قیادت ناراض، کرپشن پر تحفظات، گنڈا پور فارغ، جنید اکبر صدر پی ٹی آئی کے پی کے
اشاعت کی تاریخ: 26th, January 2025 GMT
اسلام آباد + راولپنڈی (اپنے سٹاف رپورٹر سے) وزیر اعلیٰ خیبر پی کے علی امین گنڈاپورکو پی ٹی آئی خیبرپی کے کے عہدہ صدارت سے فارغ کر دیا گیا۔ رکن قومی اسمبلی جنید اکبر کو خیبر پی کے کا نیا صوبائی صدر نامزد کر دیا گیا۔ یہ بات سیکرٹری جنرل پی ٹی آئی سلمان اکرم راجہ نے اڈیالہ جیل میں بانی پی ٹی آئی عمران خان سے ملاقات کے بعد صحافیوں سے گفتگو کرتے ہوئے کہی۔ پی ٹی آئی سیکرٹری جنرل سلمان اکرم راجہ کا کہنا ہے کہ جنید اکبر کا بطور صدر تعیناتی کا نوٹیفکیشن جلد جاری ہو گا۔ پنجاب میں پارٹی کو منظم کرنے کے لئے مزید لوگوں کو اہم ذمہ داریاں دی جائیں گی۔ بانی سمجھتے ہیں کہ کے پی کے صوبہ میں علی امین کی بہت ذمہ داریاں ہیں، ان کی خواہش پر بانی نے فیصلہ کیا ہے کہ جنید اکبر پارٹی صدر کے پی ہوں گے۔ مشعال یوسفزئی بشریٰ بی بی کی ترجمان ہیں۔ بانی پی ٹی آئی سمجھتے ہیں۔ عالیہ حمزہ کو پنجاب میں بڑا عہدہ دیا جائے ہم جلد بیٹھیں گے اور پنجاب میں عالیہ حمزہ کے حوالے سے اہم فیصلہ کریں گے۔ سلمان اکرم راجہ کو جنید اکبر کی تقرری کا نوٹیفیکیشن جاری کرنے کی ہدایت کر دی ہے۔ اس کے علاوہ بانی نے سیکریٹری جنرل سلمان اکرم راجہ پنجاب پارٹی کی تشکیل نو کیلئے مشاورت شروع کرنے کی ہدایت کر دی۔ ذرائع کا کہنا ہے کہ بانی پی ٹی آئی نے خیبر پی کے میں کرپشن پر تحفظات کا اظہار کیا۔ اور علی امین گنڈا پور کو پیغام دیا ہے کہ وہ ڈیرہ اسماعیل خان کی سیاست سے باہر آئیں۔ سلمان اکرم راجا کا مزید کہنا تھا کہ یہ فیصلہ جنید اکبرکی عمران خان سے جیل میں ملاقات کے دوران کیا گیا۔ بانی پی ٹی آئی نے علی امین گنڈا پور کو کہا ہے کہ صوبہ میں دہشتگردی اور گورننس کے معاملات پر فوکس کریں۔دوسری جانب پی ٹی آئی کے نومنتخب صوبائی صدر جنید اکبر نے سوشل میڈیا پر پیغام دیا اور کہا ہے کہ میں اپنے قائد عمران خان کا بے حد مشکور ہوں کے مجھے صوبائی صدر نامزد کیا، مجھے علی امین، عاطف خان اور شاہ فرمان کے مشورے سے چنا گیا۔ انہوں نے مزید کہا کہ پارٹی میں کسی گروپ بندی کی گنجائش نہیں، ہم ایک تھے، ایک ہیں اور انشاء اللہ ایک رہیں گے۔ علاوہ ازیں پاکستان تحریک انصاف خیبر پی کے میں وزیر اعلیٰ علی امین گنڈاپور کو سیاسی ایجی ٹیشن میں لیڈنگ رول دینے کے بعد انہیں صوبائی حکومت کے رول تک محدود کرگئی۔ قومی اسمبلی میں پبلک اکائونٹس کمیٹی کے چیئرمین منتخب ہونے کے دوسرے ہی دن مالاکنڈ سے ایم این اے جنید اکبر کوصوبہ خیبر پی کے کا صدر تعینات کرنے کا فیصلہ بھی کر دیا گیا۔ 24 نومبر کو پی ٹی آئی کے ڈی چوک اسلام آباد میں احتجاج کے بعد پی ٹی آئی کی قیادت علی امین گنڈاپور سے کچھ نالاں ہو گئی۔ ان کے اسلام آباد میں ہونے والے احتجاج کے بعد اچانک منظر سے اوجھل ہونا بھی ان کی جوابدہی کا باعث بنا۔ جنید اکبر سیاسی رابطوں اور پارٹی رہنماؤں کی قربت میں رہے۔ ان کے معتدل رویے سے قومی اسمبلی میں حکومتی جماعت کے چیف وہپ ڈاکٹر طارق فضل چوہدری نے ان کا نام بطور چیئرمین پبلک اکائونٹس کمیٹی کے تجویز کیا لیکن پی ٹی آئی ان کے اعتدال کو سخت گیری میں بدلتے ہوئے انہیں خیبر پی کے کی پارٹی صدارت کا عہدہ بھی حوالے کر گئی تاکہ پارٹی کے صوبائی صدر کے طور پر وہ بحیثیت قومی اسمبلی کے چیئرمین پبلک اکائونٹس کمیٹی کے بھی پارٹی کے سخت گیر سیاسی وزن کے ساتھ موجود ہوں۔
.ذریعہ: Nawaiwaqt
کلیدی لفظ: سلمان اکرم راجہ بانی پی ٹی ا ئی قومی اسمبلی خیبر پی کے جنید اکبر علی امین کے بعد
پڑھیں:
اسپیکر سندھ اسمبلی اویس قادر شاہ سے ایران کے قونصل جنرل اکبر عیسی زادہ کی ملاقات
ملاقات کے دوران قونصل جنرل اکبر عیسی زادہ نے بتایا کہ مجلس شوری اسلامی (ایران) کے اسپیکر محمد باقر قالیباف جلد پاکستان کے سرکاری دورے پر آئیں گے جس دوران وہ صدرِ مملکت، وزیرِ اعظم، چیف آف آرمی اسٹاف اور اسپیکر قومی اسمبلی سے ملاقاتیں کریں گے جبکہ ایرانی اسپیکر کراچی بھی آئیں گے اور اسپیکر سید اویس قادر شاہ سے ملاقات کریں گے۔ اسلام ٹائمز۔ اسپیکر صوبائی اسمبلی سندھ سید اویس قادر شاہ سے اسلامی جمہوریہ ایران کے قونصل جنرل اکبر عیسی زادہ نے ملاقات کی۔ قونصل جنرل کے ہمراہ مجلس شوری اسلامی (ایران) کے ڈائریکٹر جنرل خوسروی بھی موجود تھے۔ اسپیکر سید اویس قادر شاہ کے ہمراہ رکن صوبائی اسمبلی ڈاکٹر فوزیہ حمید بھی ملاقات میں شریک تھیں، اسپیکر سید اویس قادر شاہ نے معزز مہمانوں کو خوش آمدید کہا اور نیک خواہشات کا اظہار کیا۔ اکبر عیسی زادہ نے سابق اسپیکر آغا سراج درانی کے انتقال پر تعزیت کا اظہار کیا، ایران اور پاکستان پارلیمانی دوستی گروپ کے چیئرمین فدا حوسین مالکی کا پیغامِ یکجہتی بھی پہنچایا۔ ملاقات کے دوران قونصل جنرل اکبر عیسی زادہ نے پاکستان اور ایران کے درمیان موجود تاریخی، ثقافتی، مذہبی اور اقتصادی تعلقات کو اجاگر کیا اور باہمی تجارت و تعاون کے فروغ کی خواہش ظاہر کی۔ انہوں نے بتایا کہ مجلس شوری اسلامی (ایران) کے اسپیکر محمد باقر قالیباف جلد پاکستان کے سرکاری دورے پر آئیں گے جس دوران وہ صدرِ مملکت، وزیرِ اعظم، چیف آف آرمی اسٹاف اور اسپیکر قومی اسمبلی سے ملاقاتیں کریں گے جبکہ ایرانی اسپیکر کراچی بھی آئیں گے اور اسپیکر سید اویس قادر شاہ سے ملاقات کریں گے۔
قونصل جنرل نے مزید بتایا کہ ایران کے اسپیکر ایک مشترکہ اقتصادی فورم قائم کرنے کے خواہاں ہیں اور تجویز دی ہے کہ اسپیکر سید اویس قادر شاہ اس فورم کے سندھ چیپٹر کی قیادت کریں، جس میں معروف کاروباری نمائندے شامل ہوں گے۔ اسپیکر سید اویس قادر شاہ نے تجویز کو سراہا اور بتایا کہ وہ ایرانی اسپیکر کے متوقع دورے پر پہلے ہی اسپیکر قومی اسمبلی سے بات چیت کر چکے ہیں۔ انہوں نے تجویز دی کہ ایرانی اسپیکر اور وفد کی میزبانی سندھ اسمبلی میں کی جائے، جہاں اراکینِ اسمبلی اور صوبائی وزرا معزز مہمانوں کا خیرمقدم کریں اور انہیں اسمبلی کے دونوں ایوانوں کا دورہ کرایا جائے۔ قونصل جنرل اکبر عیسی زادہ نے اسپیکر سید اویس قادر شاہ کا شکریہ ادا کیا اور ملاقات کو مفید قرار دیا۔ اس موقع پر اسپیکر سید اویس قادر شاہ نے مہمان وفد کو سندھ اسمبلی کی یادگاری شیلڈ پیش کی اور سندھ کی روایت کے مطابق اجرک اور ٹوپی کا تحفہ پیش کیا اور قونصل جنرل اکبر عیسی زادہ نے بھی اسپیکر سید اویس قادر شاہ کو یادگاری سووینیر پیش کیا۔
عہدِ حاضر میں مارکسزم کی معنویت (حصہ اول)