سیکیورٹی کا مسئلہ،سٹی کورٹ اور ملیر کورٹ کا علاقہ حساس قرار
اشاعت کی تاریخ: 6th, February 2025 GMT
٭ہزاروں کی تعداد میں روز آنے والے وکلاء اور سائلین عدم تحفظ کا شکار ہو گئے
٭جرائم پیشہ عناصر کی آڑ میں دہشت گرد داخل ہوسکتے ہیں، رپورٹ میں انکشاف
( رپورٹ: سید مظفر حسین عسکری)سٹی کورٹ اور ملیر کورٹ کو حساس قرار دے دیا گیا ہے۔ ہزاروں کی تعداد میں آنے والے وکلاء اور سائلین عدم تحفظ کا شکار کراچی بار کے صدر نے تحفظ فراہم کرنے کا مطالبہ کردیا ۔تفصیلات کے مطابق انتہا ئی باخبر ذرائع کے مطابق ایک حساس ادارے نے وزارت قانو ن کو سٹی کورٹ اور ڈسٹرکٹ کورٹ ملیر کی سیکیورٹی سے متعلق بھیجی گئی رپورٹ میں انکشاف کیا ہے کہ دونوں عدالتیں غیرمحفوظ ہیں جبکہ مذکورہ عدالتوں کے مرکزی دروازوں پر واک تھرو گیٹ نصب ہونے کے باوجود غیر متعلقہ اور جرائم پیشہ عناصر کی آمد کا سلسلہ جاری رہتا ہے اور وہاں ڈیوٹی پر مامور پولیس اہلکار رشوت کے عوض ، چرس، ہیروئن اور گٹکا، ماوا لے جانے کی بھی اجازت دے دیتے ہیں ۔رپورٹ میں کہا گیا ہے کہ سٹی کورٹ اور ملیر کورٹ میں جیلوں سے آنے والے قیدیوں کو نشہ آور اشیاء کی فروخت بھی جاری رہتی ہے جبکہ نشہ آور اشیاء فروخت میں ملوث جرائم پیشہ عناصر کی کورٹ پولیس اہلکار سہولت کاری کا کام انجام دیتے ہیں اور ان سے پیسے وصول کرتے ہیں۔ رپورٹ میں کہا گیا ہے کہ جرائم پیشہ عناصر کی آڑ میں دہشت گرد داخل ہوسکتے ہیں جبکہ عدالتوں میں آنے والے روزانہ ہزاروں وکلاء اور سائلین عدم تحفظ کا شکا ر ہیں۔ رپورٹ میں مزید کہا گیا ہے کہ اس سے قبل بھی سٹی کورٹ میں بم دھماکا فائرنگ اور قتل کے متعدد واقعات رونما ہوچکے ہیں ۔ اور اگر سٹی کورٹ اور ملیر کورٹ میں ہنگامی بنیادوں پر سیکیورٹی کے سخت انتظامات نہ کئے گئے تو کوئی بھی نا خوش گوار واقع ہوسکتا ہے ۔ ذرائع کے مطابق وزارت قانون نے رپورٹ کی روشنی پر عمل کرتے ہوئے سٹی کورٹ اور ڈسٹرکٹ کورٹ ملیر میں حفاظتی انتظامات سخت کرنے کے لئے آئی جی سندھ، چیف جسٹس سندھ ہائی کورٹ سمیت دیگر اعلیٰ حکمران کو مطلع کردیا ہے ۔جبکہ دوسری جانب کراچی بار ایسوسی ایشن کے نو منتخب صدر عامر نواز وڑائچ ایڈوکیٹ نے نمائندہ جرأت سے بات چیت کرتے ہوئے خصوصاً سٹی کورٹ میں سیکیورٹی کے معاملات پر تشویش کا اظہار کرتے ہوئے کہا ہے کہ وہ کئی مرتبہ آئی جی سندھ سمیت چیف جسٹس سند ھ ہائی کورٹ کے چیف جسٹس کو بھی اطلاع کرچکے ہیں کہ سٹی کورٹ میں جرائم پیشہ اور غیر متعلقہ لوگوں کی آمد کا سلسلہ جاری رہتا ہے جس کی وجہ سے وکلاء اور سائلین عدم تحفظ کا شکار ہے ۔ انہوں نے مطالبہ کیا کہ فوری طور پر سٹی کورٹ اور ملیر کورٹ میں حفاظتی اقدامات سخت کیے جائیں۔
.ذریعہ: Juraat
پڑھیں:
جے این یو طلباء یونین انتخابات کی صدارتی بحث میں پہلگام، وقف قانون اور غزہ کا مسئلہ اٹھایا گیا
نتیش کمار نے کہا کہ میں بی جے پی حکومت کو بھی چیلنج کرتا ہوں کہ اگر وہ پہلگام حملے کو ملک میں فرقہ پرستی پھیلانے کیلئے استعمال کرتی ہے تو جے این یو اسکے خلاف کھڑی ہوگی اور انہیں تباہ کر دیگی۔ اسلام ٹائمز۔ جواہر لال نہرو یونیورسٹی (جے این یو) طلباء یونین کے انتخابات میں صدارتی مباحثے کا اہتمام کیا گیا۔ صدر کے عہدہ کے لئے صدارتی بحث شروع ہونے سے پہلے اے بی وی پی اور اے آئی ایس اے کے درمیان جموں و کشمیر کے پہلگام کے دہشت گردانہ واقعہ اور فلسطین مسئلہ پر پوسٹر فلیگ کا تنازع دیکھا گیا۔ ساتھ ہی باپسا BAPSA اور این ایس یو آئی کے حامیوں پر جھگڑے اور ایک دوسرے کو دھکا دینے کا بھی الزام لگایا گیا۔ اس سب کے درمیان رات تقریباً 12.30 بجے بحث شروع ہوئی۔ تمام مقررین کو بولنے کے لئے 10 منٹ کا وقت دیا گیا، شروع میں تین مقررین نے اپنے خیالات پیش کئے۔
بحث کے دوران اے بی وی پی کے مرکزی پینل کی صدارتی امیدوار اور اے بی وی پی جے این یو یونٹ کی وزیر شیکھا سوراج نے پہلگام میں ہوئے دہشت گردانہ حملے کے مہلوکین کو خراج عقیدت پیش کرتے ہوئے بات کی۔ اس تناظر میں انہوں نے تند و تیز سوال اٹھایا کہ جب کچھ لوگ یہ نہیں مانتے کہ دہشتگردی کا کوئی مذہب ہوتا ہے تو وہ یہ کیوں نہیں بتاتے کہ حملہ آوروں کا مذہب اور شناخت کیا تھی۔ اس دوران یونائیٹڈ لیفٹ پینل سے AISA کے صدارتی امیدوار نتیش کمار نے پہلگام میں ہلاک ہونے والوں کو خراج عقیدت پیش کرتے ہوئے اپنی تقریر کا آغاز کیا۔ انہوں نے کہا کہ میں کشمیری عوام کے جذبے کو بھی سلام پیش کرتا ہوں جو مصیبت زدہ عوام کے ساتھ کندھے سے کندھا ملا کر کھڑے رہے۔
نتیش کمار نے کہا کہ میں بی جے پی حکومت کو بھی چیلنج کرتا ہوں کہ اگر وہ پہلگام حملے کو ملک میں فرقہ پرستی پھیلانے کے لئے استعمال کرتی ہے تو جے این یو اس کے خلاف کھڑی ہوگی اور انہیں تباہ کر دے گی۔ اپنی تقریر میں نتیش کمار نے کہا کہ ملک میں فاشزم کی انتہا پسندی کا دور جاری ہے۔ وقف ترمیمی بل لا کر مسلمانوں کی زمینیں چھینی جا رہی ہیں۔ سی اے اے این آر سی لا کر شہریت پر سوال اٹھایا جا رہا ہے۔ اس کے ساتھ ہی نتیش کمار نے فلسطین میں مارے جانے والے معصوم شہریوں کا ذکر کیا اور تشدد کو فوری طور پر روکنے کا مطالبہ کیا۔
اورنگی میں ڈکیتی مزاحمت پر قتل شہری کی والدہ بچوں کی تعلیم کیلئے فکرمند