ختم نبوت لائرزفورم کی علامہ حمادی کی آخری آرام گاہ پر آمد
اشاعت کی تاریخ: 11th, February 2025 GMT
ٹنڈوآدم(پ ر)ختم نبوت لائرز فورم کی علامہ حمادی کی آخری آرامگاہ پر آمد رقت آمیز مناظر، چیئرمین میئو منظوراحمد کا علامہ حمادی کو خراج عقیدت اور تحفظ ختم نبوت کا مشن جاری رکھنے کا عزم۔ تفصیلات کے مطابق کراچی سے ختم نبوت لائرز فورم کا ایک بہت بڑا وفد چیئرمین ختم نبوت لائرز فورم میئو منظور احمد راجپوت ایڈووکیٹ کی سربراہی میں اسماعیل شاہ قبرستان کھنڈو روڈ ٹنڈو ادم میں واقع تنظیم تحفظ ناموس خاتم الانبیا پاکستان کے بانی سربراہ علامہ احمد میاں حمادی کی آخری آرامگاہ پر فاتحہ خوانی کیلئے پہنچا،وفد میں میئو منظور احمد راجپوت ایڈووکیٹ کے ساتھ محمد نذیر تنولی ،ایڈووکیٹ رحیم خان ایڈووکیٹ، رانا ذیشان ایڈووکیٹ، سرکاری ایڈووکیٹ ثریاخانزادہ ڈی ڈی اے، خاور منظور ایڈووکیٹ، زاہد حسین ایڈووکیٹ ، سرفراز، دانیال ، ارمان اورسرفراز احمد و دیگر شامل تھے۔اس موقع پر تنظیم تحفظ ناموس خاتم الانبیا پاکستان کے سربراہ مفتی محمد طاہر مکی مرکزی رہنما قاری عبدالرحمن الحذیفی حافظ شیر اسامہ بن طاہر شبان ختم نبوت سندھ کے سربراہ محمد محرم علی راجپوت اور دیگر رہنما موجود تھے۔ختم نبوت لائرز فورم کے چیئرمین میئو منظور احمد ایڈووکیٹ نے اس موقع پر علامہ احمد میاں حمادی کی خدمات کو خراج تحسین پیش کرتے ہوئے کہا کہ ختم نبوت کے تحفظ اور فتنہ قادیانیت کے تعاقب کے لیے علامہ احمد میاں حمادی کی دیوانہ وار خدمات ناقابل فراموش ہیں، فتنہ قادیانیت ہی نہیں ہرگستاخ رسول کے خلاف قانونی اور آئینی طور پر جتنا کام علامہ احمد میاں حمادی نے کیا ہے اس کی مثال ملک بھر میں نہیں ملتی۔ انہوں نے کہا کہ گوہر شاہی فتنہ جو مرزا غلام محمد قادیانی کے بعد اس صدی کا سب سے بڑا فتنہ ہے علامہ احمد میاں حمادی نے انسداد دہشتگردی کورٹ میں قانونی اور آئینی طور پر اس کا مقابلہ کر کے اس کے ناک میں نکیل ڈالی۔ اس کے علاوہ میئو منظور احمد راجپوت کا کہنا تھا کہ علامہ احمد میاں حمادی نے توہین خدا، رسالت، توہین قران ،توہین صحابہ اور مذہبی جذبات مجروح کرنے کے سیکڑوں ملزموں پرمقدمات اعلیٰ عدالتوں میں درج کروائے ہوئے ہیں جس کی وکالت میں منظور احمد ایڈووکیٹ اورختم نبوت لائرز فورم کر رہا ہے۔منظور احمد ایڈووکیٹ راجپوت نے کہا کہ علامہ احمد میاں حمادی کی مذہبی اور عقیدہ ختم نبوت سے متعلق خدمات کو جس قدر خراج تحسین پیش کیا جائے کم ہے۔علامہ احمد میاں حمادی کی آخری ارام گاہ پر حاضری کے وقت انتہائی رقت آمیز مناظر نظر آئے۔
.ذریعہ: Jasarat News
کلیدی لفظ: علامہ احمد میاں حمادی کی حمادی کی ا خری ا
پڑھیں:
شیر افضل مروت نے مشکل وقت میں پاٹی کو سہارا دیا، اس کو نکال دیا گیا، معظم بٹ
معظم بٹ ایڈووکیٹ - فوٹو: فائلرہنما پاکستان تحریک انصاف (پی ٹی آئی) معظم بٹ ایڈووکیٹ نے کہا ہے کہ شیر افضل مروت نے مشکل وقت میں پاٹی کو سہارا دیا اس کو نکال دیا۔
پشاور میں پریس کانفرنس کرتے ہوئے پی ٹی آئی رہنما معظم بٹ ایڈووکیٹ کا کہنا تھا کہ شیر افضل بانی پی ٹی آئی کے باہر آنے کا انتظار کریں۔
انکا کہنا تھا کہ بانی پی ٹی آئی نے مائنز اینڈ منرلز ایکٹ کو رد کیا ہے۔
معظم بٹ ایڈووکیٹ نے کہا کہ بانی پی ٹی آئی نے جنید اکبر کو احتساب کمیٹی کا ممبر بنایا تھا، جنید اکبر کو کمیٹی سے کیسے ہٹایا گیا؟
ان کا کہنا تھا کہ احتساب کمیٹی کے رولز ریگولیشن نہیں بنے، جس کمیٹی کا سربراہ نہ ہو وہ تحیقیقات کیا کرے گی؟
پی سی بی چیئرمین بننے کی خواہش نہیں، اگر کبھی بنا تو ملک کے لیے بنوں گا، شاہد آفریدی