نسیم شاہ نیوزی لینڈ کیخلاف شکست کو بھول کر اگلے میچ میں فتح کیلیے پرامید
اشاعت کی تاریخ: 10th, February 2025 GMT
کراچی:
پاکستان کرکٹ ٹیم کے فاسٹ بولر نسیم شاہ نے کہا ہے کہ سہ قومی کرکٹ ٹورنامنٹ کے دوسرے میچ میں جنوبی افریقا کے خلاف کامیابی کے لیے بہت پر امید ہیں، پہلے میچ میں نیوزی لینڈ کے خلاف شکست کو بھول کر اگلے میچ میں فتح کے لیے میدان میں اتریں گے۔
پاکستان کرکٹ ٹیم کی نیشنل اسٹیڈیم میں مشقوں سے قبل میڈیا سے گفتگو کرتے ہوئے نسیم شاہ نے کہا کہ ہر میچ سے سیکھنے کو ملتا ہے، نیوزی لینڈ کے خلاف میچ میں جو ہوا برا ہوا تاہم اپنی خامیوں پر قابو پانے کی کوشش کریں گے، کھیل میں کارکردگی دکھانے پر ہی خامیاں سامنے آتی ہیں۔
انہوں نے کہا کہ کھلاڑی کا کام پرفارم کرنا ہوتا ہے تاہم نتائج ہمارے ہاتھ میں نہیں ہوتے، کوشش کریں گے کہ کراچی میں جنوبی افریقا کو شکست سے ہمکنار کریں۔
فاسٹ بولر نے کہا کہ چیمپیئنز ٹرافی کے حوالے سے بھی اچھی توقعات ہیں، امید ہے کہ اہم مقابلوں میں نتائج ہمارے حق میں رہیں، ہم نے کوشش کی ہے کہ بیٹنگ کو بھی بہتر کریں لیکن میچ میں بنیادی کردار بولنگ کا ہوتا ہے، میں بولنگ کے ساتھ ساتھ بیٹنگ پر بھی بھرپور توجہ دے رہا ہوں۔
انہوں نے کہا کہ چیمپیئنز ٹرافی کے لیے پاکستان کرکٹ ٹیم بہترین دستیاب کھلاڑیوں پر مشتمل ہے، ٹیم کو اعتماد دینے کی ضرورت ہے، پاکستان کی بولنگ بہترین ہے جبکہ بیٹنگ بھی مضبوط تر ہوتی جا رہی ہے، قوم کی توقعات پر پورا اترنے کی کوشش کریں گے۔
ایک سوال کے جواب میں نسیم شاہ نے کہا کہ اب تک بھارتی کرکٹ ٹیم سے مقابلے کے حوالے سے ٹیم میں کوئی گفتگو نہیں ہوئی، ہماری توجہ ایک میچ پر نہیں بلکہ پورے ٹورنامنٹ پر ہوگی، جو ٹیم دباو برداشت کرنے میں کامیاب رہی وہی فتح سے ہمکنار ہوگی۔
فاسٹ بولر نے کہا کہ بطور بولنگ یونٹ ہم بہتر کریں گے لیکن ان پچز پر فاسٹ بولرز کو زیادہ مدد نہیں ملتی، اسپنرز کا کردار یہاں اہم ہے، میں نے گزشتہ میچز میں اچھی بولنگ نہیں کی۔
نسیم شاہ نے پاکستان کرکٹ بورڈ کی جانب سے چیمپیئنز ٹرافی کے حوالے سے اسٹیڈیمز کی تزئین و آرائش کو سراہتے ہوئے کہا کہ یہ اچھا اقدام ہے، اسٹیڈیم بہت اچھے بنے ہیں۔
دوسری جانب، چیمپینز ٹرافی کراچی پہنچ گئی، تعلیمی درسگاہ میں طالب علموں نے ٹرافی کے ساتھ سیلفیاں بنائیں۔
واضح رہے کہ پاکستان کرکٹ ٹیم اپنا دوسرا میچ بدھ کو کھیلے گی، نیشنل اسٹیڈیم میں میزبان ٹیم کا جنوبی افریقا سے مقابلہ ہوگا۔ دونوں ٹیموں کے درمیان سیریز کا تیسرا میچ ڈے اینڈ نائٹ ہوگا۔
جنوبی افریقا کی ٹیم پیر کی شب کراچی پہنچ جائے گی جبکہ منگل کو پاکستان اور جنوبی افریقا کی ٹیموں کی مشقیں طے ہیں۔ فائنل میں جگہ نہ بنا پانے والی ٹیم جمعرات کو لاہور روانہ ہو جائے گی۔
دونوں فائنلسٹ ٹیموں کا پریکٹس سیشن شام ساڑھے چھ بجے شروع ہوگا جبکہ فائنل 14 فروری کو طے ہے۔
.ذریعہ: Express News
کلیدی لفظ: پاکستان کرکٹ ٹیم جنوبی افریقا نسیم شاہ نے نے کہا کہ ٹرافی کے میچ میں کریں گے
پڑھیں:
نادرا سے شناختی کارڈ منسوخ کروانے کا آسان طریقہ
اسلام آباد (ویب ڈیسک) اگر آپ پاکستانی شہریت ترک کر چکے ہیں اور آپ POC یعنی پاکستان اوریجن کارڈ حاصل کرنا چاہتے ہیں تو آپ کو سب سے پہلے اپنا بے فارم، جوینائل کارڈ، شناختی کارڈ یا نائکوپ منسوخ کروانا ہوگا۔
شناختی کارڈ کی منسوخی کیلیے آپ کو کسی نادرا سینٹر جا کر قطار میں لگنے کی ضروت نہیں بلکہ پاک آئی ڈی موبائل ایپ کے ذریعے گھر بیٹھے کر سکتے ہیں۔
طریقہ سمجھیں:
پاک آئی ڈی موبائل ایپ پر لاگ ان کریں اور ID CANCELLATION پر کلک کریں۔ اپنے لیے MYSELF اور اہل خانہ (ماں، باپ، شریک حیات، بہن، بھائی، بیٹا یا بیٹی) کے کارڈ کی منسوخی کیلیے MY BLOOD RELATIVES کا انتخاب کریں۔
اگلی اسکرین پر SURRENDER پر کلک کریں گے تو APPLICATION DETAILS کی اسکرین ظاہر ہوگی، VERIFY FINGERPRINTS پر کلک کریں۔ اگر اپنے لیے اپلائی کر رہے ہیں تو اپنی اور اگر اہل خانہ کیلیے کر رہے ہیں تو ان کی انگلیوں یا انگوٹھے کی تصدیق کریں۔
انگلیوں یا انگوٹھے کی تصدیق کا عمل مکمل کر کے NEXT پر کلک کریں۔ اب اپنی درخواست کی پروسسنگ کیٹیگری منتخب کر کے START APLLICATION پر کلک کریں۔ سب کیٹیگریز کی ایک ہی فیس یعنی 15 امریکی ڈالرز ہے جو کہ پاکستانی روپے میں تبدیل کر کے دکھائی جائے گی۔
اب APPLICANT PHOTOGRAPH کی اسکرین کھلے گی وہاں CAPTURE پر کلک کریں (اگر آپ اپنے لیے اپلائی کر رہے ہیں تو اپنی تصویر لیں ورنہ اہل خانہ کی)۔ تصویر بغیر عینک اور سفید BACKGROUND کے ساتھ بنائیں۔ آپ کا چہرہ کیمرے کی اسکرین پر موجود FACE SHAPE کے دائرے کے اندر رہے، فوٹو بنانے کے بعد اپلائی پر کر کے پھر DONE کر دیں۔
پھر APPLICANT DETAILS میں معلومات مکمل کر کے NEXT کریں۔ اب SUPPORTING DOCUMENTS کی اسکرین پر متعلقہ دستاویزات اپلوڈ کریں جیسے کہ RENUNCIATION CERTIFICATE یا FOREIGN PASSPORT ہیں۔
یاد رہے کہ اگر آپ نے کسی ایسے ملک کی شہریت حاصل کی ہے جس سے پاکستان کا دوہری شہریت کا معاہدہ ہے تو اس صورت میں RENUNCIATION CERTIFICATE لازمی مہیا کرنا ہوگا۔
ان ممالک میں آسٹریلیا، بیلجیم، کینیڈا، مصر، فرانس، آئیس لینڈ، آئر لینڈ، اٹلی، اردن، ہالینڈ، نیوزی لینڈ، سوئیڈن، سوئٹزرلینڈ، شام، امریکا، برطانیہ، بحرین، فن لینڈ، ڈنمارک، جرمنی، ناروے شامل ہیں۔
دستاویزات اپلوڈ کرنے کے بعد SUBMIT پر کلک کریں جس کے بعد آپ کی درخواست ارسال ہو جائے گی۔ اس کے بعد نادرا آپ کی درخواست پر ضروری کارروائی کرے گا، منظور ہونے کی صورت میں آپ کی ٹریکنگ آئی ڈی کے دائیں طرف PAY NOW کا آپشن ظاہر ہوگا اس پر کلک کرنا ہے۔
آپ فیس کی ادائیگی ای سہولت، جاز کیش، ایزی پیشہ یا ڈیبٹ اور کریڈٹ کارڈ کے ذریعے کر سکتے ہیں۔ فیس ادائیگی کے بعد CANCELLATION CERTIFICATE پاک آئی ڈی ایپ سے براہ راست ڈاؤن لوڈ کیا جا سکتا ہے۔
Post Views: 3
کپاس کا مسلسل زوال معیشت کے لیے خطرہ بن گیا ہے