اسلام آباد: ٹریفک قوانین کی خلاف ورزی پر کریک ڈاؤن، 35 ہزار موٹرسائیکل سواروں کا چالان
اشاعت کی تاریخ: 9th, September 2025 GMT
چیف ٹریفک آفیسر کیپٹن (ر) حمزہ ہمایوں کی ہدایت پر اسلام آباد ٹریفک پولیس کی جانب سے ٹریفک قوانین کی خلاف ورزیوں کے خلاف بھرپور مہم جاری ہے۔
ترجمان اسلام آباد پولیس کے مطابق اس مہم کے دوران مختلف خلاف ورزیوں پر ہزاروں شہریوں کے خلاف کارروائی عمل میں لائی گئی۔ غیر قانونی پارکنگ کے باعث 1 لاکھ 382 گاڑیاں روڈ سے ہٹا کر قانونی کارروائی کی گئی۔ اسی طرح 35 ہزار 81 موٹر سائیکل سواروں کو بغیر ہیلمٹ سفر کرنے پر چالان جاری کیے گئے۔
یہ بھی پڑھیے: اسلام آباد پولیس کی بڑی کارروائی، راہزنی میں ملوث بین الصوبائی گروہ گرفتار
اعداد و شمار کے مطابق لین وائلیشن پر 26 ہزار 367، سیٹ بیلٹ نہ باندھنے پر 23 ہزار 529 اور رانگ وے ڈرائیونگ پر 23 ہزار 730 کارروائیاں کی گئیں۔ فینسی اور غیر نمونہ نمبر پلیٹس کے استعمال پر 40 ہزار 721، جبکہ اوور لوڈنگ پر 30 ہزار 415 گاڑیوں کے خلاف قانونی کارروائیاں عمل میں لائی گئیں۔
ترجمان کے مطابق دورانِ ڈرائیونگ موبائل فون سننے پر 5 ہزار 499 افراد کو چالان جاری ہوئے، بغیر ڈرائیونگ لائسنس اور کم عمری میں ڈرائیونگ پر 3 ہزار 566 ڈرائیورز کے خلاف کارروائی کی گئی۔ ہائی بیم کے استعمال پر 4 ہزار 894، کالے شیشے لگانے پر 5 ہزار 974 اور بغیر نمبر پلیٹ کے چلنے والی 3 ہزار 850 گاڑیوں کے خلاف کارروائیاں ہوئیں۔
یہ بھی پڑھیے: اسلام آباد ٹریفک پولیس کی ہیلمٹ آگاہی اور نفاذ مہم، 34 ہزار سے زائد سائیکل سواروں کے خلاف کارروائی
چیف ٹریفک آفیسر کیپٹن (ر) حمزہ ہمایوں نے کہا کہ مہم کے دوران بلا تفریق کارروائیاں جاری رہیں گی۔ ہیوی بائیک، ہیوی ساونڈ سائلنسرز، ون ویلنگ اور ہلڑ بازی کرنے والوں کے خلاف کسی قسم کی رعایت نہیں برتی جائے گی۔
انہوں نے مزید کہا کہ ٹریفک قوانین کی خلاف ورزی کرنے والوں کے لیے زیرو ٹالرنس پالیسی اپنائی گئی ہے، جبکہ شہریوں سے اپیل ہے کہ وہ ٹریفک اہلکاروں کے ساتھ تعاون کریں اور ذمہ دار شہری ہونے کا ثبوت دیں۔
سی ٹی او نے کہا کہ اسلام آباد ٹریفک پولیس شہریوں کی سہولت اور حفاظت کے لیے ہر وقت کوشاں ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام آباد پولیس ٹریفک پولیس ٹریفک قوانین چالان.
ذریعہ
ذریعہ: WE News
کلیدی لفظ: اسلام ا باد پولیس ٹریفک پولیس ٹریفک قوانین چالان کے خلاف کارروائی ٹریفک قوانین ٹریفک پولیس اسلام آباد
پڑھیں:
بابوسر ٹاپ 8 جون تک ہر قسم کی ٹریفک کیلئے بند
مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ اسلام ٹائمز۔ بابوسر ٹاپ روڈ 8 جون تک ہر قسم کی ٹریفک کے لیے بند رہے گی۔ مقامی انتظامیہ کے مطابق بابوسر ٹاپ اور گرد و نواح میں دو طرفہ سڑک کی بحالی اور صفائی کا کام تیزی سے جاری ہے۔ سڑک کی مکمل بحالی اور محفوظ آمدورفت کو یقینی بنانے کے پیشِ نظر روڈ کو 8 جون تک ہر قسم کی ٹریفک کے لیے بند کر دیا گیا ہے۔ انتظامیہ کے مطابق عوام غیر ضروری سفر سے گریز کریں اور پولیس و ضلعی انتظامیہ کے ساتھ تعاون کریں۔ مزید معلومات اور تازہ ترین صورتحال سے آگاہی کے لیے ڈپٹی کمشنر دیامر آفس 05812920055 دیامر پولیس کنٹرول روم 05812930037 پولیس ہیلپ لائن 15 پر رابطہ کریں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ