زیادتی میں مزاحمت پر حاملہ خاتون کو چلتی ٹرین سے پھینک دیا گیا
اشاعت کی تاریخ: 7th, February 2025 GMT
تامل ناڈو کے کوئمبٹور ضلع میں ایک حاملہ خاتون کو زیادتی کے دوران مزاحمت کرنے پر ٹرین سے پھینک دیا گیا۔
بھارتی ریاستی تامل ناڈو میں جمعرات کی صبح ایک حاملہ خاتون کو اس وقت ٹرین سے نیچے پھینک دیا گیا جب اس نے زیادتی کے خلاف مزاحمت کی۔
بھارتی میڈیا کے مطابق 36 سالہ حاملہ خاتون رویتی، تیروپور سے آندھرا پردیش کے چتور جانے کےلیے انٹرسٹی ایکسپریس ٹرین میں سفر کررہی تھیں۔ رویتی خواتین کے ڈبے میں سوار تھیں جہاں ان کے ساتھ مزید سات دیگر خواتین بھی موجود تھیں۔
جب ٹرین جولارپیٹی ریلوے اسٹیشن پہنچی، تو تمام خواتین اُتر گئیں، جس کے بعد ڈبہ خالی ہوگیا۔ ٹرین کے چلنے کے بعد، ملزم ہیماراج بھی اسی ڈبے میں سوار ہوگیا۔ تھوڑی دیر بعد جب اُس نے دیکھا کہ خاتون اکیلی ہیں، تو اُس نے رویتی کے ساتھ زیادتی کی کوشش کی۔
ہیماراج کی زیادتی کے خلاف حاملہ خاتون نے مزاحمت کرتے ہوئے اُسے لات ماری، تو ملزم نے اسے چلتی ہوئی ٹرین سے باہر پھینک دیا۔
میڈیا کے مطابق خاتون کے ہاتھوں، پیروں اور سر پر چوٹیں آئی ہیں۔ انہیں فوری طور پر ویلور گورنمنٹ اسپتال لے جایا گیا، جہاں ان کا علاج کیا گیا۔
پولیس نے خاتون کے بیان کی بنیاد پر مقدمہ درج کرکے ملزم کو گرفتار کرلیا ہے۔ پولیس کے مطابق، ملزم ایک عادی مجرم ہے اور پہلے بھی اس طرح کے واقعات میں ملوث رہا ہے۔ ہیماراج کو قتل اور ڈکیتی کے الزام میں پہلے بھی گرفتار کیا جاچکا ہے۔
.ذریعہ: Express News
کلیدی لفظ: حاملہ خاتون پھینک دیا
پڑھیں:
محبوب نے شادی کے اصرار پر خاتون کو قتل کر کے دفنا دیا
بھارتی ریاست تامل ناڈو کے ضلع ایروڈ میں چند روز قبل لاپتا ہونیوالی ایک 35 سالہ خاتون کی لاش کیلے کے باغ سے برآمد کی گئی ہے۔
پولیس کے مطابق خاتون کے قتل کے الزام میں 27 سالہ شخص کو گرفتار کر لیا گیا ہے، جس کے ساتھ مقتولہ کے مبینہ تعلقات تھے۔
پولیس نے بتایا کہ گوبی چیٹی پلے یم قصبے کے قریب کھیتوں میں مقامی افراد بارش کے بعد جنگلی کھمبیاں چننے گئے تھے، جہاں انہیں مٹی سے بالوں کے کچھ تار اور خون آلود چاقو نظر آیا۔
یہ بھی پڑھیں: محبت، بلیک میلنگ اور قتل، خوفناک واردات کی تفصیل سامنے آگئی
اطلاع ملنے پر پولیس نے 3 فٹ گہرا گڑھا کھود کر خاتون کی لاش برآمد کی۔
مقتولہ کی شناخت سونیا کے نام سے ہوئی ہے، جو اپاکوڈل قصبے کی رہائشی اور پیشے کے لحاظ سے بیوٹیشن تھی، وہ 2 نومبر سے لاپتا تھی۔
جب وہ کام سے واپس نہ لوٹی تو اہلِ خانہ نے گمشدگی کی رپورٹ درج کرائی، سونیا 2 سال قبل بیوہ ہوچکی تھی اور اپنی والدہ، ایک بیٹے اور بیٹی کے ساتھ رہتی تھی۔
مزید پڑھیں:لڑکی کی محبت میں جنس تک تبدیل کرانے والے کے ہاتھوں معشوقہ کا بہیمانہ قتل
تحقیقات کے دوران پولیس کو کال ریکارڈ سے سونیا کا تعلق موہن کمار نامی شخص سے ملا، جو بی کام گریجویٹ اور اسی کیلے کے باغ کا مالک ہے جہاں لاش ملی، پولیس نے اسے حراست میں لے کر تفتیش کی۔
میڈیا رپورٹس کے مطابق دونوں کے درمیان تعلق تھا، اور خاتون اکثر اس سے شادی کا مطالبہ کرتی تھی، جس پر جھگڑا ہوا اور اس نے قتل کر دیا۔
ذرائع کے مطابق سونیا اور موہن کمار کی ملاقات 2 سال قبل ایک گارمنٹس فیکٹری میں ہوئی تھی، جہاں سے ان کے تعلقات قائم ہوئے، وہ اکثر موہن کے باغ میں ملتے تھے۔
مزید پڑھیں:بیمہ کی رقم حاصل کرنے کے لیے ماں نے ’دوست‘ کے ہاتھوں جوان بیٹا قتل کروا دیا
پولیس کے مطابق واردات کے دن موہن کمار نے اپنے کھیت میں گڑھا کھودا اور شام 8 بجے کے قریب سونیا کو وہاں بلایا۔ دونوں کچھ دیر ساتھ رہے۔
جس کے بعد موہن نے پتھر سے اس پر حملہ کیا اور پھر چھری سے اس کی گردن پر وار کر کے قتل کر دیا۔ بعد میں اس نے لاش کو گڑھے میں دفنا دیا اور موبائل فون و کپڑے بھوانی نہر کے قریب پھینک دیے۔
اطلاعات کے مطابق اگلی صبح وہ دوبارہ جائے وقوعہ پر واپس آیا اور پولیس کے سوالات پر لاعلمی ظاہر کرتا رہا۔
مزید پڑھیں: ’مرنے والے فون پر بات نہیں کرسکتے‘ مدھیہ پردیش ہائیکورٹ نے قتل کیس میں باپ بیٹے کو بری کردیا
سیروالور پولیس اسٹیشن کے افسران نے ریونیو عملے اور پیروندرائی گورنمنٹ میڈیکل کالج کی ٹیم کے ساتھ موقع پر معائنہ اور پوسٹ مارٹم کیا۔
موہن کمار کو قتل کے الزام میں گرفتار کر کے جیل بھیج دیا گیا ہے، مزید تحقیقات جاری ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
باغ پارٹنر چاقو خون آلود قتل موبائل فون میڈیکل کالج نامل ناڈو
غزہ فورس کا کام ’امن نافذ‘ کرنا ہوا تو کوئی ملک شامل نہیں ہوگا: شاہ عبداللہ