امریکی ایوان نمائندگان کو پاکستان کیخلاف اکسایا جارہا ہے، محسن نقوی
اشاعت کی تاریخ: 26th, January 2025 GMT
وفاقی وزیرداخلہ محسن نقوی نے کہا ہے کہ امریکی ایوان نمائندگان کو پاکستان کے خلاف اکسایا جارہا ہے، سیاست کریں لیکن اس حد تک نہ جائیں کہ پاکستان کا نقصان ہو۔
ہیوسٹن میں میڈیا سے گفتگو کرتے ہوئے وزیر داخلہ محسن نقوی نے کہا کہ دورہ امریکا کے دوران کانگریس اراکین کے ساتھ ملاقاتیں بہت مثبت رہیں، دہشتگردی صرف پاکستان کی نہیں سب کی مشترکہ لڑائی ہے، امریکی سیاستدانوں سے مل کر دہشتگردی کے خلاف منصوبہ بنائیں گے اور پاکستان کے خلاف ہتھیار اٹھانے والوں سے آہنی ہاتھوں سے نمٹیں گے۔
یہ بھی پڑھیں: محسن نقوی کی امریکی کمپنیوں کو ملک میں سرمایہ کاری کی دعوت
دورہ امریکا کے دوران چین مخالف تقریب میں شرکت سے متعلق وضاحت کرتے ہوئے انہوں نے کہا کہ چین کے خلاف کسی تقریب میں شرکت نہیں کی، اس حوالے سے مخالفین پروپیگنڈا کررہے ہیں۔
انہوں نے نوجوانوں کی تقریب میں شرکت کی تھی جس پر پروپیگنڈا کیا گیا اور اسے غلط رنگ دیا گیا۔ انہوں نے کہا کہ ایسے پروپیگنڈے سے فرق نہیں پڑتا۔
یہ بھی پڑھیں: محسن نقوی کے دورہ امریکا میں وزارت خارجہ کا کوئی کردار نہیں، ترجمان دفتر خارجہ
واضح رہے کہ ہفتے کو وزیر داخلہ محسن نقوی نے امریکا میں یو ایس چیمبر آف کامرس کا دورہ کیا تھا اور امریکن پاکستان بزنس کونسل کے ایک اعلیٰ سطح کے وفد سے ملاقات کی تھی، جس میں انہوں نے امریکی کمپنیوں کو پاکستان میں سرمایہ کاری کی دعوت دی تھی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews امریکی ایوان نمائندگان پاکستان پروپیگنڈا چین مخالف تقریب دہشتگردی دورہ امریکا شرکت کسایا وزیر داخلہ محسن نقوی.ذریعہ: WE News
کلیدی لفظ: امریکی ایوان نمائندگان پاکستان پروپیگنڈا دہشتگردی دورہ امریکا شرکت کسایا وزیر داخلہ محسن نقوی دورہ امریکا محسن نقوی انہوں نے کے خلاف نے کہا
پڑھیں:
امریکی ناظم امور کا قصور کا دورہ، سیلاب میں ایک جان بھی ضائع نہ ہونے دینے پر انتظامیہ کی تعریف
امریکی ناظم الامور نیٹلی بیکر نے 12 سے 14 ستمبر تک لاہور اور قصور کے دورے کے دوران پاکستان کی سیلاب سے بحالی کے لیے جاری کوششوں کے حوالے سے امریکی عزم پر زور دیا۔
یہ بھی پڑھیں: امریکی ناظم الامور نیٹلی بیکر کا دورہ کراچی، وزیراعلیٰ سندھ، بزنس کمیونٹی سے بھی ملاقات
پنجاب کے ریلیف کمشنر نبیل جاوید کے ساتھ اپنی ملاقات میں ناظم الامور بیکر نے پنجاب میں جاری ہنگامی کوششوں پر تبادلہ خیال کیا اور بحالی کی ان کوششوں میں امریکا کی جانب سے آفات کے دوران جان بچانے والی امدادی اشیا کی فراہمی کو اجاگر کیا۔
انہوں نے 14 ستمبر کو دریائے ستلج سے ملحق سب سے زیادہ متاثرہ اضلاع میں سے ایک قصور میں امدادی کیمپوں میں بے گھر خاندانوں اور امدادی کارکنوں سے ملاقات کی۔
ناظم الامور بیکر نے متاثرہ افراد کی قوت مدافعت کو سراہا اور امدادی کارکنوں کی انتھک کوششوں کی بھی تعریف کی۔
مزید پڑھیے: وفاقی وزیر داخلہ محسن نقوی سے امریکا کی قائم مقام سفیر نیٹلی بیکر کی ملاقات
انہوں نے کہا کہ میں ضلعی انتظامیہ کی انتہائی مربوط کوششوں کو سراہتی ہوں جس نے اس بات کو یقینی بنایا کہ اس علاقے میں ایک بھی زندگی ضائع نہ ہو۔
انہوں نے کہا کہ ضلعی سطح پر کی جانے والی کوششوں میں زندگیاں بچانے والی بحالی، فوری امداد اور سیلاب سے متاثرہ خاندانوں کی مسلسل دیکھ بھال شامل ہے جو ایک بہترین مثال ہے۔
ناظم الامور بیکر نے لاہور میں آل پاکستان ٹیکسٹائل ملز ایسوسی ایشن (اے پی ٹی ایم اے) کے ممبران اور کاروبار، حکومت، آئی ٹی، تعلیم، آرٹس، ثقافت اور دیگر مختلف شعبوں سے تعلق رکھنے والے نوجوان پیشہ ور افراد سے بھی ملاقات کی۔
مزید پڑھیں: نیٹلی بیکر نئی امریکی ڈپٹی چیف آف مشن، اسلام آباد میں ذمہ داریاں سنبھال لیں
نیٹلی بیکر نے تجارت اور اقتصادی ترقی کے لیے امریکی عزم پر زور دیتے ہوئے کہا کہ ہم امریکا اور پاکستان دونوں ملکوں کے لوگوں کے لیے ملازمتوں کے مواقع پیدا کرنے اور خوشحالی کو فروغ دینےکے لیے بہترین امریکی ٹیکنالوجی، اختراعات، اور کاروبار لانا چاہتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
امریکا امریکا کی قائم مقام سفیر نیٹلی بیکر امریکی ناظم الامور نیٹلی بیکر قصور قٓصور انتظامیہ کی تعریف قصور سیلاب
سونے کی قیمت نئی بلند ترین سطح پر پہنچ گئی