امریکا میں 40ہزار ڈالر مالیت کے انڈوں کی چوری
اشاعت کی تاریخ: 5th, February 2025 GMT
واشنگٹن(اردوپوائنٹ اخبارتازہ ترین-انٹرنیشنل پریس ایجنسی۔05 فروری ۔2025 )امریکی ریاست پنسلوانیا میں برڈ فلو کی وبا پھیلنے کے بعد قیمتوں بڑھنے پر چوروں نے گروسری اسٹور سے 40 ہزار ڈالر مالیت کے ایک لاکھ انڈے چوری کرلیے برطانوی نشریاتی ادارے کی رپورٹ کے مطابق امریکی ریاست پنسلوانیا میں چوروں نے ایک گروسری اسٹور سے ایک لاکھ سے زائد انڈے چوری کر لیے جن کی مالیت 40 ہزار ڈالر ہے.
(جاری ہے)
پولیس کا کہنا ہے کہ چوروں نے یکم فروری کو گرین کاسل میں پیٹ اینڈ گیری آرگینیکس میں ایک لاری کے پچھلے حصے کو نشانہ بنایا تھا یہ واقعہ ایسے وقت میں سامنے آیا ہے جب برڈ فلو کی وبا کے دوران انڈوں کی قیمت میں اضافہ ہوا ہے جس سے وہ غیر متوقع طور پر مہنگے ہوگئے ہیں امریکی چین وافل ہاﺅس نے حال ہی میں اپنے انڈوں کی قیمت میں اضافہ کیا ہے. امریکی حکومت کے اعداد و شمار کے مطابق گزشتہ سال انڈوں کی قیمتوں میں 65 فیصد سے زائد اضافہ ہوا ہے محکمہ زراعت نے پیش گوئی کی ہے کہ 2025 میں انڈوں کی لاگت میں تقریباً 20 فیصد اضافہ ہوگا وافل ہاﺅس نے صارفین کو آگاہ کیا ہے کہ فی انڈہ 0.50 ڈالر سرچارج وصول کیا جائے گا امریکی ڈائنر چین نے اسے انڈوں کی قیمتوں میں غیر معمولی اضافے سے منسلک عارضی ٹارگٹڈ سرچارج قرار دیا ہے. محکمہ زراعت کے مطابق برڈ فلو کی وبا 2022 میں شروع ہوئی تھی اور حالیہ مہینوں میں یہ وبا امریکا بھر میں پھیلی ہے محکمے نے کہا ہے کہ صرف دسمبر میں قیمتوں میں 8 فیصد سے زیادہ اضافہ ہوا اعداد و شمار سے یہ بھی پتہ چلتا ہے کہ دسمبر 2023 میں ایک کارٹن کی اوسط قیمت 2.51 ڈالر تھی جو کہ ایک سال بعد 4.15 ڈالر تک پہنچ گئی اس اضافے سے کچھ اسٹورز میں شیلف خالی ہوگئی ہیں امریکا بھر میں پرندوں، مویشیوں اور ممالیہ جانوروں میں برڈ فلو کی وبا پھیلی ہے حالانکہ انسانوں میں یہ انفیکشن بہت کم ہوتا ہے.
ذریعہ: UrduPoint
کلیدی لفظ: تلاش کیجئے برڈ فلو کی وبا انڈوں کی
پڑھیں:
پیٹرول کی قیمت میں اضافہ ہوگیا، حکومت نے عوام پر مہنگائی کا نیا بوجھ ڈال دیا
data-id="863a0a8" data-element_type="widget" data-widget_type="theme-post-content.default">
اسلام آباد: حکومت نے ایک بار پھر عوام کو مہنگائی کا جھٹکا دیتے ہوئے پیٹرولیم مصنوعات کی قیمتوں میں اضافہ کر دیا ہے، جس کا اطلاق آج یکم نومبر 2025ء سے ہوگیا۔
خزانہ ڈویژن سے جاری ہونے والے باضابطہ اعلامیے میں بتایا گیا ہے کہ پیٹرول اور ہائی اسپیڈ ڈیزل دونوں کی قیمتوں میں اضافہ اوگرا اور متعلقہ وزارتوں کی سفارشات کے بعد منظور کیا گیا ہے۔ نئی قیمتیں اگلے پندرہ دن کے لیے نافذ العمل رہیں گی۔
اعلامیے کے مطابق پیٹرول کی فی لیٹر قیمت میں 2 روپے 43 پیسے اضافہ کر دیا گیا ہے، جس کے بعد پیٹرول کی نئی قیمت 265 روپے 45 پیسے فی لیٹر مقرر ہو گئی ہے۔ اس سے قبل پیٹرول 263 روپے دو پیسے فی لیٹر فروخت کیا جا رہا تھا۔
اسی طرح ہائی اسپیڈ ڈیزل کی قیمت میں بھی 3 روپے 2 پیسے فی لیٹر کا اضافہ کر کے نئی قیمت 278 روپے 44 پیسے مقرر کر دی گئی ہے، جب کہ گزشتہ 15 روز کے لیے یہی قیمت 275 روپے 42 پیسے فی لیٹر تھی۔
پیٹرولیم مصنوعات کی قیمتوں میں حالیہ اضافہ ایسے وقت میں سامنے آیا ہے جب عام شہری پہلے ہی اشیائے خوردونوش، بجلی اور گیس کی بلند قیمتوں سے پریشان ہیں۔
ماہرینِ معیشت کے مطابق عالمی منڈی میں تیل کی قیمتوں میں معمولی اتار چڑھاؤ کے باوجود مقامی سطح پر بار بار اضافہ حکومت کی مالیاتی پالیسیوں اور ٹیکس بوجھ کا نتیجہ ہے۔ ان کا کہنا ہے کہ حکومت کو چاہیے کہ قیمتوں کے تعین کے عمل میں شفافیت لائے اور عوامی مفاد کو مقدم رکھے۔
عوامی حلقوں میں اس فیصلے پر شدید ردعمل دیکھنے میں آیا ہے، خاص طور پر ٹرانسپورٹ اور زرعی شعبے سے وابستہ افراد نے خدشہ ظاہر کیا ہے کہ ایندھن کی قیمتوں میں اضافے سے کرایوں، مال برداری کے نرخوں اور اجناس کی قیمتوں میں مزید اضافہ ہوگا۔ شہریوں نے حکومت سے مطالبہ کیا ہے کہ وہ پیٹرولیم مصنوعات پر عائد ٹیکسوں میں کمی کرے تاکہ عام آدمی کو ریلیف دیا جا سکے۔
اسلام آباد کی طرف کسی نے میلی آنکھ سے دیکھا تو آنکھیں نکال دیں گے،خواجہ آصف