مریم نفیس نے ایک بار پھر سب کی توجہ سمیٹ لی۔
اشاعت کی تاریخ: 6th, February 2025 GMT
پاکستانی اداکارہ، میزبان، کانٹنٹ کریئٹر اور اکٹوسٹ مریم نفیس نے ایک بار پھر حمل کے دوران تازہ ترین فوٹو شوٹ سوشل میڈیا پر شیئر کرکے سب کی توجہ سمیٹ لی۔ان دنوں مریم نفیس حمل کے آخری مراحل میں چل رہی ہیں اور اپنی اس پریگینسی جرنی کو خوب انجوائے کرتے ہوئے ہر گزرتے دن مختلف شوٹس سے سوشل میڈیا پر رونق لگائے نظر آتی ہیں۔اداکارہ مریم نفیس جلد ہی اپنے پہلے بچے کا خیر مقدم کرنے والی ہیں ، وہ سال 2022 میں امان احمد کیساتھ رشتہ ازدواج میں منسلک ہوئیں اور خوش خرم زندگی گزار رہی ہیں۔سیر سپاٹوں کی شوقین مریم نفیس کے شوبز کیرئیر کی بات کریں تو انہوں نے ڈراما ’’دیارِ دل‘‘میں بطور ’’زرمینے‘‘اداکاری کی دنیا میں قدم رکھا جس کے بعد ڈراما ’’کچھ نہ کہو‘‘ میں تابندہ کا کردار نبھاتی نظر آئیں۔علاوہ ازیں انہوں نے اپنے کرئیر میں کئی سپر ہٹ پراجیکٹس میں فنی صلاحیتوں کا ایسا مظاہرہ کیا کہ لاکھوں لوگوں کو بھی اپنا دیوانہ بنالیا۔چند دن قبل اداکاہ کیلئے گود بھرائی کی رسم کا اہتمام کیا گیا تھا جس میں فیملی کے افراد سمیت اداکار احمد علی اکبر اور عثمان خالد بٹ بھی شامل ہوئے۔اداکارہ کے اس لک کو دیکھ کر سوشل میڈیا صارفین نے ایک بار پھر انہیں ٹرول کرنا شروع کردیا جبکہ کئی صارفین ایسے بھی تھے جو اداکارہ کے بے بی گلو پر تعریفوں کے پھول نچھاور کرتے نظر آرہے تھے۔تاہم تنقید کرنے والوں کو خبردار کرتے ہوئے مریم نفیس نے اس بار بھی خاموشی اختیار نہیں کی بلکہ انسٹاگرام پر اسٹوری اپڈیٹ کرتے ہوئے ایک نعرہ بلند کیا کہ،میرا پیٹ میری مرضی جو ناقدین کی بولتی بند کرانے کیلئے کافی تھا۔
.ذریعہ: Nawaiwaqt
کلیدی لفظ: مریم نفیس
پڑھیں:
الریاض میں مشتاق بلوچ کی جانب سے صحافیوں کے اعزاز میں عشائیہ
data-id="863a0a8" data-element_type="widget" data-widget_type="theme-post-content.default">
پاکستان پیپلز پارٹی گلف مڈل ایسٹ کے نائب صدر مشتاق بلوچ کی جانب سے ریاض کے مقامی ہوٹل میں پاکستانی صحافی برادری کے اعزاز میں پرتکلف عشائیہ کا اہتمام کیا گیا جس میں شعبہ صحافت سے تعلق رکھنے والے افراد نے شرکت کی۔ عابد شمعون چاند کے مطابق تقریب سے خطاب کرتے ہوئے معروف سماجی ، علمی، ادبی اور مذہبی شخصیت انجینئر ارشد محمود تبسّم نے کہا کہ دیارِ غیر میں رہتے ہوئے تمام پاکستانی صحافی اپنی پیشہ ورانہ ذمہ داریاں بخوبی سر انجام دے رہیں صحافی حضرات تمام اختلافات سے بالا تر ہو کر اپنے قلم ، اخلاق اور کردار کے ذریعے دنیا میں پاکستان کا وقار بلند رکھنے میں اپنا کلیدی کردار ادا کریں تمام صحافی سعودی عرب میں نہ صرف اپنے ملک کا نام روشن کر رہے ہیں بلکہ اپنے قلم کے ذریعے اپنی زبان کو زندہ رکھتے ہوئے سات سمندر پار پاکستانی کمیونٹی کی بے لوث خدمات کر رہیں ہیں جو قابل ستائش ہے تقریب سے خطاب کرتے ہوئے میزبان مشتاق بلوچ نے تمام صحافیوں کی پیشہ وارانہ صحافت پر ان کو خراج تحسین پیش کرتے ہوئے کہا کہ صحافیوں کے درمیان اتحاد و یکجہتی سے ہی مثبت صحافت کو فروغ دیا جا سکتا ہے دیار غیر میں آپ تمام صحافی اصل مجاہد ہیں جو دیارِ غیر میں اپنے پیشہ ورانہ فرائض کے ساتھ ساتھ صحافتی سرگرمیوں کو بھی احسن طریقے سے انجام دے رہے ہیں مشتاق بلوچ کا کہنا تھا کہ دیار غیر میں تمام صحافی اردو صحافت کے فروغ سمیت پاکستانیوں کے امیج کو بہتر بنانے کیلئے ہر وقت کوشاں رہتے ہیں تقریب سے ، ملک ناظم علی ، زبیر بلوچ ، کامران اشرف ، سعد لودھی ، ملک عمران ، حمزہ عباس اور حسیب گوندل نے خطاب کرتے ہوئے کہا کہ پاک سعودی دوستی میں تمام صحافی پل کا کردار ادا کرتے رہیں گے تقریب کے آخر میں تمام حاضرین کو پر تکلف عشائیہ دیا گیا اور سعودی عرب سمیت پاکستان کی ترقی خوشحالی اور سالمیت کیلئے خصوصی دعا کے بعد تقریب اختتام پذیرہوئی۔
الیکشن کمیشن کےپاس اختیار نہیں کہ چیئرمین سینیٹ کے ریفرنس کےبغیر کسی رکن کو نااہل کرے، بیرسٹر گوہر