بھی حاصل کر لی ہے۔ جس میں اس کو چھ پاکستانی مسلح افواج کی مخصوص ناپ کی وردیاں (آرمی، نیوی اور سندھ رینجرز)، نام کی پٹیاں (جن پر مخصوص نام: عبید، حیدر، سہیل، ادریس، صمد اور ندیم لکھے ہوں)، تین زونگ موبائل سم کارڈ (جن کا بلینک خریداری انوائس کراچی کی دکان کے ساتھ ہوں)، سگریٹ کے پیکٹ، ماچس، لائٹر اور پاکستانی کرنسی کے 100 اور 50 کے نوٹ فراہم کرنے کو کہا۔اعجاز نے کراچی کی مختلف دوکانوں سے مطلوبہ سامان کا انتظام کیا، جس کی تصویریں اس نے بھارتی انٹلیجنس کو بھیجیں۔ اعجاز کو 95 ہزار روپے سامان کی تصاویر بھجوانے کے عوض ادا کیے گئے، جبکہ بقیہ رقم سامان کی کامیاب ترسیل کے بعد ادا کرنے کا وعدہ کیا گیا۔اکتوبر کے آغاز میں، وہ مبینہ طور پر مذکورہ سامان بھارت پہنچانے کے لیے سمندر کی سمت روانہ ہوا، تاہم پاکستانی سیکیورٹی اداروں نے بروقت کارروائی کرتے ہوئے اسے حراست میں لے لیا۔بھارتی سیاسی قیادت پاکستان دشمنی میں اندھی ہو چکی ہے۔ اور آپریشن سندور کی شکست کو بہار کے ریاستی انتخابات سے عین پہلے ایک فالس فلیگ آپریشن کے زریعے بدلنے کی کوشش کر رہی ہے.یہ میڈ ان پاکستان اشیاء سگریٹ ، لائٹرز ، اور کرنسی کسی ایسے جعلی مقابلے میں استعمال کرنے کا امکان ہے جس کے بعد یہ پرواپیگنڈہ کیا جا سکے کہ پاکستان بھارت میں دہشت گرد حملوں کی منصوبہ بندی اور ان پر عملدرآمد میں براہ راست ملوث ہے-پاکستان نیوی اور سندھ رینجرز کی مخصوص وردیوں کی طلب سے ظاہر ہوتا ہے کہ یہ جعلی کارروائی ممکنہ طور پر بھارتی ریاست گجرات کے ساحلی علاقوں، خصوصاً کچھ یا بھوج میں انجام دینے کا منصوبہ ہے۔ اور اس سازش کو بھارت کی اسے علاقے میں ہونے والی جنگی مشقوں سے جوڑا جائے۔ان حاصل کردہ فوجی وردیوں اور دیگر سامان سے پاکستانی فوج کے حاضر سروس اہلکاروں کی گرفتاری کا جھوٹا ڈرامہ بھی کیا جاسکتا ہے۔زونگ سم کارڈز اس لیے شامل کیے گئے تاکہ مبینہ آپریٹرز یا آپریشن کی فنڈنگ اور مواصلاتی رابطے چینی عناصر سے منسوب کیے جا سکیں۔پاکستان اس گھناؤنے بھارتی آپریشن کے تمام شواہد اپنے بین الاقوامی دوستوں کے سامنے بھی پیش کر رہا ہے تاکہ بھارت کا مذموم چہرہ دنیا کے سامنے بے نقاب کیا جا سکے۔
سدرہ بی بی قتل کیس میں بڑی پیشرفت: گرفتار 2 ملزمان کی ضمانت منظور، فوری رہائی کا حکم