دہلی میں عام آدمی پارٹی کو صرف کانگریس ہرا سکتی ہے، پپو یادو
اشاعت کی تاریخ: 25th, January 2025 GMT
گزشتہ دنوں بی جے پی امیدوار رمیش بدھوڑی کے ذریعہ پرینکا گاندھی پر کئے گئے نازیبا تبصرہ پر پپو یادو نے سخت ردعمل کا اظہار کیا تھا۔ اسلام ٹائمز۔ رکن پارلیمنٹ پپو یادو دہلی الیکشن میں کانگریس کے لئے انتخابی تشہیر کرنے کے لئے میدان میں اتر گئے ہیں، وہ آج کالکا جی میں عوامی جلسہ کریں گے۔ اس درمیان پپو یادو نے دعویٰ کیا کہ عام آدمی پارٹی کو صرف کانگریس ہی شکست دے سکتی ہے اور بی جے پی میں استعداد نہیں ہے۔ پپو یادو نے ایکس پر لکھا کہ دہلی میں عام آدمی پارٹی کو شکست کانگریس ہی دے سکتی ہے، بی جے پی بہت بے کار جاہل پارٹی ہے، اس میں وہ استعداد نہیں ہے۔ کانگریس آئندہ ایک ہفتے میں دہلی الیکشن کی فضا بدل دے گی۔ غریب، دلت، اقلیتی طبقہ کے سبھی سماج اور متوسط طبقہ تیزی سے کانگریس کی طرف مخاطب ہو رہا ہے، مینڈیٹ لوٹ رہا ہے۔
کالکا جی سے کانگریس امیدوار الکا لانبا نے اس درمیان جانکاری دی کہ پورنیہ سے رکن پارلیمنٹ پپو یادو کالکا جی اسمبلی حلقہ میں اپنی بات رکھیں گے۔ کالکا جی میں الکا لانبا کا مقابلہ وزیراعلیٰ آتشی اور بی جے پی کے امیدوار رمیش بدھوڑی سے ہے۔ اس علاوہ پپو یادو اوکھلا سے کانگریس امیدوار اریبہ خان کے لئے بھی تشہیری مہم چلائیں گے۔ وہ شاہین باغ علاقے میں اریبہ خان کے لئے انتخابی ریلی کو خطاب کریں گے اور انہیں جتانے کی اپیل کریں گے۔ واضح رہے کہ پپو یادو نے 21 جنوری کو بادلی میں کانگریس امیدوار دیویندر یادو کی حمایت میں تشہیر کی تھی۔
اس دوران انہوں نے دعویٰ کیا تھا کہ بادلی میں تبدیلی کی لہر ہے۔ اس کے علاوہ بلیماران اسمبلی حلقہ کے نبی کریم علاقے میں میں ہارون یوسف کی حمایت میں انتخابی جلسہ کیا اور انہیں جتانے کی اپیل کی۔ پورنیہ کے رکن پارلیمنٹ پپو یادو سوشل میڈیا پر بھی کافی سرگرم رہتے ہیں۔ گزشتہ دنوں بی جے پی امیدوار رمیش بدھوڑی کے ذریعہ پرینکا گاندھی پر کئے گئے نازیبا تبصرہ پر پپو یادو نے سخت ردعمل کا اظہار کیا تھا۔ انہوں نے کہا تھا کہ رمیش بدھوڑی نے پرینکا گاندھی کی ہی نہیں پورے ملک کی بیٹیوں کی توہین کی ہے۔ ملک کی بیٹیوں کی توہین کرانے کی سازش نریندر مودی، امت شاہ اور جے پی نڈا نے کیا ہے۔ جس شخص نے ایوان میں دانش علی کو گالی دی، ایوان کی توہین کی، اسے ٹکٹ دینا سازش ہے۔
ذریعہ
ذریعہ: Islam Times
پڑھیں:
جےیوآئی کے سینئررہنما حافظ حمداللہ لاپتہ ہوگئے
کوئٹہ(نیوز ڈیسک) جمعیت علمائے اسلام (جے یو آئی) کے مرکزی رہنما حافظ حمداللہ سے کئی گھنٹوں تک رابطہ نہ ہونے کی اطلاعات سامنے آنے کے بعد سیاسی حلقوں اور پارٹی کارکنوں میں تشویش کی لہر دوڑ گئی۔
تفصیلات کے مطابق حافظ حمداللہ کے صاحبزادے حافظ خلیل نے میڈیا سے گفتگو کرتے ہوئے بتایا کہ ان کے والد کا موبائل فون بند آ رہا ہے اور ان کے ساتھ موجود ساتھیوں سے بھی رابطہ نہیں ہو پا رہا۔
انہوں نے کہا کہ حافظ حمداللہ آج بلوچستان کے علاقے سنجاوی میں ایک پروگرام میں شرکت کیلئے گئے تھے، تاہم چند گھنٹوں سے ان سے کوئی رابطہ قائم نہیں ہو سکا جس کے باعث اہل خانہ اور پارٹی رہنماؤں میں تشویش پیدا ہوئی۔
دوسری جانب جمعیت علمائے اسلام کے مرکزی سیکرٹری جنرل مولانا عبدالغفور حیدری نے صورتحال کا نوٹس لیتے ہوئے ڈپٹی کمشنر زیارت سے رابطہ کیا۔
پارٹی ذرائع کے مطابق ڈپٹی کمشنر زیارت نے مولانا عبدالغفور حیدری کو آگاہ کیا کہ حافظ حمداللہ محفوظ مقام پر موجود ہیں اور ان کی خیریت سے متعلق کوئی تشویش کی بات نہیں۔
واقعے کی اطلاع سامنے آنے کے بعد جے یو آئی کے کارکنوں اور رہنماؤں کی جانب سے حافظ حمداللہ کی جلد از جلد عوامی سطح پر موجودگی اور رابطے کی بحالی کی خواہش کا اظہار کیا گیا ہے۔
پارٹی حلقوں کا کہنا ہے کہ رابطہ منقطع ہونے کی وجہ سے مختلف قیاس آرائیاں جنم لے رہی تھیں، تاہم انتظامیہ کے بیان کے بعد صورتحال کسی حد تک واضح ہو گئی ہے۔
مزید تفصیلات اور سرکاری وضاحت سامنے آنے کا انتظار کیا جا رہا ہے۔
مزید پڑھیں۔بجلی صارفین متوجہ ہوں،اہم اعلان سامنے آگیا
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ