ڈیپ سیک نے اے پی آئی سروس ٹاپ اپس کو معطل کر دیا
اشاعت کی تاریخ: 6th, February 2025 GMT
ڈیپ سیک نے بے انتہا ٹریفک کی وجہ سے سرور کو دریپش مسائل کے پیش نظر اے پی آئی سروس ٹاپ اپس کو معطل کر دیا۔
یہ بھی پڑھیں: ڈیپ سیک یا چیٹ جی پی ٹی، مصنوعی ذہانت کا کون سا ماڈل بہتر ہے؟
اے پی آئی ایک ایسا پلیٹ فارم ہے جو دوسرے ماڈلز کے ڈویلپرز کو اپنے اے آئی ماڈلز کے درمیان ربط پیدا کرنے میں مددگار ثابت ہوتا ہے۔ اور یہ سروسز ڈیٹا کو بازیافت کرنے یا اپ ڈیٹ کرنے کے لیے کسی ایپلیکیشن کے لیے سرور سائیڈ سسٹم کے ساتھ انٹریکٹ کرنے کا ذریعہ بھی ہے۔
ڈیپ سیک نے سرور کے وسائل کی رکاوٹوں کی وجہ سے اے پی آئی کو عارضی طور پر معطل کیا ہے۔
چینی اے آئی اسٹارٹ اپ کو پچھلے 2 ہفتوں میں زیادہ ٹریفک کی وجہ سے سرور کے مسائل کا سامنا کرنا پڑرہا ہے۔
مزید پڑھیے: ڈیپ سیک کی ’جینیئس اے آئی گرل‘ کون ہے؟
واضح رہے کہ گزشتہ ماہ متعارف ہونے والا ڈیپ سیک ایک ایسا اے آئی ماڈل متعارف ہے جس کے متعلق کمپنی کا دعویٰ ہے کہ یہ امریکی کمپنی اوپن اے آئی کے چیٹ جی پی ٹی اور اسی نوعیت کے دیگر ماڈلز سے ملتا جلتا ہے اور اس پر زیادہ لاگت نہیں آئی۔ رواں ماہ کے آغاز میں یہ ماڈل ایپ کی صورت میں گوگل اور ایپل اسٹور پر بھی دستیاب ہے۔
یہاں یہ بات بھی قابل ذکر ہے کہ چین کی تیار کردہ مصنوعی ذہانت کی ایپلی کیشن ڈیپ سیک چیٹ جی پی ٹی اور دیگر ایسی حریف ایپس کو مات دے کر امریکا، برطانیہ اور چین میں ایپل کے ایپ اسٹور پر ٹاپ ریٹڈ مفت ایپلی کیشن بھی بن چکی ہے۔
دریں اثنا امریکی قانون سازوں نے سرکاری ڈیوائسز میں چینی ڈیپ سیک چیٹ بوٹ پر پابندی سے متعلق بل لانے کا منصوبہ تیار کرلیا ہے۔
مزید پڑھیں: ڈیپ سیک استعمال کرنے والے ہوشیار ہوجائیں، ماہرین کا انتباہ
امریکی میڈیا کے مطابق ڈیپ سیک سے متعلق امریکا میں خدشات ہیں کہ چینی ایپلی کیشن کے تحت چین کو صارفین کے ڈیٹا تک رسائی ہوگی۔
ڈیپ سیک چیٹ بوٹ کے منظرعام پر آنے سے امریکا کے آے ٹی مرکز سلیکون ویلی میں ہلچل مچ گئی ہے۔
اس حوالے سے فیس بک کے بانی مارک زکربرگ نے ڈیپ سیک کو ایک بہت ہی جدید ماڈل تسلیم کرتے ہوئے کہا ہے کہ یہ ایک بہت بڑا جیو پولیٹیکل مقابلہ ہے اور چین اس میں بہت تیزی سے آگے بڑھ رہا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ڈیپ سیک ڈیپ سیک اے پی آئی.ذریعہ: WE News
کلیدی لفظ: ڈیپ سیک اے پی ا ئی ڈیپ سیک اے ا ئی
پڑھیں:
طیارہ انجینئرز کا احتجاج، پی آئی اے کا فضائی آپریشن معطل
پاکستان انٹرنیشنل ایئرلائنز (پی آئی اے) کے طیارہ انجینئرز کے ملک گیر احتجاج کے باعث قومی فضائی کمپنی کا آپریشن شدید متاثر ہو گیا ہے۔
فوٹو نیوز کے مطابق انجینئرز نے انتظامیہ کے رویے کے خلاف بطور احتجاج تمام طیاروں کی روانگی کی کلیئرنس روک دی ہے، جس سے درجنوں اندرون و بیرونِ ملک پروازیں منسوخ یا تاخیر کا شکار ہو گئی ہیں۔
ذرائع کے مطابق، پی آئی اے انتظامیہ اور سوسائٹی آف ایئرکرافٹ انجینئرز آف پاکستان (SAEP) کے درمیان تنازع شدت اختیار کر گیا ہے، جس کے نتیجے میں انجینئرز نے اعلان کیا ہے کہ وہ کام اس وقت تک بحال نہیں کریں گے جب تک چیف ایگزیکٹو آفیسر (CEO) کا رویہ بہتر نہیں ہوتا۔
مزید پڑھیں: پی آئی اے کی نجکاری میں بین الاقوامی ایئر لائنز کی عدم دلچسپی پر سینیٹ کمیٹی کا اظہارِ تشویش
انجینئرز کی ہڑتال کے باعث متعدد اہم بین الاقوامی اور ملکی پروازیں معطل ہو گئیں، جن میں نمایاں ہیں:
لاہور سے مدینہ (PK747، PK744)
اسلام آباد سے جدہ (PK741، PK736)
کراچی سے جدہ (PK761، PK832)
کراچی–لاہور–ابوظہبی (PK263، PK264)
کراچی–اسلام آباد–دبئی اور پشاور روٹس (PK233، PK284)
ذرائع کے مطابق رات 8 بجے کے بعد کراچی ایئرپورٹ سے کوئی بین الاقوامی پرواز روانہ نہیں ہو سکی کیونکہ انجینئرز نے کسی بھی طیارے کو اڑان کی کلیئرنس دینے سے انکار کر دیا۔
مزید پڑھیں: پی آئی اے کا برطانیہ کے لیے فضائی آپریشن بحال، 5 سال بعد پہلی پرواز مانچسٹر پہنچ گئی
دوسری جانب، پی آئی اے کے سی ای او نے چیف ایچ آر آفیسر کو ہدایت دی ہے کہ احتجاج میں شامل انجینئرز کے خلاف سخت تادیبی کارروائی کی جائے۔ سی ای او کے مطابق، جن انجینئرز نے پروازوں میں خلل ڈالا ہے، انہیں نتائج بھگتنا ہوں گے۔
یہ بحران ایسے وقت میں سامنے آیا ہے جب پی آئی اے نے 5 سال بعد برطانیہ کے لیے پروازیں بحال کی تھیں۔ حال ہی میں قومی ائیرلائن نے مانچسٹر کے لیے ہفتہ وار 2 پروازوں کا آغاز کیا تھا، جسے وزیرِ دفاع خواجہ آصف نے قومی سنگِ میل قرار دیا تھا۔ تاہم موجودہ احتجاج سے پی آئی اے کی عالمی ساکھ اور آپریشنل بحالی کو ایک بار پھر شدید خطرات لاحق ہو گئے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پی آئی اے طیارہ انجینئرز کا احتجاج فضائی آپریشن معطل
کراچی، نادرن بائی پاس پر پلاسٹک کے گودام میں آگ لگ گئی