سب کو خوش رکھنا ممکن نہیں : نسیم شاہ
اشاعت کی تاریخ: 7th, February 2025 GMT
قومی کرکٹ ٹیم کے نوجوان فاسٹ بولر نسیم شاہ نے مداحوں سے میچ کے ٹکٹ مانگنے کی درخواست نہ کرنے کی اپیل کرتے ہوئے کہا ہے کہ سب کو خوش رکھنا ممکن نہیں ہوتا پاکستان کرکٹ بورڈ پوڈ کاسٹ میں گفتگو کے دوران نسیم شاہ نے اپنے کرکٹ کے ابتدائی سفر پر بات کرتے ہوئے بتایا کہ جب وہ 12 سے 13 سال کی عمر میں لاہور کرکٹ کھیلنے آئے تو ایک شخص نے ان کی بولنگ دیکھ کر کہا کہ وہ فوراً فرسٹ کلاس کرکٹ کھیل سکتے ہیں ان کے والد نے انہیں کچھ وقت دیا کہ اگر کرکٹ میں کامیابی ملی تو ٹھیک ورنہ اسکول واپس جانا ہوگا لیجنڈری اسپنر عبدالقادر کے بیٹے سلمان قادر نے ان کے مستقبل کے بارے میں پیشگوئی کی تھی، اور پھر انہوں نے سخت محنت کے بعد قومی ٹیم تک رسائی حاصل کی اپنی انجری اور کم بیک پر بات کرتے ہوئے نسیم شاہ کا کہنا تھا کہ طویل انجری کے بعد بحالی کے عمل سے گزرنا کسی بھی کھلاڑی کے لیے مشکل ہوتا ہے نئے گیند سے بولنگ کرنا دباؤ کا باعث ہوتا ہے لیکن وہ ہمیشہ ون ڈے کرکٹ میں ڈسپلن کے ساتھ بولنگ کرنے کی کوشش کرتے ہیں بیٹنگ کے حوالے سے ایک سوال پر ان کا کہنا تھا کہ جب ٹیل اینڈرز کی پارٹنرشپ بنتی ہے تو بولرز مایوس ہوتے ہیں اسی چیز کو مدنظر رکھتے ہوئے وہ بھی بیٹنگ میں اپنی شراکت قائم کرنے کی کوشش کرتے ہیں نسیم شاہ نے بتایا کہ وہ کلب میں جا کر اپنی بیٹنگ پر کام کرتے ہیں اور کوشش کرتے ہیں کہ جلد وکٹ نہ دیں، یہاں تک کہ کلب میچز میں وہ اوپننگ بھی کرتے ہیں پاکستان میں شیڈول چیمپئنز ٹرافی کے حوالے سے گفتگو کرتے ہوئے نسیم شاہ نے کہا کہ وہ اس بڑے ایونٹ کے لیے نہایت پرجوش اور مکمل طور پر تیار ہیں ان کا کہنا تھا کہ پاکستانی شائقین کو اسٹارز کو اپنے میدانوں پر کھیلتا دیکھنے کا موقع ملے گا اور اس بار ٹیم ماضی کی غلطیوں کو دہرانے کے بجائے کامیابی کے لیے بھرپور محنت کرے گی ٹکٹوں کے حوالے سے بات کرتے ہوئے نسیم شاہ نے مداحوں سے گزارش کی کہ وہ ان سے میچ کے ٹکٹ نہ مانگیں کیونکہ کھلاڑیوں کو صرف تین سے چار ٹکٹ ملتے ہیں جبکہ مانگنے والوں کی تعداد سینکڑوں میں ہوتی ہے ان کا کہنا تھا براہ کرم ناراض نہ ہوں بعض اوقات اپنی فیملی کو بھی انکار کرنا پڑتا ہے سب کو خوش نہیں رکھا جا سکتا اس لیے ٹکٹ نہ مانگا کریں
.ذریعہ: Nawaiwaqt
کلیدی لفظ: نسیم شاہ نے کا کہنا تھا کرتے ہوئے کرتے ہیں
پڑھیں:
کم عمر بچوں کے فیس بک اور ٹک ٹاک استعمال پر پابندی
لاہورہائیکورٹ میں کم عمر بچوں کے فیس بک اور ٹک ٹاک استعمال پر پابندی کے لیے درخواست پر سماعت ہوئی، جس میں عدالت نے پی ٹی اے سمیت دیگر کو نوٹس جاری کرتے ہوئے جواب طلب کرلیا ۔
چیف جسٹس عالیہ نیلم نے شہری اعظم بٹ کی درخواست پر سماعت کی ، جس میں مؤقف اختیار کیا گیا تھا کہ بچے فیس بک اور ٹک ٹاک پر نامناسب مواد دیکھتے ہیں، جس سے بچوں کی تعلیمی سرگرمیاں متاثر ہورہی ہیں۔چیف جسٹس نے ریمارکس دیے کہ سوشل میڈیا پر سسٹم موجود ہے کہ بچوں کی رسائی کو محدود کر سکتے ہیں۔ والدین بچوں کے سوشل میڈیا تک رسائی کو چیک کر سکتے ہیں ۔ انہوں نے وکیل سے مکالمہ کرتے ہوئے کہا کہ بیرون ملک بھی والدین ایسی ہی رسائی رکھتے ہیں ۔ ایڈیشنل اٹارنی جنرل سے مکالمہ کرتے ہوئے چیف جسٹس نے استفسار کیا کہ آپ اس پر کیا کہیں گے؟، جس پر سرکاری وکیل نے جواب دیا کہ انہوں نے پٹیشن میں فریق ہی غلط بنایا ہے۔ حکومت پاکستان کو فریق بنانا چاہیے تھا۔ چیف جسٹس نے کہا کہ اگر انہوں نے پی ٹی اے کو درخواست دی ہے تو ان سے پتا کر کے عدالت کو آگاہ کریں۔ کمیشن کا مقصد یہی ہے کہ لوگوں کے معاملات کو حل کرنے کے لیے ان سے رابطہ کر سکیں۔
’’ڈرو اُس دن سے جب اوپر والے کی پکڑ ہوگی‘‘بینک کے قرض کیس میں عدالت کے ریمارکس