سوارا بھاسکر کا ایکس اکاؤنٹ معطلی کے بعد بحال
اشاعت کی تاریخ: 2nd, February 2025 GMT
اداکارہ سوارا بھاسکر کا ایکس اکاؤنٹ ‘معطل’ اور ‘ہیک’ ہونے کے بعد دوبارہ حاصل کر لیا گیا ہے۔
سوارا نے اتوار کو اپنے سوشل میڈیا ہینڈلز پر ایک پوسٹ شیئر کی تاکہ اس اپڈیٹ کو شیئر کیا جا سکے۔ مزید برآں، انہوں نے ان لوگوں کا شکریہ بھی ادا کیا جنہوں نے اس عمل کے دوران ان کے ساتھ تعاون کیا۔
خیال رہے کہ 26 جنوری کو بھارت کے یومِ جمہوریہ کے موقع پر اداکارہ نے جو پوسٹ کی تھی اسے کاپی رائٹ کی خلاف ورزی قرار دیتے ہوئے ان کا ایکس اکاؤنٹ مستقل طور پر معطل کردیا گیا تھا۔
جس کے بعد انہوں نے ایک انسٹاگرام پوسٹ میں ایکس کے اس اقدام کو ‘مضحکہ خیز اور ناقابل برداشت’ قرار دیا اور انسٹاگرام پر ایک پوسٹ کرتے ہوئے اس فیصلے پر نظرثانی اور اسے واپس لینے کی درخواست کی۔
بعدازاں ایک اور پوسٹ میں سوارا نے کچھ تصاویر بطور ثبوت پیش کرکے بتایا تھا کہ ان کا ایکس اکاؤنٹ کسی مشکوک ای میل کے سبب بظاہر ہیک ہوگیا ہے۔
انہوں نے ایک تفصیلی نوٹ میں اس مسئلے کی وضاحت کرتے ہوئے کہا تھا کہ ‘میں نے کاپی رائٹ کی خلاف ورزی کے الزام کے بعد 30 جنوری کو اپنے اکاؤنٹ سے لاگ آؤٹ کر دیا تھا جس کے خلاف میں نے اپیل کی تھی، اس کے بعد میں نے اپنا پاس ورڈ تبدیل کرنے اور اپنے X اکاؤنٹ تک دوبارہ رسائی حاصل کرنے کی کوشش کی لیکن ناکام رہی۔ پھر مجھے ایک ای میل موصول ہوئی جس میں یہ دعویٰ کیا گیا تھا کہ 2 فیکٹر آتھینٹیکیشن بند کردی گئی ہے۔
اداکارہ نے بتایا کہ ‘اگلے دن 31 جنوری کو مجھے ایک ای میل موصول ہوئی جس میں کہا گیا ہے کہ کسی نامعلوم اکاؤنٹ نے میرے ہینڈل سے بھیجا گیا انویٹیشن قبول کر لیا ہے اور اب وہ پوسٹ کر سکتے ہیں، ڈی ایم بھیج سکتے ہیں اور فہرستیں اور گروپس بنا سکتے ہیں، حالانکہ میں نے کسی کو بھی ایسا کوئی انویٹیشن نہیں بھیجا’۔
اداکارہ نے کہا تھا کہ ‘بلیو ٹک تصدیق شدہ اکاؤنٹ ReallySwara اب بھی ایکس پر موجود ہے لیکن اب مجھے اس تک رسائی نہیں ہے، ایسا لگتا ہے کہ میرا اکاؤنٹ ہیک ہو گیا ہے، ساتھ ہی اس انویٹیشن کے بارے میں اس گفتگو کے حوالے سے موصول ہونے والی اطلاعات کے اسکرین شاٹس بھی پوسٹ کیے’۔
تاہم کل رات گئے ایکس پر ایک پوسٹ کر کے اداکارہ نے اکاؤنٹ کی بحالی کا بتایا، انہوں نے کہا کہ ‘آخر کار ہم ایک پریشان کن شخص کی طرح واپس آ گئے ہیں، آپ سب کا شکریہ جنہوں نےایکس بھارت کی مدد کی’، مداحوں نے اس پوسٹ پر ردعمل کا اظہار کیا اور سوارا کو مبارکباد دی۔
سوارا بھاسکر ہمیشہ اپنے خیالات اور سیاسی موقف کے بارے میں کھل کر بولتی ہیں، اکثر ان کی وجہ سے ردعمل کا سامنا کرنا پڑتا ہے۔ فی الحال، وہ اپنی شادی اور زچگی کے بعد وقفے پر ہے۔
.ذریعہ: Daily Mumtaz
کلیدی لفظ: کا ایکس اکاؤنٹ اداکارہ نے انہوں نے کے بعد تھا کہ گیا ہے
پڑھیں:
ایشیئن کرکٹ کونسل نے پاکستان اور یواےای میچ کی تصدیقی پوسٹ ڈیلیٹ کردی
ایشیئن کرکٹ کونسل نے پاکستان اور یواےای کے مابین آج ہونے والے میچ کی تصدیقی پوسٹ ڈیلیٹ کردی۔ تفصیلات کے مطابق ایشیاء کپ میں آج پاکستان اور یواےای کے درمیان گروپ اے کا فیصلہ کن میچ کھیلا جانا ہے۔ جس میں سے فتحیاب ٹیم اگلے راؤنڈ کیلئے کوالیفائی کرجائے گی۔ پاکستان کی جانب سے میچ ریفری کی تبدیلی تک ایشیا کپ کے بائیکاٹ کا اعلان کیا گیا ہے۔ دوسری جانب ایشین کرکٹ کونسل نے ایک پوسٹ میں پاکستان کے میچ کی تصدیق کی تھی۔ ایشین کرکٹ کونسل نے سوشل میڈیا پر پاکستان اور یو اے ای کے درمیان میچ کی تصدیق کی تھی۔
دریاؤں میں پانی کی صورتحال ابھی تک غیر معمولی ہے، شرجیل میمن