پنجاب میں “اپنی چھت، اپنا گھر” پروگرام تاریخی کامیابی سے ہمکنار
اشاعت کی تاریخ: 26th, January 2025 GMT
لاہور(نیوز ڈیسک) وزیراعلیٰ پنجاب مریم نواز کا “اپنی چھت، اپنا گھر” پروگرام ایک تاریخی کامیابی بن گیا ہے۔
منصوبے کے تحت صوبہ بھر میں 9 ہزار سے زائد افراد کو ساڑھے 8 ارب روپے سے زائد کے بلاسود قرضے جاری کیے جا چکے ہیں۔ چند ماہ کی قلیل مدت میں ساڑھے 8 ارب روپے کے مائیکروفنانس قرضے جاری کرنے کا منفرد ریکارڈ قائم کیا گیا ہے۔ منصوبے کے پہلے مرحلے میں 5 ہزار لون جاری کیے گئے، جبکہ دوسرے مرحلے میں 3 ہزار مزید لون کے ذریعے گھروں کی تعمیر کا آغاز ہو چکا ہے۔
“اپنی چھت، اپنا گھر” کے پورٹل پر اب تک 4 لاکھ سے زائد درخواستیں جمع ہو چکی ہیں، جو ایک نیا ریکارڈ ہے۔ ان درخواستوں کی تصدیق تین غیر جانبدار مائیکروفنانس ادارے کر رہے ہیں تاکہ مکمل شفافیت کو یقینی بنایا جا سکے۔پروگرام کے تحت 5 ہزار سے زائد مکانات تکمیل کے آخری مراحل میں ہے، جبکہ مزید گھروں کی تعمیر بھی جاری ہے۔ وزیر اعلیٰ کے مطابق ایک سال میں ایک لاکھ اور پانچ سال میں پانچ لاکھ گھروں کی تعمیر کا ہدف حاصل کیا جائے گا۔
وزیر اعلیٰ مریم نواز شریف نے زور دیا کہ اس پروگرام میں سفارش کا کوئی عمل دخل نہیں ہوگا اور تمام قرض میرٹ پر دیے جائیں گے۔ پروگرام کے تحت 15 لاکھ روپے کے قرضے حاصل کرنے والے افراد کو 9 سال میں ماہانہ 14 ہزار روپے قسط کی صورت میں اصل رقم ہی واپس کرنی ہوگی، جو عوام کے لیے ایک اہم سہولت ہے۔
وزیر اعلیٰ مریم نواز شریف کا کہنا ہے، “ریاست ماں کے جیسی ہوتی ہے، اور ماں کو بے گھر بچوں کا سب سے زیادہ احساس ہوتا ہے۔ دل چاہتا ہے کہ پنجاب میں کوئی بھی بے گھر نہ رہے اور ہر کسی کے پاس اپنی چھت کا سکون ہو۔” منصوبے سے متعلق مزید معلومات کے لیے پورٹل acag.
مریم نوز نے کہا یہ منصوبہ عوامی فلاح کا سب سے بڑا اور بہترین ہاؤسنگ پراجیکٹ ثابت ہو رہا ہے، جس سے لاکھوں بے گھر افراد کو اپنی چھت کا خواب پورا کرنے کا موقع ملے گا۔
ذریعہ: Daily Mumtaz
کلیدی لفظ: اپنی چھت
پڑھیں:
آسٹریلوی خاتون نے 7 ہزار سے زائد پُل اپس کر کے نیا عالمی ریکارڈ قائم کر دیا
آسٹریلیا کی ایک فٹنس کی شوقین خاتون نے 24 گھنٹوں کے اندر 7,079 پُل اپس مکمل کر کے گنیز ورلڈ ریکارڈ قائم کر دیا۔ یہ شاندار کارنامہ پچھلے ریکارڈ سے تقریباً دوگنا ہے۔
یہ بھی پڑھیں:امریکی شخص نے 10001 پل اپس لگا کر عالمی ریکارڈ توڑ دیا
یہ نیا ریکارڈ نیو ساؤتھ ویلز کے شہر واگا واگا کی رہائشی کینڈی کمنز (Kandy Cummins) نے 29 مئی سے 30 مئی 2025 کے دوران انجام دیا۔
انہوں نے مسلسل پُل اپس کرتے ہوئے جسمانی مضبوطی، حوصلے اور استقامت کی ایک غیرمعمولی مثال قائم کی۔
پچھلا ریکارڈ آسٹریلوی لائف گارڈ اور آئرن مین کین ایکسٹین (Cain Eckstein) کے پاس تھا، جنہوں نے 2016 میں 7,620 پل اپس کیے تھے۔ تاہم، بعد میں گنیز ورلڈ ریکارڈز نے ان کی کوشش کو باضابطہ طور پر تسلیم نہیں کیا، جس کے باعث نیا تسلیم شدہ ریکارڈ کافی کم تھا، اور کینڈی کمنز نے اسی تسلیم شدہ حد کو پار کیا۔
یہ بھی پڑھیں:پلک جھپکتے ہی روبک کیوب حل کرنیوالے روبوٹ نے عالمی ریکارڈ بنا دیا
کینڈی نے اس ریکارڈ کو حاصل کرنے کے لیے کئی ماہ کی محنت، ورزش، اور منصوبہ بندی کی۔ ان کا کہنا تھا کہ یہ صرف جسمانی چیلنج نہیں تھا، بلکہ ایک ذہنی اور جذباتی جدوجہد بھی تھی۔
انہوں نے کہا یہ صرف میرے لیے نہیں تھا، میں چاہتی تھی کہ میں لڑکیوں اور خواتین کو دکھا سکوں کہ وہ بھی دنیا کے سب سے مشکل جسمانی کارنامے سر انجام دے سکتی ہیں۔
کینڈی کی یہ کوشش نہ صرف ایک ذاتی کامیابی ہے بلکہ خواتین کی فٹنس اور قوتِ ارادی کی عالمی سطح پر پہچان کا ایک نیا باب بھی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آسٹریلین خاتون پل اپس عالمی ریکارڈ کینڈی کمنز گنیز ورلڈ ریکارڈ
رحیم یار خان: نہر کا شگاف 40 گھنٹے بعد بھی پُر نہ کیا جا سکا، 10 دیہات متاثر