کشمیر میں انسانی حقوق کی پامالیوں کا المناک سلسلہ بدستور جاری ہے، میرواعظ عمر فاروق
اشاعت کی تاریخ: 7th, February 2025 GMT
کل جماعتی حریت کانفرنس کے چئیرمین نے وادی بھر میں حالیہ دنوں میں سینکڑوں افراد کی گرفتاری پر بھی افسوس کا اظہار کرتے ہوئے حکام سے اپیل کی ہے کہ انہیں فوری رہا کیا جائے۔ اسلام ٹائمز۔ جموں و کشمیر کل جماعتی حریت کانفرنس کے چئیرمین میرواعظ محمد عمر فاروق میں حراستی تشدد اور گولی چلانے کے حالیہ واقعات پر گہرے افسوس کا اظہار کیا۔ انہوں نے کہا ہے کہ جموں و کشمیر میں ماورائے عدالت قتل اور انسانی حقوق کی پامالیوں کا المناک سلسلہ بدستور جاری ہے کیونکہ مجرموں کو کبھی انصاف کے کٹہرے میں نہیں لایا۔ اپنے ایک بیان میں انہوں نے کٹھوعہ میں حراستی تشدد کے بعد خودکشی کرنے والے گوجر قبیلے کے نوجوان مکھن دین اور سوپور میں قابض فورسز کی فائرنگ سے جاں بحق ہونے والے ٹرک ڈرائیور وسیم ملا کے قتل پر گہرے دکھ اور افسوس کا اظہار کیا ہے۔ انہوں نے ان واقعات کو نہایت قابل مذمت اور انتہائی تشویشناک قرار دیا ہے ۔
حریت کانفرنس کے چیئرمین میرواعظ ڈاکٹر مولوی محمد عمر فاروق نے سوشل میڈیا پلیٹ فارم ایکس پر اپنی ٹویٹ میں کہا ہے کہ جموں و کشمیر میں ماورائے عدالت قتل اور انسانی حقوق کی پامالیوں کا المناک سلسلہ بدستور جاری ہے کیونکہ مجرموں کو کبھی انصاف کے کٹہرے میں نہیں لایا جاتا۔ انہوں نے مزید کہا کہ یہ سلسلہ اس وقت تک جاری رہے گا جب تک جوابدہی کا عمل قائم نہیں اور متاثرین کو انصاف فراہم نہیں کیا جاتا۔ بیان میں مزید کہا گیا کہ یہ حکام بشمول منتخب نمائندوں کی ذمہ داری ہے کہ ایسے جرائم کو روکا جائے اور اگر بدقسمتی سے یہ واقعات پیش آئیں تو ان کی مکمل تحقیقات کی جائے اور مجرموں کو سخت سزا دی جائے۔ میرواعظ عمر فاروق نے وادی بھر میں حالیہ دنوں میں سینکڑوں افراد کی گرفتاری پر بھی افسوس کا اظہار کرتے ہوئے حکام سے اپیل کی ہے کہ انہیں فوری رہا کیا جائے۔
ذریعہ: Islam Times
کلیدی لفظ: افسوس کا اظہار عمر فاروق انہوں نے
پڑھیں:
بابا گورونانک کے جنم دن کی تقریبات کا آغاز، سکھ یاتریوں کی آمد کا سلسلہ جاری
ننکانہ صاحب میں سکھوں کے روحانی پیشوا بابا گورونانک کے جنم دن کا پہلا روز منایا گیا۔ اندرون و بیرون ممالک سے سکھ یاتریوں کی ننکانہ صاحب آمد کا سلسلہ جاری ہے۔ ضلعی انتظامیہ کی جانب سے سکھ یاتریوں کا والہانہ استقبال کیا گیا، اور وہ اپنی مذہبی رسومات ادا کرنے میں مصروف ہیں۔
بھارت سے 2 ہزار سے زیادہ سکھ یاتری کل ننکانہ صاحب پہنچیں گے۔ آج ڈپٹی کمشنر محمد تسلیم اختر راؤ اور ڈی پی او فراز احمد نے گوردوارہ تنمبو صاحب کا دورہ کیا اور وہاں کے اندر اور اطراف میں سیکیورٹی صورتحال کا جائزہ لیا۔
مزید پڑھیں: بابا گورونانک کا 556ویں جنم دن، ننکانہ صاحب کے تعلیمی اداروں میں 3 روزہ تعطیل
انہوں نے میڈیکل کیمپ، ریسکیو کیمپ سمیت دیگر انتظامات کو بھی چیک کیا اور سکھ یاتریوں کی گاڑیوں کے لیے مختص پارکنگ کا معائنہ کیا۔
وزیر اعلیٰ پنجاب کی خصوصی ہدایت پر ننکانہ صاحب میں ساتوں گوردوارہ جات کو دلہن کی طرح سجایا گیا ہے۔
مریم نواز شریف کے احکامات پر ضلع کے داخلی و خارجی راستوں پر خصوصی لائٹنگ کا بھی انتظام کیا گیا ہے۔ سکھ یاتریوں کے لیے لنگر، رہائش، علاج معالجے اور صفائی ستھرائی کے بہترین انتظامات کیے گئے ہیں۔
ڈپٹی کمشنر ننکانہ نے کہاکہ پاکستانی قوم سکھوں سے بے پناہ محبت کرتی ہے اور یہ ملک سکھ قوم کا دوسرا گھر ہے، اقلیتوں کو مکمل مذہبی آزادی حاصل ہے۔
مزید پڑھیں: سیلاب سے متاثرہ دربار صاحب کرتار پور کو صفائی کے بعد سکھ یاتریوں کے لیے کھول دیا گیا
اس موقع پر ڈی پی او فراز احمد نے کہا کہ سکھ یاتری پاکستان سے اچھی یادیں لے کر جائیں گے۔
ترجمان ضلعی انتظامیہ ننکانہ صاحب نے بتایا کہ ننکانہ صاحب میں بابا گورونانک کے جنم دن کی تقریبات 6 نومبر تک جاری رہیں گی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews بابا گورو نانک جنم دن تقریبات روحانی پیشوا سکھ یاتری وی نیوز
برطانیہ خلیجی ممالک کے ساتھ ترقی کے لیے مزید آگے بڑھے گا، چانسلر ریچل ریوز